1 Tesalonica 5:22 - U Maganda A Baheta Ni Jesu-Cristo

²² Umadeyo kam tu atanan a madukás.

1 Tesalonica 5:22 ပူးပေါင်းရင်းမြစ်များ

Roma 12:17

Dyan moy gantiyan ti madukás u maggimet hide ti madukás nikam. Magsikap kam a mabiyag ti marangal.

1 Corinto 8:13

Kaya ni tu makan la u dahilan a pagkasalaan nu kapatkákka ko ay dyanák dán kuman ti karne tánni awan siya magkasala.

2 Corinto 6:3

Iniwasan me a makagimet ti makasaket tu agum, tánni awan hide ti makagi tu págserbi me tu Diyos.

Filipos 4:8

Nadid kákkapatkákka, iye u kadimodyanan a kagiyán ko nikam: u lagi moy a isipán ay u bagay hide a karapat-dapat sakay kapure-pure: u bagay hide a tatahoden, marangal, matuwid, mágkaganda a gimet, sakay kagalang-galang.

1 Tesalonica 4:12

Ni ina i gimitán moyay ay irespeto kam nu awan hide mánnampalataya sakay awan kam umasa tu agum tu kákkabiyag moy.

1 Tesalonica 5:21

Pagadalan moy ti husto u toldu hide ni iye ay gabwat tu Diyos oni awan sakay ni anya u maganda ay sala itod u sunudan moy.

1 Tesalonica 5:23

Nakwa ay lalu kam a gimitán a banal nu Diyos a tagapangatád ti kapayapaan. Sakay nakwa ay panatiliyán na a awan ti kapintasan u buo moy a pagkatolay, u ispirito moy, kaliduwwa sakay u baggi moy hanggan tu kássole nu Panginoon a ti Jesu-Cristo.

Judas 1:23

Tulungan moy u agum tán maligtas hide tu kaparusaan. U agum ay kagbiyan moy pero magingat kam tu mágkadukás de a gimet. Kaiyamutan moy maskin u badu de a nadangáttan tu mágkadukás de hide a gimet.