1 Timoteo 4:3 - U Maganda A Baheta Ni Jesu-Cristo

³ Ibawal de u pákkabanga sakay u agum a kalase a makan. Makan a u Diyos la u nanglalang a dapat nakwa a kanán ate págpasalamat lalu dán nikitam a mánnampalataya hide sakay nakatukoy tu tatahoden.

1 Timoteo 4:3 ပူးပေါင်းရင်းမြစ်များ

Mateo 14:19

Káttapos ay pinaetnod ni Jesus u katolayan hide tu kalamonan. Inalap na u limma a tinapay sakay duwwa a ikan sakay tummangngad ti langet. Nagpasalamat siya tu Diyos sakay tináppeng-táppeng na u tinapay. Kimmakpal u makan. Sakay intád na tu disepulus na hide sakay intagtag be nu disepulus na hide tu katolayan.

Mateo 15:11

Bakán a tu isubu nu tolay u makapangpadangát nikuna tu Diyos nan u madukás a kagiyán na.”

Mateo 15:36

Sakay inalap na u pitto a tinapay sakay u ikan hide. Káttapos na a nagpasalamat tu Diyos ay tináppeng-táppeng na u tinapay hide sakay intád na tu disepulus na hide. Intagtag be nu disepulus na hide tu katolayan.

Lukas 24:30

Nikuna kaatubang di dán siya a kuman ay nangalap siya tu tinapay sakay nagpasalamat tu Diyos. Káttapos ay hinate-hate na sakay inyatád na nide.

Juan 6:23

Kanya ehyukán de ti Jesus. Nadid, te dimmemát a abang a gábwat ti Tiberias dimmung hide tu kinanan nu tolay hide tu tinapay a impasalamat nu Panginoon.

Gimet 27:35

Sakay kákkatapos ni Pablo a nagupos ay nangalap siya ti tinapay, sakay nagpasalamat tu Diyos tu atubang nu katolayan. Tináppeng-táppeng na u tinapay sakay kinuman.

Roma 14:17

Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito.

Roma 14:3

Awan dapat a sestiyán nu tolay a kuman ti maskin ánya, u tolay a atong la u kanán na. Sakay dyan hatulan nu kuman la ti atong u kuman ti maskin ánya. Dipo hide a duwwa ay pareho la a tanggapán nu Diyos.

Roma 14:6

U tolay a tehhod a pahalagaan a aldew ay pinahalagaan na iye para tu Panginoon. Sakay u tolay be a kuman ti maski ni ánya ay gimitán na iye para tu Panginoon, dipo pasalamatan na u Diyos para tu kanán na. U awan be kuman tu iba a kalase nu pagkain ay gimitán na iye para tu Panginoon sakay magpasalamat be siya tu Diyos.

1 Corinto 6:13

U kagi be nu agum ay “U makan ay para tu tiyan, sakay u tiyan ay para tu makan.” Tama ina, pero pare-pareho ina a sidaáan nu Diyos. U bággi ay bakán a para tu pángngibábbey sakay pángngilállake nan para tu págserbi tu Panginoon, sakay u Panginoon u bahala a mangalaga tu bággi.

1 Corinto 7:28

Pero ni mákkabanga kam, ay awan kam magkasala. Sakay ni mákkabanga be u madiket ay awan siya magkasala. Pero u mákkabanga ay makadanas ti makpal a hirap ti biyagan iye, sakay ina a hirap u gusto ko a maiwasan moy.

1 Corinto 8:8

Bakán a dipo tu makan kaya kitam a karapat-dapat tu Diyos. Awan ti mawan nikitam ni awan kitam kuman ti konna hod a makan, sakay awan labe ti meatád a maganda ni kuman kitam man he.

Colosas 2:16

Kanya dyan kamon pasakup tu ánya man a patakaran tungkul tu makan oni mainom, tungkul tu piyesta, tu bigu a bulan oni tu Aldew nu Káimang.

Colosas 3:17

Sakay ánya man u gimitán moy magin tu pággupos oni tu gimet, ay gimitán moy a atanan tu ngahan nu Panginoon Jesus, sakay magpasalamat kam tu Diyos Ama tu pamamag-itan na.

1 Timoteo 2:4

Gugustu na a maligtas u atanan a tolay sakay makatukoy tu tatahoden,

1 Timoteo 4:4

Dipo atanan a linalang nu Diyos ay maganda, awan ti dapat a tanggiyan nan tanggapán a tehhod a págpasalamat.

1 Timoteo 5:14

Kaya para nikán ay mas maganda pa ni mákkabanga hide a huway sakay magenak hide. Sakay alagaan u sadile de a pamilya tánni awan ti makagi a madukas u kumontara hide nikitam.

Hebreo 13:4

Dapat igalang nu atanan u pákkabanga, sakay magin tapat tu balang essa u magkabanga. Dipo hatulan nu Diyos u mangibábbey oni mangilállake.

Hebreo 13:9

Diyan kam paakit tu sari-sare sakay tu iba hide a adal. Mas maganda para nikitam a mapabegsák u pánnampalataya tam tu pamamag-itan nu kagbi nu Diyos nan tu pamamag-itan nu kássunud tu utus hide tungkul tu makan. U simmunud ti iye hide ay awan ti naalap a pakinabang.