1 Tesalonica 3:11 - U Maganda A Baheta Ni Jesu-Cristo

¹¹ Nakwa ipakultad nu Diyos a Ama sakay nu Panginoon tam a ti Jesu-Cristo a makaangay kami hina.

1 Tesalonica 3:11 ပူးပေါင်းရင်းမြစ်များ

Mateo 6:14

Ni patawadán moy u nagkasala nikam ay patawadán kam be nu Ama moy ti langet.

Mateo 6:18

para awan mapospusan nu tolay hide a nagkulasyon kam. Nan u nakatukoy la ay u Ama moy la ti langet a awan ketan. Sakay siya u mangatád nikam tu gantimpala moy.”

Mateo 6:26

Isipán moy la u manok hide, awan hide magsabug o maggapas sakay magdátton tu págsalansanan pero pakanán hide nu Ama moy ti langet. Awan beman mas mahalaga kam nikuna nan tu manok hide?

Mateo 6:32

Dipo sa itod hide u ehyokán nu awan maniwala tu Diyos. Pero tukoy nu Ama moy ti langet u atanan a kailangan moy hide.

Mateo 6:4

Gimitán moy la iye a sekreto sakay gantimpalaan kam nu Ama moy ti langet a naketa nikam.”

Mateo 6:6

Pero hikam, ni magdasal kam ay angay kam tu awan ti tolay a lugar sakay magdasal kam tu Ama moy a awan tam ketan. Sakay siya a naketa nikam u mangatád nikam ti gantimpala.”

Markos 1:3

Siya u magpákhaw tu kaparangan ti konna he: ‘Ihanda moy u lakadán nu Panginoon, sakay ayusán moy u paglakaden na.’”

Lukas 12:30

dipo tukoy nu Ama moy ti langet a kailangan moy iye hide a atanan. Iye hide u bagay a páppospusán nu tolay hide a awan ti pánniwala tu Diyos.

Lukas 12:32

“Hikam a disepulus ko hide, dyan kam manteng, maski sasangan kam la dipo gugusto nu Diyos a kaguman nakam tu kahariyan na.

Juan 20:17

Kinagi ni Jesus, “Diyanák mo tawiden, dipo awanák palla simmole tu Ama. Umangay ka tu kákkapatkákka ko sakay kagiyán mo a soliyák dán tu Ama ko a Ama mu be, sakay tu Diyos ko a Diyos mu be.”

Roma 1:3

ay tungkul tu Anak na, u Panginoon tam a ti Jesu-Cristo. Nikuna a nagin tolay siya ay neenak siya a gábwat tu lahe ni hare a David.

2 Corinto 6:18

Hikán u magin ama moy, sakay hikam be u magin anak ko hide. Kagi nu Panginoon a Makapangyariyan.”

Galacia 1:4

Inyalay ni Cristo u sadile na dipo tu kasalanan tam, sigun tu kaluuben nu Diyos Ama tam. Ginimet na iye para meligtas kitam tu kadukássan a kasalukuyan a maghare ti munduwan iye.

Colosas 1:2

Iye a sulat ay para tu taga-Colosas hide a pinile nu Diyos sakay tapat a kákkapatkákka me ni Cristo. Nakwa ay atádden kam nu Diyos Ama ti kapayapaan, sakay pagpapala.

1 Tesalonica 3:13

Pabegsákkán na u isip moy tánni manatili kam a banal sakay awan ti kapintasan tu atubang nu Diyos tam a Ama hanggan tu káddemát a huway nu Panginoon tam a ti Jesus, kaguman u pinili na hide.

1 Tesalonica 4:16

Ti aldiwan itod a kassidung nu Panginoon a gábwat ti langet, ay tehhod a masaneg u tolay hide a mabegsák a utus, a ipakhaw nu arkanghel, sakay u tánnog nu trumpeta nu Diyos. U nágkatay dán hide a mánnampalataya ni Cristo ay biyagán pa.

1 Tesalonica 5:23

Nakwa ay lalu kam a gimitán a banal nu Diyos a tagapangatád ti kapayapaan. Sakay nakwa ay panatiliyán na a awan ti kapintasan u buo moy a pagkatolay, u ispirito moy, kaliduwwa sakay u baggi moy hanggan tu kássole nu Panginoon a ti Jesu-Cristo.

2 Tesalonica 2:16

Paha-pahaán kam nakwa nu Panginoon tam a ti Jesu-Cristo sakay u Diyos tam a Ama a magmahal nikitam. Sakay tu pamamag-itan nu kagbi na, ay inatadden na kitam ti awan magbabagu a begsák ni isip sakay matibay a pag-asa.

2 Tesalonica 3:16

U Panginoon tam a naggábwatan nu kapayapaan ay siya nakwa u mangatád nikam ti kapayapaan tu atanan a pagkakataun. Nakwa ay pirme kam a aguman nu Panginoon.

2 Tesalonica 3:5

Igiya kam nakwa nu Panginoon tán lalo moy a maintendiyan u tungkul tu pagmahal nu Diyos sakay tu tiyaga a gabwat ni Cristo.

1 Juan 3:1

Isipán moy la ni sakodya ti kadakál u págmahal nikitam nu Ama. Dinulawan na kitam a anak na, a itona ngane u tatahoden. Iye u dahilan ni bakin awan kitam kilala nu makamundo hide a tolay dipo awan de tenggiyán u Diyos.

Pahayag 21:3

Sakay nasaneg ko u mabegsák a boses a gábwat tu trono, kinagi na, “Ilingán moy kapisan dán nu Diyos u katolayan tu páppágyanan na! Mákpágyan dán siya nide sakay magin banuwan na dán hide. Sakay pirme di dán a kakaguman u Diyos sakay siya dán u eessa a Diyos de.