1 Timoteo 3:2 - U Maganda A Baheta Ni Jesu-Cristo

² Pero u essa a pinuno ay kailangan a awan ti kapintasan, essa la u kabanga na, kaya a magpugád tu sadile na sakay awan pabigla-bigla. Kailangan a kagalang-galang, mágpatulos tu bilay na, sakay malalake a magtoldu.

1 Timoteo 3:2 ပူးပေါင်းရင်းမြစ်များ

Lukas 1:6

Iye a magkabanga ay kinasayaan nu Diyos, sumássunud hide tu atanan a utus na.

Lukas 2:36

Katoy be tu Templo u essa a prupeta a bábbey, u ngahan na ay ti Ana a anak ni Fanuel a gábwat tu lahe ni Aser. Bakás dán siya a tahod. Pitto la hide a taon a nagagum ay tu kabanga na,

Roma 12:13

Tulungan moy u kákkapatkákka moy hide a mánnampalataya a te kailangan, sakay patulusán moy u awan hide ti matulusan.

Filipos 2:15

Tánni magin malinis kam sakay awan ti kapintasan bilang anak nu Diyos, nadid a kaguman moy palla u tolay hide a liwat sakay mágkadukás ti kákkabiyag. Tánni tu konna hod ay magin demlag kam nide a konna tu biton a maggehab ti langitáy,

1 Timoteo 3:12

Kailangan be a essa la u kabanga nu dyakuno sakay mapangasiwaan na ti maganda u pamilya de sakay maayus u pagdisiplina na tu anak na.

1 Timoteo 3:8

Konna be tu dyakuno hide tu simbaan, kailangan ay magin kagalang-galang hide, awan mabule, awan máglalasing, sakay awan masássohán ti pilak.

1 Timoteo 4:3

Ibawal de u pákkabanga sakay u agum a kalase a makan. Makan a u Diyos la u nanglalang a dapat nakwa a kanán ate págpasalamat lalu dán nikitam a mánnampalataya hide sakay nakatukoy tu tatahoden.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

1 Timoteo 5:22

Dyan mo basta itupo i kamát muwe tu maskin deya la para magin pinuno, nan tukuyán mo pa u pagkatolay na. Magingat ka a awan mesale tu kasalanan nu agum. Magtulos-tulos ka a awan ti dangát.

1 Timoteo 5:9

U isale mo tu listaan nu bilo hide a bábbey a dapat a tulungan ay kailangan a awan kumulang ti ánnám a pulu a taon u idad na sakay pumensan la a nákkabanga.

2 Timoteo 2:24

Dipo u tagapagserbi nu Diyos ay awan dapat mákpágdadima; nan mabait a mákpággagum tu atanan, sakay malalake a magtoldu. Dapat be siya a mapagpugad,

Tito 2:2

Tolduwan mo u lállakay hide a magin mahinahun, kagalang-galang, mapagpugád ti sadile, matatag ti pánnampalataya, págmahal sakay matiyaga.

Hebreo 13:2

Diyan moy kalimunan a magpatulos tu dayuhan hide. Tehhod a sangan a naggimet ti konna he, nakapagpatulos hide tu anghel hide a awan de namalayan.

Hebreo 3:14

Dipo hikitam a atanan ay kaguman ni Cristo, ni manatile a matatag u pánniwala tam hanggan-hanggan, konna tu inpeta tam a pánnampalataya tu itod nikuna a bigu kitam palla a summampalataya nikuna.

1 Pedro 4:7

Adene dán u katapusan nu atanan a bagay; kanya magpugád kam tu sadile moy sakay pirme a tama u pággisipan moy tánni awan ti hadlang tu págdasal moy.

1 Pedro 4:9

Tanggapán moy ti maayus u kákkapatkákka tam hide ni tumulos hide tu bilay moy.

1 Pedro 5:8

Pirme kam a humanda sakay magbantay dipo u kadima moy a ti Satanas ay dumahi-dahengding a kumán a liyon a magtágguwang a magehyok ti sangwabán na.