1 Timoteo 5:13 - U Maganda A Baheta Ni Jesu-Cristo

¹³ Bakán la a itod nan magin tamad pa hide sakay mamilaybilay a mákpággauhon. Bakán la hide a tamad nan magin mametmet pa sakay mák-alam tu biyag nu agum sakay mággistorya tu awan dapat a iyistorya.

1 Timoteo 5:13 ပူးပေါင်းရင်းမြစ်များ

Lukas 10:7

Ni deya u bilay a nagpatulos nikam ay hod kam la hod. Dyan kamon paagton-agton ti bilay; kanán moy sakay inumán moy u ánya man a ihayin di nikam. Dipo u tarahabador ay te karapatan a mangtanggap tu hornal na.

Gimet 20:20

Tukoy moy a tu págtoldu ko sakay tu pángngaral ko nikam ay awanák nagalanganin a magkagi nikam maski ánya man a bagay a ikapiyya moy. Nagtolduwák ti hayagan pati be tu bila-bilay.

Gimet 20:30

Dumemát be u panahun a tehhod a magtoldu ti kakabuliyan a gábwat labe tu gurupo moy tánni maakit de u mánnampalataya hide a humiwalay sakay mákkuyog nide.

1 Timoteo 5:12

Ni magkakonna hod ay te panagutan hide ta sinida de u pananto de ni Cristo.

Tito 1:11

Kailangan a pugáddán mo hide ti gággimitán diyan iye, dipo sássidaán de u bawat pamilya tu pamamag-itan nu itattoldu de a awan dapat a itoldu. Gággimitán di iye para la a magkahod hide ti pilak.

Santiagu 3:10

Kanya tu eessa a labi a maggábwat u págpure sakay págsumpa. Male ina, kákkapatkákka ko hide.

1 Pedro 4:15

Diyan nakwa mangyare a kanya kam a magdanas ti kahirapan ay bilang parusa dipo namuno kam, nagtakaw, sumássuway tu kautusan, oni mák-alam tu biyag nu agum.

3 Juan 1:10

Kanya káddemát ko hina ay iluwas ko u atanan a ginággimet na: u kakabuliyan a kinákkagi na a kontara nikame. Sakay awan padi siya nakontento ti itod, nan awan na pa tanggapán u kákkapatkákka tam a dummemát. Sakay bawalan na pa u masoh hide a mangtanggap nide. Sakay awan na dán hide pakultadan a mákpagipun-ipun tu kákkapatkakka hide ti pánnampalataya ni Cristo.