1 Timoteo 3:7 - U Maganda A Baheta Ni Jesu-Cristo

⁷ Kailangan be a igaggalang siya nu awan hide ti pánnampalataya tánni awan siya mamansaan sakay tulos a maekhutan ni Satanas.

1 Timoteo 3:7 ပူးပေါင်းရင်းမြစ်များ

Markos 4:11

Kinagi nide ni Jesus, “Nepagkaluub nikam u karapatan a matukuyan u lihim tungkul tu pághare nu Diyos, pero tu agum ay nekagi iye tu pamamag-itan nu talinghaga.

Gimet 10:22

Kanya kinagi de, “Pinaangay kame he nu kapitan nu sundalo hide a ti Cornelio. Mabait siya a tolay sakay te ánteng tu Diyos, igággalang siya nu atanan a Judio. Kinagi nikuna nu anghel nu Diyos a paangay na ka sakay sanigán na u kagiyán mo.”

Gimet 22:12

Nadid tehhod a essa a lállake ti Damasco, u ngahan na ay ti Ananias. Tehhod a ánteng tu Diyos, sumássunud tu Kautusan, sakay igággalang nu Judio hide a mámmágyan hod.

Gimet 6:3

Kanya kákkapatkákka ko hide, mangpile kam tu kaguman moy hide ti pitto a lállake a kilala tu pággimet ti maganda, mágkalalake sakay págdipalonguwan nu Banal a Ispirito, para idátton me hide ti iye a tungkulin.

1 Corinto 10:32

Dapat bakán a hikam u magin dahilan nu págkasala nu agum, nu Judio hide, nu Griego hide, oni u kakagumanan moy hide a mánnampalataya.

1 Corinto 5:12

Sabagay, awanák ti karapatan a humatul tu awan hide Kristiyano; u Diyos u manghatul nide. Awan beman u kapatkákka moy ti pánnampalataya u dapat moy a hatulan? Konna he u kinagi nu Kasulatan, “Ibutan moy tu grupo u mággagimitán ti madukás.”

2 Corinto 6:3

Iniwasan me a makagimet ti makasaket tu agum, tánni awan hide ti makagi tu págserbi me tu Diyos.

2 Corinto 8:21

Sikapán me a megimet iye ti maayus, bakán la tu pangileng nu Panginoon nan magin tu pangileng nu tolay hide.

Colosas 4:5

Magingat kam tu pákpággagum moy tu awan hide mánnampalataya. Samantalaán moy u atanan a pagkakataun a mebahagi u pánnampalataya moy.

1 Tesalonica 4:12

Ni ina i gimitán moyay ay irespeto kam nu awan hide mánnampalataya sakay awan kam umasa tu agum tu kákkabiyag moy.

1 Tesalonica 5:22

Umadeyo kam tu atanan a madukás.

1 Timoteo 3:6

Kailangan a nalay dán siya ti pánnampalataya, dipo ni awan ay bakay magin hambug siya sakay maparusaan a konna ni Satanas.

1 Timoteo 5:14

Kaya para nikán ay mas maganda pa ni mákkabanga hide a huway sakay magenak hide. Sakay alagaan u sadile de a pamilya tánni awan ti makagi a madukas u kumontara hide nikitam.

1 Timoteo 6:9

Pero u masoh hide a yumaman tu maski ánya man a paraan ay matápduk tu tokso sakay maekhutan hide nu mágkadukás de a kagustuwan a mángpalulung nide tu kamatayan sakay kapahamakan.

2 Timoteo 2:26

Tánni konna hod ay maliwanagan u isip de sakay makalákmos hide tu sákwat ni Satanas a nángdakáp nide para sumunud tu kagustuwan na.

Tito 2:5

Matolduwan nakwa hide a magin mahinahun, tanni u maganda la u gimitán de sakay isipán, sakay magin masipag tu gággimitán tu bilay, mabait, matapat sakay mágpasakup tu kákkabanga de. Tánni konna hod ay awan ti magkagi ti madukás kontara tu upos nu Diyos.

Tito 2:8

Gamitán mo u mágkalinis hide a pággupos tánni awan ti makamansa tu kákkagiyán mo. Ni konna hod ay mapasanike u kadima tam hide dipo awan hide ti makagi a madukás kontara nikitam.

3 Juan 1:12

Maganda u kinagi nu kakpalan tungkul ni Demetrio sakay ketan tu matuwid na a kákkabiyag. Ina be u kákkagiyán me sakay tukoy mo a tatahoden iye.