1 Tesalonica 4:14 - U Maganda A Baheta Ni Jesu-Cristo

¹⁴ Maniwala kitam a natay ti Jesu-Cristo pero nabiyag siya a huway. Kaya maniwala kitam be a biyagan a huway nu Diyos u atanan a mánnampalataya a nágkatay dán, sakay ipisan na hide ni Jesu-Cristo kássole na.

1 Tesalonica 4:14 ပူးပေါင်းရင်းမြစ်များ

Mateo 24:31

Tu mabegsák a tánnog nu tambuli, iyutus na tu anghel na hide a angay tu buo a mundo sakay pisanan de u tolay hide nu Diyos.”

Roma 14:9

Iye u dahilan ni bakin natay sakay nabiyag a huway ti Cristo, tánni magin Panginoon siya nu biyag hide sakay nu patay hide.

Roma 8:11

Sakay dipo mágyan dán nikam u Ispirito nu Diyos a nangbiyag a huway ni Jesu-Cristo, itod be a Diyos u mangatád ti biyag tu bággi moy a te kamatayan tu pamamag-itan nu Ispirito nu Diyos a mágyan nikam.

1 Tesalonica 3:13

Pabegsákkán na u isip moy tánni manatili kam a banal sakay awan ti kapintasan tu atubang nu Diyos tam a Ama hanggan tu káddemát a huway nu Panginoon tam a ti Jesus, kaguman u pinili na hide.

1 Tesalonica 4:13

Kákkapátkákka mi hide, gusto me a matukuyan moy ni ánya u mangyare tu mánnámpalataya hide a nágkatay dán, tánni awan kam maglungkut a konna tu tolay hide a awan ti pag-asa.

1 Tesalonica 4:17

Sakay hikitam a biyag palla ay maipun tu panganurin kaguman u biniyag hide tánni tagbuwán u Panginoon tu panganurin. Tánni makaguman tam siya hanggan-hanggan.

2 Tesalonica 2:1

Nadid, kákkapatkákka me hide, tungkul be tu kássole nu Panginoon a ti Jesu-Cristo ay maipun kitam a tumagbu nikuna, kaya ipákkekagbi ko nikam,

Pahayag 1:18

sakay Hikán u Biyag. Natayák pero ilingán mo, biyagák nadid sakay awanák dán mata-matay maski nikan. U kamatayan sakay u páppágyanan nu patay ay katoy dán tu disalad nu kapangyariyan ko.

Pahayag 14:13

Sakay nasaneg ko u boses a gábwat ti langet a nagupos, “Isulat mo iye: Sapul nadid ay pinagpala u magserbi hide tu Panginoon ati Jesus hanggan tu kákkatay de!” “Tatahoden,” kagi nu Banal a Ispirito. “Makaimang dán hide tu pághirap de; dipo maalap di dán u gantimpala tu mágkaganda de a ginimet.”