1 Tesalonica 4:6 - U Maganda A Baheta Ni Jesu-Cristo

⁶ Ni sunudán moy iye a adal ay awan dán ti mangagew nikam tu kákkabanga nu deyaman a kapareho na a tolay, lalu dán tu kabanga nu essa a tolay a kapareho na a mánnampalataya tu Diyos. Inpangaral mi dán nikam tu itod, a parusaan nu Diyos u deyaman a manggimet ti iye a kadukássan.

1 Tesalonica 4:6 ပူးပေါင်းရင်းမြစ်များ

Markos 10:19

Tungkul tu tanung mo, tukoy mo u utus nu Diyos, ‘Diyan ka mamuno; diyan ka mangibábbey; diyan ka magtakaw; diyan ka magpatunay ti kakabuliyan; diyan ka magdaya; sakay igalang mo tama mo sakay tena mo.’”

Lukas 12:5

Kagiyán ko nikam ni deya u dapat moy a kantingan: kantingan moy u Diyos dipo kattapos na a mamuno, siya la u tehhod a kapangyariyan a máng-but tu tolay ti impiyerno. Tandaan moy, u Diyos la u dapat moy a kantingan!

Lukas 16:28

dipo tehhodák a limma a kákkapatkákka a lállake hod, utusan mo siya a angay na hide pagkagiyán tánni awan be hide meangay ti lugaráy a paghirapan ko.’

Roma 1:18

Pero impeta nu Diyos u iyamut na a gábwat ti langet, tu atanan a tolay a awan maka Diyos sakay mággimet ti kadukássan. Dipo hadlangan de tu mágkadukás de a gimet u tatahoden a gusto nu Diyos a matukuyan de.

Roma 12:19

Mahal ko hide, dyan kam gumante. Ipaubaya moy ina tu Diyos. Dipo kinagi nu Panginoon tu Kasulatan, “Hikán u gumante, hikán be u magparusa.”

Roma 13:4

Dipo u pinuno hide tu banuwan ay tagapagserbi hide nu Diyos para tu kapiyyaan tam. Pero ni maggimet ka ti madukás, dapat ka a manteng dipo tehhod hide a kapangyariyan a mangparusa niko. Hide u tagapagserbi nu Diyos a magparusa tu maggimet hide ti madukás.

2 Corinto 7:11

Ilingán moy u inyatád nu kalungkutan a ayun tu kaluuban nu Diyos. Dipo ti ina ay nagin masigasig kam a patunayan a awan kam ti kasalanan tungkul tu bagay hide a kinagi ko. Naiyamut kam tu gimet a madukás sakay nagkahod kam ti ánteng. Nagin masigasig kam a mesole u date tam a pamággagum. Sakay pinarusaan moy a agad u te kasalanan hide. Pinatunayan moy dán ina nikán a áwan kam ti tukoy ti kasalananan itod.

Galacia 5:21

Kássene, páglasing, sakay magkasayaan hide ti madukás, sakay ti iba a madukás a gimet. Kagiyán ko iye a huway nikam a awan mebilang tu kahariyan nu Diyos u maggimet hide ti konna he.

Efeso 4:17

Tu ngahan nu Panginoon, kagiyán ko iye nikam: dyan kamon mabiyag a konna tu tolay a awan nakatengge tu Diyos. Awan ti seserbi u áisipán de.

Efeso 4:28

U mágtakaw ay dyan dán magtakaw; nan magtrabaho siya sakay gamitán na u kamát na tu tarabaho a marangal tánni makatulung siya tu mangailangan hide.

Efeso 5:6

Dyan kam padaya tu maskin ti deya tu pamamag-itan nu pángngatuwiran hide a awan ti kabuluhan tungkul tu mágkadukás de a gimet, dipo u Diyos ay maiyamut tu masásuwayán hide.

1 Tesalonica 2:11

Tukoy moy dán be a nagin konna kame tu essa a ama tu balang essa nikam.

2 Tesalonica 1:8

Dumemát siya a tehhod a maggehab a apoy, sakay parusaan na u awan hide nangtengge tu Diyos sakay awan naniwala tu Maganda a Baheta tungkul tu Panginoon tam ati Jesus.

Hebreo 13:4

Dapat igalang nu atanan u pákkabanga, sakay magin tapat tu balang essa u magkabanga. Dipo hatulan nu Diyos u mangibábbey oni mangilállake.

Hebreo 2:6

Nan konna he u kinagi tu kasulatan, “Ánya la u tolay para alalahanán mo oni u anak nu tolay para alagaan mo?

Santiagu 2:6

Pero bakin a imemenos moy la u mágkahirap hide? Awan beman u mágkayaman hide u mangape-ape nikam sakay mángkaso nikam?

Santiagu 5:4

U tolay hide a pinagtarabaho moy tu araduwan moy ay mágdadaingán tu Diyos dipo awan moy binayaden. Nadid nasaneg dán nu Diyos a makapangyariyan tu atanan u daing de hide.