1 Timoteo 2:8 - U Maganda A Baheta Ni Jesu-Cristo

⁸ Kaya gusto ko a manalangin u lállake hide tu bawat pággipun-ipun, sakay ni magdasal hide ay maari de a iyontok u kamat de bilang patunay a malinis u paggisipan de sakay awan ti hinanakit oni pamágdadema.

1 Timoteo 2:8 ပူးပေါင်းရင်းမြစ်များ

Mateo 21:21

Timmábbeg ti Jesus, “Pakatandaan moy iye: ni te pánnampalataya kam tu Diyos sakay awan kam magalinlangan ay magimet moy be u ginimet ko tu kayo nu igos a iye. Bakán la a iye u magimet moy! Ni kagiyan moy tu buked a iye, ‘Lumakad ka hina; lumukso ka tu diget,’ ay mangyari u kinagi moy.

Mateo 5:44

Pero iye u ikagi ko nikam, mahalán moy u kadima moy sakay ipagdasal moy u mangdusta nikam.

Mateo 6:12

Patawadán mu kame tu kasalanan me a konna tu págpatawad me tu nagkasala nikame.

Lukas 23:34

Kinagi ni Jesus, “Ama, patawadán mo hide dipo awan de tukoy u gággagamitán de.” Sakay namágbunutan u sundalo hide tánni matukuyan de ni hadya tu damit ni Jesus u meangay tu bawat essa nide.

Lukas 24:50

Káttapos ay inkuyog hide ni Jesus ti Betania. Káddemát di hod ay inyontok na u kamát na sakay pinagpala na hide.

Juan 4:21

Kinagi ni Jesus nikuna, “Maniwala ka nikán, dumemát dán u panahun a awan kamon sumamba tu Ama ti bukidáy a iye oni ti Jerusalem.

Gimet 10:2

Tehhod siya a ánteng tu Diyos, pati u buo na a pamilya. Palagi siya a mangatád ti tulung tu Judio hide, sakay pirme a magdasal tu Diyos.

Gimet 10:31

Kinagi na, ‘Cornelio, sinaneg nu Diyos u dasal mo hide sakay kinasayaan na u págtulung mo tu mágkahirap hide.

Gimet 10:4

Ináeleng na siya sakay grabi u ánteng na a tummábbeg, “Ánya itod, Panginoon?” Tummábbeg u anghel, “Sinaneg nu Diyos u dasal mo hide sakay nasaya siya niko tu káttulung mo tu mágkahirap hide.

Gimet 21:5

Nikuna a dumemát dán u aldew a kállakad me ay nagtulos-tulos kame dán tu págbiyahe me. Intugán di kame a atanan hanggan tu luwas nu banuwan, kaguman de u kákkabanga de sakay u anak de hide. Káddemát me tu bihebi nu diget ay limmuhud kame sakay nagdasal.

Gimet 7:60

Sakay limmuhud ti Esteban sakay pimmákhaw, “Panginoon, patawadán mo hide ti kasalanan diyáy a ginimet de nikán!” Káttapos hod ay nahángsatan siya.

1 Corinto 1:2

Iye a sulat ay para tu mánnampalataya hide a katoy ti Corinto a pinili na para magin kao na tu pamamag-itan nu pákpagkaessa ni Cristo Jesus. Kumonna be tu pinile hide tu atanan a lugar a dumulaw tu ngahan nu Panginoon a ti Jesu-Cristo, u Panginoon tam a atanan.

1 Corinto 7:7

Gusto ko nakwa a umaheg kam nikán a atanan. Pero bawat essa nikitam ay tehhod a kanya-kanya a kaluub a gábwat tu Diyos, sakay awan iye pare-pareho.

2 Corinto 2:14

Pero magpasalamaták tu Diyos dipo siya u mángdipalongo tu págserbi me ni Cristo kaya lagi kame a magtagumpay. Hádya kami man a umangay ay gamitán kame nu Diyos para ipakilala ti Cristo tu tolay hide iye ay mehalimbawa tu kákkalat nu masáppot a ahob.

Filipos 1:12

Gusto ko a matukuyan moy, kákkapatkákka ko hide, u nangyare hide nikán ay nakatulung ti dakál tu kállawak nu Maganda a Baheta.

1 Tesalonica 1:8

Dipo tu maganda a halimbawa moy ay kimmalat u upos nu Panginoon ti Macedonia sakay ti Acaya. Maske u pánnampalataya moy tu Diyos ay nebaheta be tu atanan a lugar. Kanya ngani awan dán kailangan a magupos kame tungkul nikam.

1 Timoteo 5:14

Kaya para nikán ay mas maganda pa ni mákkabanga hide a huway sakay magenak hide. Sakay alagaan u sadile de a pamilya tánni awan ti makagi a madukas u kumontara hide nikitam.

Tito 3:8

Tatahoden i adalan iye, kaya buo mo iye a tiyaga a itoldu tu mánnampalataya hide tu Diyos para ilaan de u sadile de tu pággimet ti maganda. I bagayan hidenye ay tunay a maganda sakay dakál a pakinabang para tu tolay.

Hebreo 10:22

kanya umadene kitam tu Diyos a tehhod a katapatan sakay matibay a pánnampalataya nikuna, dipo nalinis dán nu dige ni Cristo u isip tam a kumán a na ugisan dán u bággi tam tu malinis a dinom.

Santiagu 4:8

Umadene kam tu Diyos tánni umadene siya nikam. Kanya hikam a makasalanan hide, iyemang moy dán u pággagimet ti madukás, sakay u pabagu-bagu hide ti isip, diyan kamon magduwwa-duwwa ti isip a sumunud tu Diyos.

1 Pedro 3:7

Nadid, hikam be a lállake hide a te manga-kákkabanga, igalang moy u kákkabanga moy hide, intendiyán moy u kahinaan de. Isipán moy a konna labe hide nikam a te karapatan a tumanggap ti biyag a awan ti kahád a kaluub nu Diyos. Gimitán moy iye tán awan ti hadlang tu págdasal moy.