1 Tesalonica 4:8 - U Maganda A Baheta Ni Jesu-Cristo

⁸ Kaya ni ti deya man u mangadi ti iye a adal ay bakán a tolay u inadiyan na nan u Diyos a náng-atád nikam tu Banal na a Ispirito.

1 Tesalonica 4:8 ပူးပေါင်းရင်းမြစ်များ

Lukas 10:16

Ni deya man u mangsaneg nikam ay hikán i sinaneg diyay sakay u awan mangtanggap nikam ay hikán i awan diyay tinanggap. U awan mangtanggap nikán ay awan di be tinanggap u nangutus nikán a umangay he.

Juan 12:48

Tehhod a manghatul tu umád a mangtanggap tu toldu ko. U upos a ipáppangaral ko u manghatul nide tu dimodyan a aldew.

Gimet 13:41

‘Hikam a makán upusán ti mágkadukás kontara tu Diyos, Magtaka kam sakay mepahamak! Dipo gimitán ko tu kapanahunan moy u essa bagay a awan moy mapaniwalaan maskin ipakapospos di nikam!’”

Roma 5:5

Sakay awan kitam mabigu-bigu tu pag-asa tam dipo impabate na nikitam u págmahal na tu pamamag-itan nu Ispirito Santo a inyatád nikitam nu Diyos.

1 Corinto 2:10

Pero inhayag iye nikitam nu Diyos tu pamamag-itan nu Banal a Ispirito. Dipo tukoy nu Banal a Ispirito u atanan a bagay, maskin u madisalad a karunungan nu Diyos.

1 Corinto 7:40

Pero palagay ko ay mas magin masaya siya ni awan dán siya mákkabanga a huway. Ina u makagi ko, sakay tukoy ko a he nikán u Ispirito nu Diyos.

2 Corinto 1:22

Tinatakan na kitam bilang kao na tu pamamag-itan nu pángkaluub na nikitam tu Ispirito na. Iye u patunay a matanggap tam u atanan a impanantu na.

Galacia 4:6

Sakay para mapatunayan a anak kam nu Diyos, ay pinaangay na u Ispirito nu Anak na tu puso tam hide, tánni makadulaw kitam tu Diyos a, “Ama, Ama ko!”

1 Pedro 1:12

Nikuna a ipakapospos di iye, ay impaunawa nide nu Diyos a u gággimitán de ay para nikam bakán a para nide. Iye a tatahoden ay masaneg moy dán nadid tu magbaheta hide tu Maganda a Baheta nu Diyos tu kapangyariyan nu Banal a Ispirito a pinaangay nide a gábwat ti langet. Maske u anghel hide ti langet ay tunay u pagkasoh de a maintendiyan iye a katutuhanan.

2 Pedro 1:21

Dipo u hula nu prupeta hide ay bakán a gábwat tu isip nu tolay, nan tu Diyos. Pero tu tulung nu Banal a Ispirito ay impakapospos de u kinagi hide nu Diyos.

1 Juan 3:24

U sumunud tu utus nu Diyos ay mákkaessa tu Diyos sakay mákkaessa be u Diyos nikuna. Tukoy tam a nákkaessa u Diyos nikitam dipo tu Banal a Ispirito a inyatád na nikitam.

Judas 1:8

Konna be hod u tolay hide a nákpisan nikam a magtoldu ti baka-bakán, dipo tu pangitain de hide ay maggimet hide tu atanan kagustuwan nu pilas de. Sakay dipo tu pangitain de hide ay umád de a magpasakup tu kapangyariyan nu Diyos, sakay sássestiyán de u anghel hide.