1 Tesalonica 4:13 - U Maganda A Baheta Ni Jesu-Cristo

¹³ Kákkapátkákka mi hide, gusto me a matukuyan moy ni ánya u mangyare tu mánnámpalataya hide a nágkatay dán, tánni awan kam maglungkut a konna tu tolay hide a awan ti pag-asa.

1 Tesalonica 4:13 ပူးပေါင်းရင်းမြစ်များ

Mateo 27:52

Nabukasan u lábbang hide sakay nabiyag a huway u makpal a naniwala tu Diyos a nágkatay dán.

Juan 11:24

Timmábbeg ti Marta, “Tukoy ko a mabiyag siya a huway tu dimodyan a aldew.”

Gimet 13:36

Nikuna masunud dán ni David u atanan a kagustuwan nu Diyos ay natay siya sakay nelábbáng a kaguman nu ninunu na hide sakay nahunot.

Gimet 7:60

Sakay limmuhud ti Esteban sakay pimmákhaw, “Panginoon, patawadán mo hide ti kasalanan diyáy a ginimet de nikán!” Káttapos hod ay nahángsatan siya.

Gimet 8:2

Inlábbáng nu mánnampalataya hide u bangkay ni Esteban sakay sinangitan de ti husto.

Roma 1:13

Mahal ko hide a kákkapatkákka, gusto ko a matukuyan moy ni sanganák dán a beses a mággagayakán pero tehhod la a hadlang. Gusto ko a umangay hina tánni tehhodák be a maakit ti pánnampalataya ni Cristo, konna tu ginimet ko tu bakán hide a Judio tu lugar hide a inangayan ko.

1 Corinto 10:1

Nadid, kákkapatkákka ko hide, gusto ko a maala-ala moy u nangyare tu nuno tam hide a simmunud ni Moises. Linenduman hide nu diklám tu nilakad de sakay tu káahabes tu Madideg a Diget.

1 Corinto 12:1

Nadid, kákkapatkákka, u ipaliwanag ko nikam ay tungkul tu kaluub hide nu Banal a Ispirito. Gusto ko a malinaw iye hide a bagay nikam.

1 Corinto 15:6

Káttapos ay pummeta siya tu mahigit a limma a datos a kákkapatkákka a namággipun-ipun. Makpal palla u biyag nide hanggan nadid, pero nágkatay dán u agum.

2 Corinto 1:8

Kákkapatkákka hide, ibaheta mi nikam u kahirapan a nadanas me ti Asia. Tunay ti kadágge iye a nadanas me, akala me ni matay kami dán.

Efeso 2:12

Isipán moy a ti panahunan itod ay hiwalay kam be ni Cristo, awan kam kasale tu banuwan nu Israel sakay awan kasale tu kasunduwan nu Diyos a inpanantu na hide. Tu itod ay nabiyag kam ti munduwan iye a awan ti pag-asa sakay awan ti Diyos.

Efeso 2:3

Tu itod, ay kaguman kitam bi he, nabiyag kitam ayun tu kagustuwan nu pilas sakay sinunud u madukás a hilig nu bággi sakay isip tam. Kaya dipo hod ay kaguman kitam be tu nerarapat hide a parusaan nu Diyos.

1 Tesalonica 4:14

Maniwala kitam a natay ti Jesu-Cristo pero nabiyag siya a huway. Kaya maniwala kitam be a biyagan a huway nu Diyos u atanan a mánnampalataya a nágkatay dán, sakay ipisan na hide ni Jesu-Cristo kássole na.

1 Tesalonica 4:15

Sa iye i adalay nu Panginoon a kákkagiyán mi nikam: hikitam a biyag palla ay awan mágdipalongo tu mánnampalataya hide a nágkatay dán a tumagbu tu Panginoon.

1 Tesalonica 5:10

Natay ti Jesu-Cristo para nikitam tánni maski natay kitamon oni biyag palla kássole na a huway ay mabiyag kitam a kaguman na.

1 Tesalonica 5:6

Kanya dapat kitam a pirme a lukag sakay nakahanda sakay malinaw ti pággisipan. Bakán a konna tu agum a tidug.

2 Pedro 3:4

Sakay kagiyán de a, “Awan beman nagpananto ti Cristo a dumemát? Hadya ran siya nadid? Nágkatay dán u dáddakál me hide pero awan pade ti págbabagu sapul nikuna a lalangan i munduwáy.”

2 Pedro 3:8

Pero dyan moy nakwa kali-kalimunan, mahal ko hide a kákkapatkákka: a tu Panginoon, u essa a aldew ay kumán a sanglibu a taon, sakay u sanglibu a taon ay kumán la a saldew.