1 Timoteo 5:10 - U Maganda A Baheta Ni Jesu-Cristo

¹⁰ Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

1 Timoteo 5:10 ပူးပေါင်းရင်းမြစ်များ

Mateo 25:17

Kona labe tu nakaalap ti duwwa a libo ay tummubo be u pilak na ti duwwa a libo.

Mateo 5:16

Konna la be hod u gimitán moy, ipeta moy u demlag moy tu tolay hide tánni ketan de u mágkaganda moy a gimet. Tán para puriyán de u Ama moy ti langet.”

Lukas 7:38

Káddemát na hod ay ummadene siya tu tattikádden ni Jesus. Sakay nagsanget, binisa na tu luwa na u tikád ni Jesus. Pinahidan na itod tu buuk na sakay inámmuwan na sakay dináttonan na ti pasáppot.

Lukas 7:44

Káttapos ay sinuleg na u bábbey sakay kinagi na ni Simon, “Netan mo i bábbiyáy? Summáddáppák ti bilay muwáy, pero awanák mo inatádden ti dinom a panguges ko ti tikád kuwáy. Pero siya ay binisa na ti luwa i tikád kuwáy sakay pinahidan na pa tu buuk na.

Gimet 10:22

Kanya kinagi de, “Pinaangay kame he nu kapitan nu sundalo hide a ti Cornelio. Mabait siya a tolay sakay te ánteng tu Diyos, igággalang siya nu atanan a Judio. Kinagi nikuna nu anghel nu Diyos a paangay na ka sakay sanigán na u kagiyán mo.”

Gimet 22:12

Nadid tehhod a essa a lállake ti Damasco, u ngahan na ay ti Ananias. Tehhod a ánteng tu Diyos, sumássunud tu Kautusan, sakay igággalang nu Judio hide a mámmágyan hod.

Gimet 6:3

Kanya kákkapatkákka ko hide, mangpile kam tu kaguman moy hide ti pitto a lállake a kilala tu pággimet ti maganda, mágkalalake sakay págdipalonguwan nu Banal a Ispirito, para idátton me hide ti iye a tungkulin.

Gimet 9:36

Ti Joppa ay tehhod be a essa a bábbey a mánnampalataya, u ngahan na ay Tabita, (ti Griego, u ngahan na ay Dorcas, u gusto na a kagiyán ay ogsa.) Inyobus na u atanan a odas na tu pággimet ti maganda sakay tu págtulung tu mágkahirap hide.

Gimet 9:39

Kanya naghika-hika sakay nákkuyog nide ti Pedro. Káddemát na hod ay inyangay de siya tu kuwarto tu ontok. Agad a immadene nikuna u bábbey hide a bilo a makán sangitán sakay inpeta de nikuna u pággalikábkáb sakay u damit a ginággimet ni Dorcas nikuna biyag palla siya.

Roma 12:13

Tulungan moy u kákkapatkákka moy hide a mánnampalataya a te kailangan, sakay patulusán moy u awan hide ti matulusan.

Efeso 2:10

Nilalang kitam nu Diyos, sakay tu pamamag-itan nu pákpagkaessa tam ni Cristo Jesus ay inatádden na kitam ti bigu a biyag tánni gamitán tam tu pággimet ti maganda. Dipo itod dán u date na a plano a gustu na a gimitán tam.

Colosas 1:10

Para ti konna hod, mabiyag kam a karapat-dapat sakay makasaya tu Panginoon: sakay makagimet kam ti mágkaganda a gimet sakay lumawak u pákkatukoy moy tu Diyos.

1 Timoteo 2:10

Nan u mágkaganda la a gimet u nebagay tu bábbey hide a maki-Diyos.

1 Timoteo 3:2

Pero u essa a pinuno ay kailangan a awan ti kapintasan, essa la u kabanga na, kaya a magpugád tu sadile na sakay awan pabigla-bigla. Kailangan a kagalang-galang, mágpatulos tu bilay na, sakay malalake a magtoldu.

1 Timoteo 3:7

Kailangan be a igaggalang siya nu awan hide ti pánnampalataya tánni awan siya mamansaan sakay tulos a maekhutan ni Satanas.

1 Timoteo 5:16

Ni u bábbey hide a mánnampalataya ay tehhod a kákkapatkákka a bilo ay kailangan hide i mangpospusay. Tánni u bilo hide a talaga a awan ti maasaan u pospusán dálla nu simbaan.

1 Timoteo 5:25

Konna labe hod u agum a mágkaganda a gimet ay alisto a ketan; pero ni awan man mapansin a agad ay ketan labe iye dipo awan iye metagu ti atakdug a panahun.

1 Timoteo 6:18

Itoldu mo nide a dapat a u maganda u gimitan de, para yumaman hide tu mágkaganda a gimet. Magin masaya hide a mangatád sakay handa a tumulung tu agum.

2 Timoteo 1:5

Awan ko malimunan u tapat mo a pánnampalataya a konna tu pánnampalataya nu apo mo a bakás a ti Loida sakay nena mo a ti Eunice. Sakay hanggan nadid, ay siguraduwák a konna palla hod u pánnámpalataya mo.

2 Timoteo 2:21

Ni deya man u umadeyo tu gimet a madukás ay konna siya tu kagamitan a gággamitán tu mágkahalaga a ukásyon. Inlaan na u sadile na para tu Panginoon sakay nakahanda a lagi a maggimet tu atanan a mágkaganda a gimet.

2 Timoteo 3:15

Sakay sapul pa a anak ka ay tukoy mo dán u Banal a Kasulatan. Iye u makapangatád niko ti karunungan para magkahod ka ti kaligtasan tu pamamag-itan nu pánnampalataya ni Cristo Jesus.

2 Timoteo 3:17

Tánni u tolay a magserbi tu Diyos ay awan dán ti kulang nan handa dán a maggimet tu atanan a mágkaganda a gimet.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Tito 2:7

Sakay hiko a mismo u mángpeta ti maganda tu atanan a gimitán mo tánni magin halimbawa ka tu atanan. Ipeta mo u katapatan tu págtoldu mo tánni ketan de a tatahoden u págserbi mo ni Cristo.

Tito 3:1

Ipaala-ala mo tu mánnampalataya hide hina a magpasakup tu gubiyerno. Sakay magin masássunudán hide sakay pirme a handa a maggimet ti mágkaganda.

Tito 3:14

Sakay tolduwan mo u kákkapatkákka tam hide a Kristiyano hina a ilaan de u sadile de tu pággimet ti maganda a makatulung tu ánya man a kailangan para u biyag de ay te pagserbiyan.

Tito 3:8

Tatahoden i adalan iye, kaya buo mo iye a tiyaga a itoldu tu mánnampalataya hide tu Diyos para ilaan de u sadile de tu pággimet ti maganda. I bagayan hidenye ay tunay a maganda sakay dakál a pakinabang para tu tolay.

Hebreo 10:24

Sakay pagsikapan tam a pabegsákkán u balang essa tu págmahal tu agum, sakay tu pággimet ti maganda.

Hebreo 13:2

Diyan moy kalimunan a magpatulos tu dayuhan hide. Tehhod a sangan a naggimet ti konna he, nakapagpatulos hide tu anghel hide a awan de namalayan.

Hebreo 13:21

u mangkaluub nakwa nikam u atanan a kailangan moy para megimet moy u kaluuben na, sakay tu pamamag-itan ni Jesu-Cristo ay gimitán na nikitam u makasaya nikuna. Puriyán ti Cristo hanggan-hanggan Amen!

1 Pedro 2:12

Dapat kitam a mabiyag ti maayus tu atubang nu Hentil hide, ta maski ni bintangán dikam ti madukás, pero ketan de u mágkaganda moy a gimet ay magpure hide tu Diyos káddemát nu aldew a kássole na.

1 Pedro 4:9

Tanggapán moy ti maayus u kákkapatkákka tam hide ni tumulos hide tu bilay moy.

3 Juan 1:12

Maganda u kinagi nu kakpalan tungkul ni Demetrio sakay ketan tu matuwid na a kákkabiyag. Ina be u kákkagiyán me sakay tukoy mo a tatahoden iye.