1 Timoteo 1:2 - U Maganda A Baheta Ni Jesu-Cristo

² Para ni Timoteo a tatahoden ko a anak ti pánnampalataya: Magkahod kam nakwa ti págpapala, kagbi, sakay ti kapayapaan a gábwat tu Diyos a Ama sakay ni Jesu-Cristo a Panginoon tam.

1 Timoteo 1:2 ပူးပေါင်းရင်းမြစ်များ

Roma 1:7

Iye a sulat ay para nikam a atanan a mahal nu Diyos a katoy hina ti Roma, a dinulaw tánni magin banal. Nakwa ay magkahod kam ti págpapala sakay kapayapaan a gábwat tu Diyos a Ama sakay tu Panginoon tam a ti Jesu-Cristo.

Galacia 1:3

Magkahod kam nakwa ti kapayapaan sakay págpapala a gábwat tu Diyos a Ama sakay tu Panginoon tam a ti Jesu-Cristo.

1 Tesalonica 3:2

Sakay pinaangay mi hina nikam ti Timoteo a kapatkákka tam sakay kaguman me a tagapagserbi tu Diyos tu pángpakapospos tu Maganda a Baheta patungkul tu Panginoon tam a ti Cristo. Pinaangay me siya hina nikam tán pabegsákkán u isip moy sakay tán patibayán u pánnampalataya moy.

1 Timoteo 1:12

Magpasalamaták ni Jesu-Cristo a Panginoon tam, a nangatád nikán ti begsák kaya magimet ko iye. Dipo imbilangák na a karapat-dapat a tagapagserbi na.

1 Timoteo 1:18

Anak ko a Timoteo, iyintrega ko niko i bagayan iye ayun tu nehula dán tungkul niko. Tánni tu pangtupad mo ti hidenye ay magkahod ka ti tapang a umatubang tu kumontara hide tu tama a toldu,

1 Timoteo 6:20

Timoteo, pakaingatan mo u nepagkatiwala niko. Sakay adeyuwan mo u awan hide ti pinagseserbiyan a uhunan a awan neayun tu kagustuwan nu Diyos, sakay u pángngatuwiran a liwat, a tu pangileng de ay karunungan.

2 Timoteo 1:2

Para ni Timoteo a mahal ko a anak: Magkahod ka nakwa ti pagpapala, kagbi, sakay kapayapaan a gábwat tu Diyos a Ama sakay ni Cristo Jesus a Panginoon tam.

2 Timoteo 2:1

Nadid, Timoteo a anak ko ti pánnampalataya, magpakatatag ka, tu pamamag-itan nu pakpagkaessa tam ni Cristo Jesus.

Tito 1:4

Magsulaták niko, Tito, a tunay ko a anak ti pánnampalataya. Magkahod kam nakwa ti págpapala sakay kapayapaan a gábwat tu Diyos a Ama sakay ti Jesu-Cristo a Tagapagligtas tam.

Tito 2:2

Tolduwan mo u lállakay hide a magin mahinahun, kagalang-galang, mapagpugád ti sadile, matatag ti pánnampalataya, págmahal sakay matiyaga.

Tito 3:15

Kumusta ka hina kagi nu kákkapatkákka tam hide he ti Creta a Kristiyano. Ikumustaák mo be tu atanan a kákkapatkákka tam hina ti pánnampalataya. Págpalaan kam nakwa nu Diyos a atanan.

1 Pedro 1:2

Pinile kamon nu Diyos a Ama sapul pa tu sapul dipo itod u kagustuwan na. Sakay u Banal a Ispirito u nangpabanal nikam. Kanya magpasakup kamon ni Jesu-Cristo, tánni malinisan kam tu kasalanan moy tu pamamag-itan nu kákkatay na tu kudus. Magkahod kam nakwa ti págpapala sakay kapayapaan.

2 Juan 1:3

Iyatád nakwa nikitam nu Diyos a Ama sakay ni Jesu-Cristo a anak na u págmahal, kagbi sakay kapayapaan tu pamamagitan nu tatahoden sakay tu págmahal.

3 Juan 1:4

Awan dán ti agum a mas makapangpasaya nikán ni mabaheta ko a nabiyag a ayun tu tatahoden u anak ko hide ti pánnampalataya.

Judas 1:2

Hod nakwa nikam u kagbi kapayapaan sakay págmahal a gábwat tu Diyos.