1 Tesalonica 2:13 - U Maganda A Baheta Ni Jesu-Cristo

¹³ Kaya ngane, pirme kame a magpasalamat tu Diyos, dipo nikuna a ipakapospos me nikam u Upos na, ay tinanggap moy iye dipo naintendiyan moy a tatahoden iye a Upos nu Diyos, bakan a upos nu tolay. Kaya ngane u kapangyariyan nu Upos na ay ketan tu maayus moy a kákkabiyag a mánnampalataya hide.

1 Tesalonica 2:13 ပူးပေါင်းရင်းမြစ်များ

Mateo 10:20

Bakán a hikam u maggupos nan u Ispirito nu Ama tu pamamagitan moy.”

Mateo 10:40

Kinagi pa ni Jesus nide “Ni ti deya u mangtanggap nikam ay tinanggapák di be. Sakay u mangtanggap nikán ay tinanggap de u Ama a nangutus nikán.

Lukas 11:28

Pero timmábbeg ti Jesus, “Mas mapalad u mágsaneg sakay sumássunud tu upos nu Diyos!”

Lukas 5:1

Nadid, essa a aldew mentaras mangaral ti Jesus tu baybay nu diget a Genesaret ay kinadahupodupan siya nu dapat a kakpal a tolay dipo gusto de a mágsaneg tu upos nu Diyos.

Lukas 8:11

“Iye u kahulugen nu talinhaga: u bine ay u upos nu Diyos.

Lukas 8:21

Pero kinagi ni Jesus, “U mágsaneg hide sakay sumunud tu upos nu Diyos ay hide u ina sakay wáwwadi ko.”

Juan 15:3

Táttupadán moy u itáttoldu ko nikam kanya kumán kam a u pinget hide a malinis dán.

Juan 17:17

Ilaan mu hide tu pamamag-itan nu tatahoden; u upos mo ay tatahoden.

Juan 17:19

Sakay alang-alang nide ay inlaan ko i sadile kuwáy niko, tán melaan be hide niko tu pamamag-itan nu tatahoden.

Gimet 10:33

Kanya pagdaka taka a impauwet; makpal a salamat ta nakaangay ka he. Nadid ay napisan kame para sanigán u ipekagi nu Panginoon.”

Gimet 13:48

Nikuna nasaneg iye nu hentil hide ay tunay u saya de sakay nagpure hide tu Panginoon dipo tu upos na. Sakay atanan a pinile nu Panginoon a magkahod ti biyag a awan ti kahád ay summampalataya.

Gimet 16:14

U essa nide ay ti Lydia a taga-Tiatira, essa a negosyante a máglako ti mágkamahal a tela a kulay ubi. Te ánteng siya tu Panginoon. Mentaras a mágsaneg siya ni Pablo ay binukasan nu Panginoon u isip na sakay naniwala siya tu kinákkagi ni Pablo.

Gimet 17:11

Mas maganda a kauhon u Judio hide a taga-hod nan u Judio hide a taga-Tesalonica; dipo gugusto de a mágsaneg tu ipáppaliwanag ni Pablo. Pagadalan de ti aldew-aldew u Kasulatan para mapatunayan de ni tatahoden u kákkagiyán na.

Gimet 17:32

Pákkasaneg de tu kinagi ni Pablo tungkul tu kákkabiyag a huway ay pinagtawaan siya nu agum. Kinagi be nu agum, “Gusto me a masaneg a huway i kinákkagi muwe.”

Gimet 2:41

Makpal u naniwala tu mensahe na sakay nagpabawtismo hide a agad. Ti itod a aldew ay mga tállo a libu a tolay u nedagdag tu mánnampalataya hide.

Gimet 8:14

Nikuna nabaheta nu apostol hide a mámmágyan ti Jerusalem a tinanggap nu Samaritano hide u Upos nu Diyos ay inutusan de a angay hod di Pedro sakay ti Juan.

Roma 10:17

Kanya sumampalataya la u tolay ni masaneg na u mensahe tungkul ni Cristo. Sakay makasaneg la siya ni tehhod a mangaral tungkul ni Cristo.

2 Corinto 3:18

Sakay nadid ay nawan dán u tapoh tu isip tam, sakay netan dán nikitam u kapangyariyan nu Panginoon. I kapangyariyanan iye ay gábwat tu Panginoon a Banal a Ispirito. Siya u utay-utay a mangbagu nikitam, hanggan magin kapareho na kitam.

Galacia 4:14

Pero maskin nahirapan kam ti husto tu págkasakit ko ay tiniisák moy, awanák moy inadiyan nan tinanggapák moy a kumán a anghel nu Diyos. Tinanggapák moy pa ngane a kumán a ti Jesu-Cristo.

Colosas 1:6

Kimmalat iye ti buuwáy a mundu tán mangatád ti págpapala, konna tu nangyare nikam sapul nikuna a nasaneg moy sakay naintendiyan u tatahoden tungkul tu kagbi nu Diyos.

Hebreo 4:12

Dipo u upos nu Diyos ay biyag sakay makapangyariyan sakay mas matalas nan u áttak a magdiluputan ti tadám, ladássán na hanggan tu paghiwalayan nu kaliduwwa sakay ispirito, kasukasuwan hanggan tu uták nu tulang. Sakay tukoy na u katoy tu isip sakay plano nu tolay.

Hebreo 4:2

Dipo konna nide ay nakasaneg kitam be ti Maganda a Baheta. Pero awan de napakinabangan u nasaneg de, dipo awan di iye tinanggap a tehhod a pánnampalataya.

Santiagu 1:18

Ayun tu kaluuban nu Diyos ay ginimet na kitam a anak na hide tu pamamag-itan nu impakapospos na a upos na a tatahoden, tánni magin pinakamahalaga kitam tu atanan a linalang na.

1 Pedro 1:23

Dipo neenak kamon a huway, bakán a tu pamamag-itan nu kákkeenak a maare palla a matay, nan tu bigu a biyag a hod nikam nadid a awan ti kahád, sakay inyatád nikam nikuna a simmampalataya kam tu awan magbabagu a upos nu Diyos.

1 Pedro 1:25

Pero u upos nu Diyos ay awan magbabagu sakay awan maglilipas maski ni nikan.” Iye a upos ay u Maganda a Baheta a inpakapospos nikam.

1 Pedro 2:2

Dapat kam a mauwaw tu Upos nu Diyos, konna tu kákkauwaw nu anak ti gatas, tánni bumegsák u pánnampalataya moy hanggan matanggap moy u kaligtasan.

2 Pedro 3:2

U gusto ko ay lagi a sumariwa tu isip moy u upos nu prupeta hide nu Diyos tu itod, sakay u utus a inyatád nu Panginoon sakay Tagapagligtas tu pamamag-itan nu apostol hide, a pinaangay na hina nikam.

1 Juan 3:3

Kanya ni ti deyaman u te konna he a pag-asa ay dapat a mabiyag a tehhod a kalinisan, konna ni Cristo.