1 Timoteo 3:13 - U Maganda A Baheta Ni Jesu-Cristo

¹³ Dipo u dyakuno nu pinuno tu simbaan a matapat tu tungkulin na ay igalang nu atanan. Sakay buo a tiwala de a ipahayag u pánnampalataya de ni Jesu-Cristo.

1 Timoteo 3:13 ပူးပေါင်းရင်းမြစ်များ

Mateo 20:28

Konna tu Anak nu Tolay a awan ummangay para pagserbiyan nan para magserbi sakay iyalay na u biyag na para matubos u kakpalan.”

Mateo 25:21

Kinagi nikuna nu amo na, ‘Malalaki! Tapat sakay mabait a utusan! Dipo nagin matapat ka tu badit a halaga, mamahala ka tu dakal a halaga. Sumáddáp ka sakay mákpagkasayaan ka nikán!’

Lukas 19:17

Kinagi na nikuna, ‘Malalake ka a utusan, sakay mabait ka a utusan! Dipo matapat ka tu badit a bagay kaya pamunuwán taka tu sapulo a banuwan.’

Gimet 21:35

Sakay káddemát de tu agdenan ay inágkat dán nu sundalo hide ti Pablo dipo lalo dán a nagkagulo u tolay hide.

Gimet 6:15

Lináttángngan nu atanan a katoy tu pamággipun-ipunan ti Esteban sakay namalas de a kuman a hupa nu anghel nu Diyos u hupa na.

Gimet 6:5

Nasaya u atanan nu katolayan tu plano nu apostol hide; kanya pinile de ti Esteban, essa a lállake a matatag ti pánnampalataya tu Diyos sakay pinágdipalonguwan nu Banal a Ispirito. Pinile dibe ti Felipe, Procoro, Nicanor, Timon, Parmenas, sakay ti Nicolas a taga-Antioquia, essa siya a Hentil a naakit tu pánnampalataya nu Judio hide.

Gimet 6:8

Pinagpala nu Diyos ti Esteban sakay inatádden na ti kapangyariyan, kanya nakagimet siya ti makpal a himala sakay makataka-taka hide a bagay tu atubang nu katolayan.

1 Corinto 16:15

Nadid, kákkapatkákka ko hide, tukoy moy a u pamilya ni Estefanas u kadipalonguwan a Kristiyano ti Acaya; sakay inlaan de u sadile de tu págserbi tu pinile hide nu Diyos. Ipákpágguhon ko nikam,

Filipos 1:14

Sakay kákpalan tu mánnampalataya hide ay lalo pa a timmatag u pánniwala de tu Panginoon dipo tu kákkepireso ko, sakay bimmegsák u isip de sakay awan ti ánteng a nagbaheta tu Upos nu Diyos.

1 Tesalonica 2:2

Tukoy moy be a pináppasakitan di kame sakay ináinsulto ti Filipos, pero maski ni makpal a hadlang ay inatádden kami pade nu Diyos ti begsák isip a ipakapospos nikam u Maganda a Baheta a gabwat nikuna.

1 Timoteo 3:14

Umasaák a awan magmalay ay magketa kitamon. Pero insulat ku padi i bilinan hidenye niko ta

2 Timoteo 2:1

Nadid, Timoteo a anak ko ti pánnampalataya, magpakatatag ka, tu pamamag-itan nu pakpagkaessa tam ni Cristo Jesus.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.