1 Pedro 5:8 - U Maganda A Baheta Ni Jesu-Cristo

⁸ Pirme kam a humanda sakay magbantay dipo u kadima moy a ti Satanas ay dumahi-dahengding a kumán a liyon a magtágguwang a magehyok ti sangwabán na.

1 Pedro 5:8 ပူးပေါင်းရင်းမြစ်များ

Mateo 13:39

U kadima a nagmula tu madukás a kalase nu halaman ay ti Satanas. U pággani ay u katapusan nu mundu sakay u magani hide ay u anghel hide.

Mateo 24:42

Kaya magbantay kam dipo awan moy tukoy ni nikan u aldew a umangay u Panginoon moy.

Mateo 25:41

Sakay kagiyan ko be tu atoy hide tu kawihi, ‘Umadeyo kam nikán a binusong nu Diyos! Hikam ay meangay tu apoy a awan maadápadáp a inhanda para ni Satanas sakay tu demonyo na hide.

Mateo 4:1

Káttapos ay inyangay nu Ispiritu nu Diyos ti Jesus hod tu kaparangan para purbaan a toksuwán ni Satanas.

Mateo 4:11

Kanya nilakaden siya ni Satanas. Sakay dimmemát u anghel hide sakay sinerbiyan di siya.

Markos 4:15

sakay u bine hide a netákneg tu dilan ay u tolay hide a nakasaneg tu Upos nu Diyos. Pero tu káddemát ni Satanas ay inagew na u Upos nu Diyos a nasaneg de.

Lukas 21:34

Kinagi ni Jesus, “Pero mag-ingat kam, dyan kam mággaabalaán a máglalasingán sakay mágsasayaán, sakay dyan kam mabalisa ti pakán ehyok moy tu kabiyagan moy hide tu aldew-aldew. Bakay abutan kam ni Aldiwan itod a awan handa.

Lukas 21:36

Kaya lagi kam a handa tu atanan odas. Pirme moy a idasal a magkahod kam ti begsák tánni matággád moy u atanan a hirap a dumemát sakay nakahanda kam la a umatubang tu Anak nu Tolay.”

Lukas 22:31

Kinagi ni Jesus, “Simon, Simon! Magsaneg ka! Inaged ni Satanas a purbaan naka konna tu páng-ibut tu lupás tu trigu.

Juan 8:44

Ti Satanas u ama moy. Sakay ni ánya u gusto na ay itod u gusto moy be a gimitán. Mágbabono siya sapul pa tu sapul, sakay umád na u tatahoden dipo awan u tatahoden nikuna. Dipo ugale na dán a mágbabuli-buliyán dipo mabule siya, sakay siya u naggábwatan nu atanan kakabuliyan.

2 Corinto 2:11

Dapat la a magpatawad kitam tánni awan kitam malinlang ni Satanas. Dipo tukoy tam u plano na a madukás.

Efeso 4:27

tánni awan moy maatádden ti pagkakataun ti Satanas.

Efeso 6:11

Gamitán moy u atanan a armas a inyatád nu Diyos nikam tánni malabanan moy u patibung hide nu diyablo.

1 Timoteo 2:15

Pero maligtas u bábbey tu pággenak na ni magtulos-tulos siya tu pánnampalataya na, págmahal, pagin banal sakay malinis a kákkabiyag.

1 Timoteo 2:9

Kagiyan kube nikam a u babbey hide ay dapat awan magbadu ti makatokso nan u dapat ay magbadu hide ti marangal. Dapat dibe a iwasan u subra-subra a paggayus ti buuk sakay pagsulot ti ginto oni perlas, sakay mágkamahal a badu.

1 Timoteo 3:11

U kákkabanga di be hide ay kailangan a mágkatino, awan hide mametmet nan mapagpugád ti sadile sakay matapat tu atanan a bagay.

1 Timoteo 3:2

Pero u essa a pinuno ay kailangan a awan ti kapintasan, essa la u kabanga na, kaya a magpugád tu sadile na sakay awan pabigla-bigla. Kailangan a kagalang-galang, mágpatulos tu bilay na, sakay malalake a magtoldu.

2 Timoteo 4:17

Pero awanák pinabayan nu Diyos, inataddinák na ti begsak isip tánni mepakapospos ko tu Hentil hide a mágsaneg tu upos na. Kaya naligtasák tu hatul nu kamatayan.

Tito 1:8

Nan masaya a magpatulos, magággustuwán tu mágkaganda a gimet, mahinahun, matapat siya a mákpággagum tu kapareho na, sumássunud tu Diyos sakay te págpugad ti sadile.

Tito 2:12

U kagbi na u nangtoldu nikitam tánni adággen tamon u kákkabiyag a makamundu sakay u kagustuwan nu pilas tánni mabiyag kitamon nadid a tehhod a págpugad ti sadile, banal sakay karapat-dapat tu Diyos,

Tito 2:2

Tolduwan mo u lállakay hide a magin mahinahun, kagalang-galang, mapagpugád ti sadile, matatag ti pánnampalataya, págmahal sakay matiyaga.

Tito 2:4

Tánni matolduwan u anak palla hide a bábbey ate kabanga a mahalán u kákkabanga de sakay tu anak de.

Tito 2:6

Tolduwan mu be u áolito hide a magpugád tu sadile de tu atanan a bagay.

Santiagu 4:7

Kanya magpasakup kam tu Diyos, labanan moy ti Satanas tánni adeyuwan nakam.

1 Pedro 1:13

Kanya ngani dapat kam a handa a gimitán u kaluuban nu Diyos. Magin mahinahun kam sakay ituun moy u pag-asa moy tu págpapala hide a tanggapán moy ni mehayag dán ti Jesu-Cristo.

1 Pedro 4:7

Adene dán u katapusan nu atanan a bagay; kanya magpugád kam tu sadile moy sakay pirme a tama u pággisipan moy tánni awan ti hadlang tu págdasal moy.

Pahayag 12:10

Sakay nasaneg ko u mabegsák a boses a gábwat ti langet, kinagi na, “Dimmemát dán u págligtas nu Diyos tam! Impeta na dán u kapangyariyan na bilang hare! Sakay impeta dán ni Cristo u karapatan na a mamuno! Dipo napalayas dán ti langet u mángkákkaso ti aldew ay ti gibi tu kákkapatkákka tam.

Pahayag 12:12

Kaya magsaya kam, hikam a mágyan ti langet! Pero makaánteng i danasán moyay, hikam a mágyan tu luta sakay tu diget! Dipo u matindi a iyamut nu Diyablo ay meangay nikam. Dipo tukoy na a awan dán siya magmalay.”

Pahayag 12:9

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.

Pahayag 20:10

Sakay u Diyablo a nangdaya nide ay ibut tu kumán a diget a apoy sakay tu asupre, a nángbutan labe tu makaánteng a hayup sakay tu mágkabule a prupeta. Aldew ay ti gibi ay mamágkaguman hide a pahirapan hod hanggan-hanggan.

Pahayag 20:2

Dinakáp na u dragon, iye u biklat tu itod a panahun, siya u Diyablo oni Satanas. Sakay inggapus na tu alay nu sanglibu a taon,