1 Timoteo 2:5 - U Maganda A Baheta Ni Jesu-Cristo

⁵ a tehhod a eessa a Diyos sakay tehhod be a eessa a mángtaknág tu tolay tu Diyos, u tolay a ti Jesu-Cristo.

1 Timoteo 2:5 ပူးပေါင်းရင်းမြစ်များ

Mateo 1:1

Sa iye i listaanay nu kaapo-apuwan ni Jesu-Cristo a lahe ni (Hari a) David sakay ni Abraham.

Mateo 1:23

I kinagi naay ay “Ilengán moy! Magbuktet u essa a madiket sakay magenak ti essa a lállake. Sakay u magin ngahan na ay Emmanuel.” (U kahulugan nu ngahan na ay “Kakaguman tam u Diyos.”)

Lukas 14:22

Sakay kinagi nu alipin, ‘Ginimet kudán u kinagi mo, pero makpal palla a paggetnudan u awan ti maggetnod.’

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Juan 17:3

Sakay sa iye u gusto a kagiyán nu biyag a awan ti kahád: u matukuyan ka nu tolay hide a hiko la u tunay a Diyos, sakay matukuyan di be u pinaangay mu he.

Gimet 4:12

Awan dan ti iba a makapangatád ti kaligtasan, dipo awan ti iba a pinaangay he u Diyos ti lutaáy para iligtas u tolay hide nan ti Jesus la.”

Roma 1:3

ay tungkul tu Anak na, u Panginoon tam a ti Jesu-Cristo. Nikuna a nagin tolay siya ay neenak siya a gábwat tu lahe ni hare a David.

Roma 10:12

Awan ti pagkakaiba u Judio hide sakay u Hentil hide. Eessa la u Panginoon nu atanan sakay siya u mangatád tu makpal a pagpapala tu atanan a dumulaw nikuna.

1 Corinto 8:4

Kaya tungkul tu makan a nealay tu diyos-diyosan hide, tukoy tam a awan tatahoden iye hide a diyos. Sakay tukoy tam be a eessa u Diyos.

1 Corinto 8:6

para nikitam ay eessa la u Diyos, u Ama a nanglalang tu atanan a bagay, sakay biyag kitam para nikuna. Eessa u Panginoon, ti Jesu-Cristo: tu pamamag-itan na ay nilalang u atanan a bagay sakay tu pamamag-itan na ay biyag kitam.

Galacia 3:20

Pero i pangakuwan iye nu Diyos ni Abraham ay awan dán kailangan u tagasuhog dipo u Diyos a mismo u nákpagkasundu ni Abraham.

Efeso 4:6

U Diyos ay eessa la sakay siya u Ama tam a atanan. Siya u kataasan tu atanan. Magahikad siya nikitam sakay mágyan nikitam a atanan.

1 Timoteo 6:13

Tu ngahan nu Diyos a mangatád ti biyag tu atanan a bagay, sakay tu ngahan ni Cristo Jesus a nagpatunay tu atubang ni Poncio Pilato ay iyutus ko niko

Hebreo 12:24

Sakay umadene kitam ni Jesus, u tagasuhog tu bigu a kasunduwan. Sakay nákkaguman kamon tu kapatawaden nu kasalanan dipo tu nebuhus a dige ni Cristo. Awan iye kapareho nu kákkebuhus nu dige ni Abel a mangaged ti katarungan.

Hebreo 7:25

Kanya ngane, a meligtas na u atanan a umadene tu Diyos tu pamamag-itan na. Dipo biyag siya hanggan-hanggan sakay siya u mángsuhog nide.

Hebreo 8:6

Pero u tungkulin a neatád ni Jesus, ay mas dakila nan u neatád a tungkulin tu agum a saserdote. Dipo siya u mángtaknág tu bigu a kasunduwan a mas maganda, sakay pinatibay iye nu Diyos tu pananto na.

Hebreo 9:15

Kaya ngane ti Cristo u tagapamagitan tu bigu a kasunduwan. Dipo tu kákkatay na, ay napatawad u katolayan tu kássuway de nikuna a sakup palla hide nu purumero a kasunduwan. Kanya dipo hod, ay matanggap nu dinulaw hide nu Diyos u impananto na a awan ti katapusan a págpapala.

1 Juan 2:1

Anak ko hide, insulat ko iye hide nikam tánni awan kam magkasala. Pero ni magkasala man u deyaman ay te mángsuhog nikitam, u Ama. Siya ay ti Jesu-Cristo, u Matuwid.

Pahayag 1:13

Sakay tu bállog nu simbuwan hide ay te netanák a mágtaknág a kumán a Anak nu Tolay. Nakabadu siya ti malayon a hanggan tu bulong na. Sakay tehhod a baregkás a ginto a umáabadáy tu hakaw na.