1 Pedro 5:5 - U Maganda A Baheta Ni Jesu-Cristo

⁵ Kaya hikam be a áolito sakay mámmadiket hide, pasakup kam tu mágkatanda hide. Magpakababa kam a atanan dipo nesulat tu Kasulatan, “Sasala nu Diyos u palalo hide, sakay kasayaan na u magpakababa hide.”

1 Pedro 5:5 ပူးပေါင်းရင်းမြစ်များ

Lukas 22:26

Pero bakán a konna hina u dapat moy a gimitan. Nan u pinakadakila u magin pinakamababa sakay u puno u dapat a magin tagapagserbi.

Roma 12:10

Magmahalan kam bilang mátkaka ni Cristo sakay pahalagaan moy u agum higit tu págpahalaga moy tu sadile moy.

Roma 13:14

Ni awan, ahigán moy u halimbawa nu Panginoon Jesu-Cristo, sakay dyan moy sunudán u makamundu a kagustuwan nu pilas.

Efeso 5:21

Pasakup kam tu balang essa bilang tanda nu pággalang moy ni Cristo.

Filipos 2:3

Dyan kam maggimet ti ánya man a bagay dipo la tu kagustuwan moy a metanyag, nan magpakababa kam sakay ituring moy a mas higit u agum kasera nikam.

Colosas 3:12

Bilang pinile nu Diyos, banal sakay mahal na, dapat makákkágbiyán kam, maganda u ugale, mapagpakumbaba, mabait sakay handa a magtiis.

1 Timoteo 5:1

Nadid, u mágkatanda hide niko a lállake ay dyan mo págngállan nan pákpágguhunan mo hide a konna tu pángnguhon mo nama mo. Ibilang mo a wáwwadi mo u áolito hide,

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

Santiagu 4:6

U tatahoden ay tunay ti kadakál u kagbi nu Diyos nikitam kanya tulungan na kitam, konna tu nesulat tu Kasulatan, “Kadima nu Diyos u palalo hide pero kagbiyan na u mapagpakumbaba hide.”

1 Pedro 3:8

Nadid, sa iye u bilin ko nikam kákkapatkákka ko hide, dapat kam a mamággagum ti maganda, magkaessa sakay magmahalan a konna tu mátkaka, dapat kambe a makákkagbiyán sakay mapagpakumbaba.

1 Pedro 4:1

Nadid, dipo naghirap ti Cristo ay dapat kitam be a magin handa a maghirap a konna nikuna. Dipo u magtiis ti hirap ay immadág dán tu kasalanan.

1 Pedro 4:5

Pero panagutan de iye tu Diyos a mághatul tu biyag sakay tu patay hide.