1 Timoteo 4:8 - U Maganda A Baheta Ni Jesu-Cristo

⁸ Dipo u págsanay tu bággi ay tehhod a pakinabang, pero u págsanay tu kabanalan ay mas dakál u pakinabang, bakán la tu biyag nadid nan pate tu biyag a pademát.

1 Timoteo 4:8 ပူးပေါင်းရင်းမြစ်များ

Mateo 12:32

Sakay ni ti deya man u magupos laban nikán a Anak nu Tolay ay mapatawad nu Diyos pero u magupos laban tu Banal a Ispiritu ay awan mapatawad, magin nadid a panahun oni tu demodyan a aldew.”

Mateo 19:29

Sakay ni deya man u manglakad tu bilay na, kapatkaka na hide, ama sakay ina na hide, anak na hide, oni u luta na hide para nikán ay makatanggap be ti pendatos a beses tu linakaden na. Sakay pagkalooban siya ti biyag a awan ti katapusan.

Mateo 6:33

Kanya hikam ay idipalongu moy u pághare nu Diyos tu biyag moy sakay sunudán u atanan a kautusan na. Dipo ni gimitán moy ina ay iyatád be nu Diyos u atanan a kailangan moy.

Markos 10:30

ay siguradu a magkahod siya nadid a panahun ti dinatos-datos a bilay, kákkapatkákka, dáddikál, anak sakay ari-ariyan hide, peru te kaguman be a kahirapan. Sakay káttapos nu biyag ti lutaáy ay magkahod siya ti biyag a awan ti katapusan.

Lukas 5:38

Ni bigu a alak u iyasák moy ay dapat a bigu be u pággasákkan.

Roma 8:28

Tukoy tam atu atanan a bagay, ay magahikad u Diyos para tu kapiyyaan nu atanan a mangmahal nikuna. Iye u gággimitán nu Diyos tu atanan a mangyare tu tolay hide a pinili na a makaguman tu plano na.

1 Corinto 3:22

hikán a ti Pablo, Apolos, sakay ti Pedro ay inyatád na para nikam. I munduway, u biyag, u kákkatay, sakay u panahun nadid sakay tu dumemát a panahun, iye a atanan ay neatád nikam para tu kapiyaan moy.

1 Corinto 8:8

Bakán a dipo tu makan kaya kitam a karapat-dapat tu Diyos. Awan ti mawan nikitam ni awan kitam kuman ti konna hod a makan, sakay awan labe ti meatád a maganda ni kuman kitam man he.

1 Timoteo 4:7

Dyan mo pagsayangan ti odas u awan hide ti kuwenta a bida sakay u awan tatahoden a istorya; nan sanayan mo u sadile mo a mabiyag ate kabanalan.

1 Timoteo 6:3

Ni deya man u magtoldu ti iba a adal, sakay awan nakaayun tu Upos nu Panginoon tam a ti Jesu-Cristo sakay tu adal hide a magresulta tu makidiyos a kakkabiyag,

1 Timoteo 6:5

Gugusto na be a mákpágtabbegan tu tolay hide a madukás ti pággisipan sakay umád tu tatahoden. U akala de ay dilan u págsunud tu Diyos para yumaman.

1 Timoteo 6:6

Tahod ngane dakál pakinabangay tu pannampalataya tu Diyos, basta tukoy la nu tolay a makontento tu kalagayan na.

2 Timoteo 3:5

Magkukunware hide a tehhod a pánnampalataya pero awan labe ketan tu biyag de u kapangyariyan nu Diyos. Adeyuwan mo u konna he hide a tolay.

Tito 3:8

Tatahoden i adalan iye, kaya buo mo iye a tiyaga a itoldu tu mánnampalataya hide tu Diyos para ilaan de u sadile de tu pággimet ti maganda. I bagayan hidenye ay tunay a maganda sakay dakál a pakinabang para tu tolay.

Hebreo 13:9

Diyan kam paakit tu sari-sare sakay tu iba hide a adal. Mas maganda para nikitam a mapabegsák u pánnampalataya tam tu pamamag-itan nu kagbi nu Diyos nan tu pamamag-itan nu kássunud tu utus hide tungkul tu makan. U simmunud ti iye hide ay awan ti naalap a pakinabang.

1 Juan 2:25

Sakay sa iye u inpananto nikitam ni Cristo: Biyag a awan ti kahád.

Pahayag 3:12

U magtagumpay ay ibilang ko a tolay ko magpakahanggan a konna tu adigi tu templo nu Diyos ko dipo mágyan dán siya hod hanggan-hanggan. Isulat ko nikuna u ngahan nu Diyos ko, sakay u ngahan nu banuwan nu Diyos ko. Iye ay u bigu a Jerusalem a sumidung a gábwat tu Diyos ko ti langet. Isulat ko be nikuna u bigu ko a ngahan.

Pahayag 3:21

U magtagumpay ay paetnudán ko a kasadát nu trono ko. Konna nikán a nagtagumpay, kaya nadid ay mággetnudák tu sadát nama ko tu trono na.