1 Timoteo 2:2 - U Maganda A Baheta Ni Jesu-Cristo

² Ipagdasal moy be u hare hide sakay tu atanan a te katungkulan tánni magkahod kitam ti tahimik a biyag sakay mapayapa, kagalang-galang sakay maka-Diyos.

1 Timoteo 2:2 ပူးပေါင်းရင်းမြစ်များ

Lukas 1:6

Iye a magkabanga ay kinasayaan nu Diyos, sumássunud hide tu atanan a utus na.

Lukas 2:25

Nadid, tehhod a essa a lállake a magyan ti Jerusalem a Simeon u ngahan na. Malinis siya a tolay sakay te ánteng tu Diyos sakay u Banal a Ispirito ay katoy nikuna. Makán uhayán siya ni nikán a dumemát u Cristo a mángligtas tu lahe ni Israel.

Gimet 10:22

Kanya kinagi de, “Pinaangay kame he nu kapitan nu sundalo hide a ti Cornelio. Mabait siya a tolay sakay te ánteng tu Diyos, igággalang siya nu atanan a Judio. Kinagi nikuna nu anghel nu Diyos a paangay na ka sakay sanigán na u kagiyán mo.”

Gimet 24:16

Kanya gimitán ko u atanan nu makaya ko tán awanák magkasala tu atubang nu Diyos sakay tu tolay hide.

Roma 12:18

Ni maare la nakwa, mákpággagum kam ti mapayapa tu atanan a tolay.

Filipos 4:8

Nadid kákkapatkákka, iye u kadimodyanan a kagiyán ko nikam: u lagi moy a isipán ay u bagay hide a karapat-dapat sakay kapure-pure: u bagay hide a tatahoden, marangal, matuwid, mágkaganda a gimet, sakay kagalang-galang.

1 Tesalonica 4:11

Pilitán moy a mabiyag ti tahimik sakay pospusán moy u sadili moy a gimet. Sakay magtarabaho kam tánni mabiyag kam, konna tu intoldu mi nikam.

Hebreo 12:14

Sikapán moy a makasundu u kapareho moy a tolay sakay magpakabanal kam, dipo awan moy ketan u Panginoon ni awan kam mabiyag ti konna he.