1 Tesalonica 2:19 - U Maganda A Baheta Ni Jesu-Cristo

¹⁹ Gugusto me a ketan mikam dipo hikam la u dahilan nu kasayaan me sakay hikam be u áasaan me para hikame ay maatadden ti gantimpala. Sakay u kurona a mepagmadakál me tu atubang nu Panginoon kássole na.

1 Tesalonica 2:19 ပူးပေါင်းရင်းမြစ်များ

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Markos 8:38

Ni ikasanikiyák moy sakay ni ikasanike moy be u upos ko tu tolay hide a makasalanan nadid a panahun, sakay ni awan kam tapat tu Diyos ay ikasanike kam be nu Anak nu Tolay káddemát na a tehhod a kapangyariyan a gábwat tu Ama na, kaguman na u anghel hide.”

Juan 21:22

Timmábbeg ti Jesus, “Ni gustuwán ko a mabiyag siya hanggan tu kássole ko, ay maánya beman niko? Sumunud ka la nikán.”

1 Corinto 15:23

Pero u kákkabiyag a huway nu balang essa ay tehhod a netakda a panahun: u kadipalonguwan a nabiyag a huway ay ti Cristo; sakay tu kássole na he ti munduway ay u mánnampalataya dámman hide u biyagán na a huway.

1 Corinto 4:5

Kaya bakán a hikitam u magkagi ni tama oni madukás u essa a tolay. Maguhay kam tu tama a panahun, dipo u Panginoon u maghatul káddemát na. Iluwas na u bagay hide a netagu tu kadiklamman sakay ikagi na u lihim hide a plano nu balang essa. Ti panahunan iye, balang essa ay tumanggap ti papure a karapat-dapat nikuna a gábwat tu Diyos.

2 Corinto 1:14

Para káddemát nu aldew a kássole nu Panginoon Jesus, ay mepagmadakál moy kame, a konna tu pángmadakál me nikam.

Filipos 2:16

mentras a ipakapospos moy nide u Maganda a Baheta a makapangatád ti biyag a awan ti kahád. Tánni tu káddemát ni Cristo ay mepagmadakál takam dipo awan nawanan ti kabuluhan u págpagud ko.

Filipos 4:1

Kaya ngane mahal ko hide a kákkapatkákka, magpakatatag kam tu pánnampalataya moy tu Panginoon. Mahal takam sakay maammawák nikam hikam u kasayaan sakay gantimpala tu págserbi ko.

1 Tesalonica 2:20

On, hikam u karangalan sakay kasayaan me.

1 Tesalonica 3:13

Pabegsákkán na u isip moy tánni manatili kam a banal sakay awan ti kapintasan tu atubang nu Diyos tam a Ama hanggan tu káddemát a huway nu Panginoon tam a ti Jesus, kaguman u pinili na hide.

1 Tesalonica 4:15

Sa iye i adalay nu Panginoon a kákkagiyán mi nikam: hikitam a biyag palla ay awan mágdipalongo tu mánnampalataya hide a nágkatay dán a tumagbu tu Panginoon.

1 Tesalonica 5:23

Nakwa ay lalu kam a gimitán a banal nu Diyos a tagapangatád ti kapayapaan. Sakay nakwa ay panatiliyán na a awan ti kapintasan u buo moy a pagkatolay, u ispirito moy, kaliduwwa sakay u baggi moy hanggan tu kássole nu Panginoon a ti Jesu-Cristo.

2 Tesalonica 1:4

Kanya ipagmadakál mikam tu agum hide a mánnampalataya tu Diyos dipo tu katatagen moy sakay tu pánnampalataya moy. Mepagmadakál me be u págtiis moy tu atanan a hirap sakay tu tulos-tulos moy a kassampalataya tu Diyos maski ni makpal u mangpahirap nikam.

2 Tesalonica 1:7

Sakay hikam be a mághahirapán hide ay atádden na ti imangan moy a kaguman me. Mangyare ina tu kássole nu Panginoon Jesus a gábwat ti langet a kaguman nu makapangyariyan na hide a anghel.

2 Tesalonica 2:1

Nadid, kákkapatkákka me hide, tungkul be tu kássole nu Panginoon a ti Jesu-Cristo ay maipun kitam a tumagbu nikuna, kaya ipákkekagbi ko nikam,

Tito 2:13

mentras a maguhay kitam tu dakila a aldew a áasaan tam. Iye u kássole nu dakila tam a Diyos sakay Tagapagligtas a ti Jesu-Cristo.

Santiagu 5:7

Kákkapatkákka ko hide, magtiyaga kam be a maguhay tu káddemát nu Panginoon. Konna tu mágmula a nagtiyaga a maguhay tu uden sakay tu págbunga nu mula na hide.

Santiagu 5:8

Konna labe nikitam, dapat kitam be a magtiyaga sakay begsákkan tam u isip tam dipo adene dán a dumemát u Panginoon.

1 Pedro 5:4

Sakay káddemát nu kapunuwan nu Pastol hide ay makatanggap kitam ti magkislap-kislap a kurona a awan masisida.

2 Pedro 1:16

U impakapospos me nikam a tungkul tu kapangyariyan sakay tu káddemát a huway nu Panginoon tam a ti Jesu-Cristo ay bakán a bida a ginimi-gimet la nu tolay. Nan netan me a mismo u kapangyariyan na.

2 Pedro 3:4

Sakay kagiyán de a, “Awan beman nagpananto ti Cristo a dumemát? Hadya ran siya nadid? Nágkatay dán u dáddakál me hide pero awan pade ti págbabagu sapul nikuna a lalangan i munduwáy.”

1 Juan 2:28

Kanya ngane anak hide, itulos-tulos moy u pákkaessa moy ni Cristo tánni káddemát na a huway ay mabegsák u isip tam sakay awan kitam masanike nikuna ti aldiwan itod.

Judas 1:24

Puriyán tam nadid u kaessa-essa a Diyos tam a Tagapagligtas! Siya u mangtáttawed nikitam tánni awan kitam magkasala sakay siya u makapáng-adene nikitam tu atubang na a awan ti kapintasan sakay makapangatád ti kasayaan.

Pahayag 1:7

Tandaan moy! Dumemát siya a huway a napalebutan nu diklam, sakay ketan nu atanan a tolay maski u nangpika hide ni kuna tu wahes na tu itod. Sakay u atanan a tolay ti munduway a awan sumampalataya nikuna ay magsanget dipu tu ánteng de tu págparusa na nide. Talaga a konna he u mangyare! Amen.

Pahayag 22:12

Kinagi ni Jesus, “Mágsaneg kam! Pademátták dán! Tawed ko dán u gantimpala hide a iyatád tu balang essa ayun tu ginimet na!