1 Pedro 5:9 - U Maganda A Baheta Ni Jesu-Cristo

⁹ Labanan moy siya sakay magpakatatag kam tu pánnampalataya moy tu Diyos. Dipo tukoy moy labe a bakán la a hikam i magdanasay ti konna he a hirap, nan pate u kákkapatkákka moy hide tu buo a mundu.

1 Pedro 5:9 ပူးပေါင်းရင်းမြစ်များ

Lukas 22:32

Pero indaddasal taka a awan manghina u pánnampalataya mo. Ipamenák mo pero pagsisiyan mo labe, kaya gusto ko a tulungan mo u kakagumanan mo hide tánni bumegsák u pánnamplataya de.”

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

1 Corinto 10:13

Awan palla ti pagsubuk a dummemát nikam a awan dinanas nu atanan a tolay. Matapat u Diyos, sakay awan na pakultadan a subukán kam tu mas pa tu kaya moy. Nan, káddemát nu pagsubuk, ay atádden na kam pa ti begsák tánni mapagtagumpayan moy itod.

Efeso 4:27

tánni awan moy maatádden ti pagkakataun ti Satanas.

Efeso 6:16

Pero bakán la a ina. Nan kailangan a lagi kam a matatag tu pánnampalataya moy, dipo iye u magekalasag moy a pangsalag moy tu atanan a tokso ni Satanas a kumán a magapoy-apoy a pana a ipana na nikam.

Colosas 2:5

Maski ni awanák hina, ay lagi kam tu isip ko. Masayaák dipo mapayapa u kákkabiyag moy sakay matibay u pánnampalataya moy ni Cristo.

1 Tesalonica 3:3

Tánni awan manghina u deyaman nikam dipo tu págpahirap di nikam. Tukoy tam labe a u hirap hide ay kaguman tu plano nu Diyos para nikitam.

1 Timoteo 6:12

Gimitán mo atanan a makaya mo tu pangpakapos-pos mo tu pánnampalataya mo. Sakay palagi mo a isipan a kaguman ka tu biyag a awan ti kahád dipo ina u nangdulawan niko nu Diyos. Sakay i pannampalataya muwan ina ni Cristo u impakapospos mo tu atubang nu makpal a tistigu.

2 Timoteo 3:12

U atanan a masoh a mabiyag ti tama bilang essa a tagasunud ni Jesu-Cristo ay talaga a dumanas ti hirap.

2 Timoteo 4:7

Ginimet ko u atanan a makaya ko para tupadán u tungkulin a intiwala nikán nu Diyos konna tu essa a mággayam a nagginan ti mahusay hanggan a natapos u karera. Nadid nagimet ku dán u tarabaho a inyatád nikán nu Diyos. Sakay nanatiliyák a tapat tu pánnampalataya ni Cristo.

Hebreo 11:33

Dipo tu pánnampalataya de tu Diyos, ay tinalo de u kahariyan hide, nabiyag hide ti matuwid sakay natanggap de u inpananto hide nu Diyos sakay napaamo de u liyon hide.

Hebreo 12:8

Ni u págdisiplina a gággimitán tu atanan a anak ay awan gimitán nikam, ay awan kam tunay a anak nan mungaw kam la.

Santiagu 4:7

Kanya magpasakup kam tu Diyos, labanan moy ti Satanas tánni adeyuwan nakam.

1 Pedro 1:6

Dipo ti iye dapat kam a magsaya, maske ni magdanas kam pa ti iba-iba a pagsubuk ti sabadit a panahun.

1 Pedro 2:21

U págtiis ti hirap ay kaguman tu pángpile nikam nu Diyos; dipo maski ti Cristo ay nagtiis ti hirap para nikam, I págtiis naan iye ay essa a halimbawa a dapat moy a ahigán.

1 Pedro 3:14

Pero ni pahirapan dikam padi maski ni maggimet kam ti tama ay pinagpala kam pade nu Diyos. Diyan kam manteng maski ni deya sakay diyan kam la mabalisa.

1 Pedro 4:13

Nan magsaya kam tu pághirap moy dipo nákpaghirap kam ni Cristo, tán masaya kam a tahod káddemát nu aldew a ketan tam u kadakilaan na.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 6:11

Kaya inatádden ti mágkapudew a badu u balang essa nide. Sakay kinagiyan hide a umimang pa ti sabadit a panahun, hanggan makompleto u bilang nu kákkapatkákka de hide sakay kakagumanan tu págserbi ni Cristo, a bunuwán be a konna nide.

Pahayag 7:14

Timmábbegák, “Awan ku ben tukoy. Hiko i makatukuyay.” Kaya kinagi na nikán, “Hide u nagtagumpay tu mahigpit a hirap. Mapudew dán nadid u badu de kumán a linabaan tu dige nu Tupa.