1 Timoteo 4:1 - U Maganda A Baheta Ni Jesu-Cristo

¹ Nadid, maliwanag a kinagi iye nu Ispirito nu Diyos: Tu dimodyan a aldew ay adággen nu agum u pánnampalataya de. Sunudán de u mágkadaya hide a ispirito sakay u itáttoldu nu makadimonyo hide.

1 Timoteo 4:1 ပူးပေါင်းရင်းမြစ်များ

Mateo 18:7

Mahirap a tahod u kalagayan nu tolay ti munduwáy dipo tu ginabwatan hide nu kasalanan! Awan mawan u ginábwatan hide nu kasalanan, pero makaanteng u mangyari tu tolay a pinaggábwatan nu kasalanan!

Lukas 17:1

Kinagi ni Jesus tu disepulus na hide, “Pirme a tehhod a dahilan ni bakin a magkasala u tolay; pero makaánteng u sapitán nu tolay a pinaggábwatan ni iye a pagkakasala!

Juan 16:13

Pero káddemát nu Banal a Ispirito a tagapagtoldu tu tatahoden ay tulungan nakam para maintendiyan moy u atanan a tatahoden. U itoldu na ay bakán a gábwat nikuna, nan u nasaneg nala tu Diyos u kagiyán na. Sakay kagiyán na be nikam u tungkul tu bagay hide a dumemát.

Gimet 13:2

Essa aldew mentaras a magkulasyon sakay magpure hide tu Panginoon, kinagi nu Banal a Ispirito nide, “Ibukod moy di Bernabe sakay ti Saulo. Tehhodák a inlaan a tarabaho para nide.”

Gimet 17:18

Nákpagtábbegan be siya tu sangan a pinakamaisto a kasale tu gurupo nu Epicureo sakay Estoico. Tehhod be a sangan a nagkagi a, “Ánya wád i kákkagi-kagiyán ne ni mumaru-marunungay a tolay?” Kinagi be nu agum, “Mangaral wád tungkul tu agum a diyos nu taga iba a banuwan.” Konna hina u kagi de dipo nangaral ti Pablo tungkul ni Jesus sakay tu kákkabiyag a huway.

Gimet 20:23

Nan sa iye u tukoy ko: a tu kada banuwan a inangayan ko ay impakapospos dán nikán nu Banal a Ispirito a maguhay dán nikán u kákkekulung sakay pághirap.

Gimet 21:11

Sakay immangay siya nikame, inalap na u sinturon ni Pablo sakay inigutan na u kamát na sakay u tikád na. “Saiye u kinagi nu Banal a Ispirito: Konna he a igutan nu Judio hide ti Jerusalem u makákkao ti sinturonáy, sakay ipadakáp de siya tu Hentil hide.”

Gimet 28:25

Kanya nikuna a awan hide mamágkasundu ay limmakad hide káttapos iye a kagiyán ni Pablo, “Tahod u kinagi nu Banal a Ispirito tu nunu tam hide tu pamamag-itan ni prupeta Isaias:

1 Corinto 10:20

Awan! U gusto ko a kagiyán ay i alayan ina hide ay inyalay tu dimonyo hide, bakán a tu Diyos. Umád ko a mákpággagum kam tu dimonyo hide.

1 Corinto 11:19

(Talaga a magguru-gurupo kam! Pero kaluuban dámbe nu Diyos ina tánni ketan nitideya nikam u matapat?)

1 Corinto 12:11

Eessa la a Ispirito u náng-atád ti iye a atanan, sakay ibahagi na iye tu balang essa ayun tu kagustuwan na.

1 Corinto 2:10

Pero inhayag iye nikitam nu Diyos tu pamamag-itan nu Banal a Ispirito. Dipo tukoy nu Banal a Ispirito u atanan a bagay, maskin u madisalad a karunungan nu Diyos.

2 Corinto 11:3

Pero mabalisaák baka malasun u isip moy sakay meadeyo kam tu tapat sakay malinis a pánnalig ni Cristo, konna ni Eva a nalinlang nu biklat.

Colosas 2:18

Dyan kam maniwala tu mángpeta hide tu liwat de a págpakumbaba sakay magsamba tu anghel hide. Ipagmadakál de a mas higit hide nikam dipo tu pangitain de hide pero u tatahoden ay magmadakál la hide magmadakál la hide dipo tu makamundu de a isip.

2 Timoteo 3:13

Pero u tolay hide a mágkadukás sakay mapagkunware ay lalo pa a magpakadukás. Tulos-tulos hide a maglinlang. Pero awan de tukoy a pate hide ay nalinlang be.

2 Timoteo 4:4

Sakay awan di dán sanigan u tatahoden, nan paniwalaan diyay ay u bida hide a awan tatahoden.

Santiagu 3:15

U konna hina a karunungan ay bakán a gábwat tu Diyos nan makamundu; gábwat tu diyablo, bakán a tu Banal a Ispirito.

1 Pedro 1:20

Bagu a linalang nu Diyos i munduway ay inlaan na dán ti Jesus para mangtubus nikitam tu kasalanan tam. Kanya nadid a dimodyan a aldew ay immangay he siya ti lutaáy tánni iligtas na kitam.

2 Pedro 2:1

Pero nagkahod be ti mágkabule a prupeta tu itod ti Israel. Sakay nadid ay konna bihod dipo tehod nikam a dumemát a mágkabule a prupeta. Magkunware hide a tatahoden u itáttoldu de nikam pero baka-bakán bal. Iye a adal de ay maka sida tu pánniwala moy. Adiyan de u Panginoon a nangtubus nide kaya bigla a dumemát u kapahamakan bilang parusa nide.

2 Pedro 3:3

Dipalongo tu atanan, ay dapat moy a matukuyan a tu dimodyan a aldew ay dumemát u magseste hide sakay sunudán de u mágkadukás de a kagustuwan.

1 Juan 2:18

Anak ko hide, adeni dán u katapusan a panahun! Konna tu nasássaneg moy dán a dumemát u kontara ni Cristo. Kanya nadid ay makpal dán a pummeta a kontara ni Cristo hide. Kaya tukoy tam a adene dán u katapusan.

1 Juan 4:6

Pero kao kitamon nu Diyos kanya ni ti deyaman u tumenggi tu Diyos ay mágsaneg nikitam; pero awan mágsaneg nikitam u awan kao nu Diyos. Hed tam he a matukuyan ni tideya u magtoldu ti tatahoden a gábwat tu Ispirito nu Diyos sakay nitideya u magtoldu ti kakabuliyan a gábwat ni Satanas.

Judas 1:18

Kinagi di dán nikam tu itod pa a, “Tu dimodyan a aldew ay te dumemát a tolay, pagtawaan de u upos nu Diyos, sakay u sássunudán di la ay u mágkadukás a kagustuwan nu bággi de.”

Judas 1:4

Nagsulaták nikam dipo tehhod a sangan a tolay a nákpisan nikam a awan moy naripara. Iye hide a tolay ay u awan hide maka-diyos; iniba de u itáttoldu nu Banal a Kasulatan tungkul tu kagbi nu Diyos, ta u rason de ay makákkagbiyán kan u Diyos kanya tulos-tulos la hide a maggimet tu kagustuwan nu pilas de. Awan de tenggiyán ti Jesu-Cristo, u kasiya-siya tam a Puno sakay Panginoon. Tu itod pa a panahun ay nesulat dán tu Banal a Kasulatan u parusa a nelaan dán nide.

Pahayag 13:14

Sakay dipo tu makataka-taka hide a impagimet nikuna nu purumero a makaánteng a hayup ay nalinlang na u katolayan. Inutusan na u katolayan a maggimet ti rebulto nu purumero a makaánteng a hayup, a natalinguwan ti áttak pero nabiyag pade.

Pahayag 16:14

Iye hide u dimonyo a mággimet ti makataka-taka a bagay. Maglebut hide ti munduwáy para ipunán u atanan nu hare para mákgera tu Diyos káddemát nu dakila a Aldew a intakda nu Diyos a Makapangyariyan tu atanan.

Pahayag 18:2

Sakay pimmákhaw siya ti tunay a begsák, kinagi na, Nasida dán! Nasida dán u tanyag a Babilonia! Bilay dálla siya nadid nu dimonyo hide, piresuwan nu mágkadukás a ispirito, sakay páppágyanan dálla nu mágkadangát a manok.

Pahayag 18:23

Awan dán be maski essa a sulo a magdemlag hina; sakay awan dán masasaneg hina u mágkasaya a boses nu ikasal hide. Dipo nagin tanyag ti munduway u nigosyante hina hide, sakay nadaya u atanan a tolay ti munduway tu pamamag-itan nu anting-anting nu tolay hide a magyan hina.”

Pahayag 19:20

Namáglaban-laban hide sakay nadakáp u makaánteng a hayup sakay tu mabule a prupeta a naggimet ti himala tu ngahan nu makaánteng a hayup. Iye hide u ginamit na a pangdaya tu tolay hide a tehhod a tanda nu makaánteng a hayup sakay summamba tu rebulto na. I duwwaan iye ay imbut de a biyag tu magapoy-apoy a asupre.

Pahayag 2:11

Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide! U magtagumpay ay awan dán makadanas tu kaduwwa a kamatayan.

Pahayag 2:17

“Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide! U magtagumpay ay atádden ko tu netagu a manna. Sakay atádden ko siya ti mapudew a bito a sássulatan nu essa a bigu a ngahan a awan ti makatuko-tukoy maliban nikuna.”

Pahayag 2:29

Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide!

Pahayag 2:7

Ni makaintendi kam, ay pakasanigán moy u kákkagiyán nu Banal a Ispirito tu gurupo nu mánnampalataya hide. “U magtagumpay ay atádden ko ti karapatan a kuman tu bunga nu kayo a makapangatád ti biyag a katoy tu kahariyan nu Diyos.”

Pahayag 20:10

Sakay u Diyablo a nangdaya nide ay ibut tu kumán a diget a apoy sakay tu asupre, a nángbutan labe tu makaánteng a hayup sakay tu mágkabule a prupeta. Aldew ay ti gibi ay mamágkaguman hide a pahirapan hod hanggan-hanggan.

Pahayag 20:8

Lumuwas siya para dayaán u bansa hide ti munduway. Ipunan na u atanan a tolay para mákpaggera. U kakpal de ay konna tu baybay tu gibis nu diget iye u dáddulawán de a Gog sakay Magog.

Pahayag 3:13

Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide!

Pahayag 3:22

Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide!”

Pahayag 3:6

Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide!

Pahayag 9:20

Pero u tolay hide a awan natay ti iye hide a salut ay awan padi nagsise. Awan hide immadág sakay ummimang tu págsamba de tu dimonyo sakay tu diyos-diyosan a ginággimet di la be. Iye hide ay gimet tu ginto, pilak, tangso, bito, sakay kayo, a awan maketa, makasaneg, oni makalakad.