1 Tesalonica 5:21 - U Maganda A Baheta Ni Jesu-Cristo

²¹ Pagadalan moy ti husto u toldu hide ni iye ay gabwat tu Diyos oni awan sakay ni anya u maganda ay sala itod u sunudan moy.

1 Tesalonica 5:21 ပူးပေါင်းရင်းမြစ်များ

Lukas 12:57

“Bakin awan moy matukuyan ni ánya tamaay?

Juan 15:4

Manatile kam nikán tán manatiliyák be nikam. Awan makapagbunga u essa a pinget ni awan nakakapit tu ponan. Konna bi hod u mangyare, awan kam magbunga ni awan kam manatile nikán.

Juan 8:31

Nadid ay kinagi ni Jesus tu tolay hide a maniwala nikuna, “Ni tulos-tulos kam a sumunud tu itáttoldu ko ay tatahoden a tagasunud takam.

Gimet 11:23

Nikuna dumemát hod sakay netan na u págpapala nu Diyos nide ay nasaya siya sakay pinayuwan na hide a atanan a manatile hide a tapat tu Panginoon.

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

Gimet 17:11

Mas maganda a kauhon u Judio hide a taga-hod nan u Judio hide a taga-Tesalonica; dipo gugusto de a mágsaneg tu ipáppaliwanag ni Pablo. Pagadalan de ti aldew-aldew u Kasulatan para mapatunayan de ni tatahoden u kákkagiyán na.

Roma 12:2

Dyan moy ahigán u gággimitán nu tolay hide ti munduwan iye. Pabayan moy a baguwán kam nu Diyos tu pamamag-itan nu págbagu na tu isip moy hide, tánni matukuyan moy u kaluuben nu Diyos ni ánya u maganda katanggap-tanggap sakay makasaya nikuna.

Roma 12:9

Magmahalan kam a tehhod a katapatan. Kaiyamutan moy u madukás sakay palagi kam a maggimet ti maganda.

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

1 Corinto 2:11

Dipo konna be tu tolay, awan ti makatukoy tu áisipán na maliban tu sadile na a ispirito. Konna la bi hod, awan ti makatukoy tu áisipán nu Diyos maliban tu Ispirito nu Diyos.

Galacia 6:10

Kanya ngane samantalaán tam u pagkakataun a makagimet kitam ti maganda tu atanan a tolay, lalu dán tu kákkapatkákka tam hide ti pánnampalataya.

Efeso 5:10

Sakay pagadalan moy ni ánya u makasaya tu Panginoon.

Filipos 1:10

Tánni matukuyan moy ni ánya u pinakamaganda a dapat moy a gimitán. Para tu káddemát nu Aldew nu kássole ni Cristo ay demáttan nakam a malinis sakay awan ti kapintasan.

Filipos 3:16

U mahalaga ay magtulos-tulos kitam a sumunud tu tatahoden a natukuyan tam.

Filipos 4:8

Nadid kákkapatkákka, iye u kadimodyanan a kagiyán ko nikam: u lagi moy a isipán ay u bagay hide a karapat-dapat sakay kapure-pure: u bagay hide a tatahoden, marangal, matuwid, mágkaganda a gimet, sakay kagalang-galang.

1 Tesalonica 5:15

Diyan kam gumante tu naggimet nikam ti madukás nan itulos-tulos moy la a maggimet ti maganda tu balang essa sakay tu atanan a tolay.

1 Tesalonica 5:22

Umadeyo kam tu atanan a madukás.

2 Tesalonica 2:15

Kanya nadid, kákkapatkákka me hide, manatile kam a matatag a tumáttawed tu intoldu me nikam tu pággupos man oni tu sulat.

2 Timoteo 1:15

Tukoy mo be a inadagginak dán nu atanan a mannámpalataya hide ti Asia, pate di Figelo sakay ti Hermogenes.

2 Timoteo 3:6

Dipo u agum nide ay maggimet hide ti madukás a paraan para makasáddáp hide tu bila-bilay nu bábbey hide a mahina ti pággisipan. Hidenye a bábbey ay putat ti kasalanan sakay mahilig hide tu kagustuwan nu pilas. Kanya alisto la hide a malinlang.

2 Timoteo 4:14

Grabi't dukás u ginimet nikán ni Alejandro a mágpanday. U Panginoon dálla u bahala a magparusa nikuna tu ginimet na nikán.

Hebreo 10:23

Magpakatatag kitam tu pag-asa tam, sakay diyan kitamon magduwwa-duwwa, dipo matapat u nagpananto nikitam.

1 Juan 4:1

Mahal ko a kákkapatkákka, dyan moy paniwalaan u balang magkagi a katoy nide u Ispirito nu Diyos. Nan subukán moy pa hide ni talaga a gábwat tu Diyos u Ispirito a katoy nide. Dipo makpal dán a liwat a prupeta ti munduwáy.

Pahayag 2:2

Tukoy ko u gimet moy hide, u pagud sakay u tiyaga moy. Tukoy ko a awan moy kákkonsentiyán u mágkadukás a tolay. Pero pinurbaan moy u magware-ware hide a apostol, kaya napatunayan moy a mágkabule hide.

Pahayag 2:25

Pero dapat kam a magtulos-tulos a tapat nikán hanggan tu káddemát ko.

Pahayag 3:11

Adeniyák dán a sole. Kaya itulos-tulos moy u mágkaganda moy a gimet, tánni awan ti makapang-agew tu piremyo moy a kurona.

Pahayag 3:3

Kanya ngani, isipán moy u toldu hide a tinanggap moy sakay nasaneg, sunudán moy ina hide sakay pagsisiyan moy u kasalanan moy hide. Ni awan kam lumukag ay angayák hina a konna tu káddemát nu mágtakaw, awan moy matukuyan u odas nu káddemát ko.