1 Timoteo 3:10 - U Maganda A Baheta Ni Jesu-Cristo

¹⁰ Sakay kailangan pa hide a purbaan. Sakay ni mapatunayan a karapat-dapat hide, maari dán hide a idátton, bilang dyakuno.

1 Timoteo 3:10 ပူးပေါင်းရင်းမြစ်များ

1 Corinto 1:8

Sakay u Diyos u mangpabegsák nikam hanggan tu katapusan, tánni demáttan kam a awan ti kapintasan tu kássole nu Panginoon tam a ti Jesu-Cristo.

Colosas 1:22

Pero dipo tu kákkatay ni Cristo, ay inturing nakam a amigu na tánni makaatubang kam nikuna a banal, matuwid, sakay awan ti kapintasan.

1 Timoteo 3:13

Dipo u dyakuno nu pinuno tu simbaan a matapat tu tungkulin na ay igalang nu atanan. Sakay buo a tiwala de a ipahayag u pánnampalataya de ni Jesu-Cristo.

1 Timoteo 3:2

Pero u essa a pinuno ay kailangan a awan ti kapintasan, essa la u kabanga na, kaya a magpugád tu sadile na sakay awan pabigla-bigla. Kailangan a kagalang-galang, mágpatulos tu bilay na, sakay malalake a magtoldu.

1 Timoteo 3:6

Kailangan a nalay dán siya ti pánnampalataya, dipo ni awan ay bakay magin hambug siya sakay maparusaan a konna ni Satanas.

1 Timoteo 5:22

Dyan mo basta itupo i kamát muwe tu maskin deya la para magin pinuno, nan tukuyán mo pa u pagkatolay na. Magingat ka a awan mesale tu kasalanan nu agum. Magtulos-tulos ka a awan ti dangát.

1 Juan 4:1

Mahal ko a kákkapatkákka, dyan moy paniwalaan u balang magkagi a katoy nide u Ispirito nu Diyos. Nan subukán moy pa hide ni talaga a gábwat tu Diyos u Ispirito a katoy nide. Dipo makpal dán a liwat a prupeta ti munduwáy.