1 Pedro 4:18 - U Maganda A Baheta Ni Jesu-Cristo

¹⁸ Konna tu nakasulat tu Kasulatan, “Ni u tolay dán ngane hide a makadiyos ay mahirap a maligtas, itod pa beman wád u tolay hide a makasalanan a awan tumengge tu Diyos?”

1 Pedro 4:18 ပူးပေါင်းရင်းမြစ်များ

Lukas 15:1

Essa a aldew u mágsingeh hide ti buwes sakay u agum pa hide a inturing a makasalanan ay immadene ni Jesus para mágsaneg.

Lukas 23:31

Dipo ni konna he u gimitán tu kayo a maata, ánya wád be u gimitán de tu namadiyan dán?”

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

Gimet 27:24

Sakay kinagi na nikán, ‘Diyan ka manteng Pablo. Kailangan a umatubang ka tu hare ti Roma. Alang-alang niko ay iligtas nu Diyos u kakagumanan mo hide ti barkuwáy.’

Gimet 27:31

Pero kinagi ni Pablo tu kapitan sakay tu sundalo hide, “Ni guminan i tripulante ye hide ay awan kam makaligtas.”

Roma 1:18

Pero impeta nu Diyos u iyamut na a gábwat ti langet, tu atanan a tolay a awan maka Diyos sakay mággimet ti kadukássan. Dipo hadlangan de tu mágkadukás de a gimet u tatahoden a gusto nu Diyos a matukuyan de.

Roma 5:6

Nikuna awan kitam ti magimet para makaligtas tu parusa, natay ti Cristo para tu kasalanan tam hide tu panahun a intakda nu Diyos.

Roma 5:8

Pero impeta nikitam nu Diyos u págmahal na ti konna he a paraan: Maske tu itod nikuna a makasalanan kitam palla, natay ti Cristo para nikitam.

1 Corinto 10:12

Kaya ngane, magingat u magakala a matatag dán ti pánnampalataya, bakay matokso kam sakay magkasala.

1 Timoteo 1:9

Tukoy tam be a u Kautusan ay bakán a para tu mágkabait a tolay, nan para tu awan hide sumássunud tu batas sakay tu loko hide. U Kautusan be ay para tu awan hide tumenggi tu Diyos sakay tu makasalanan hide, tu awan hide masoh a magin banal sakay tu awan hide ti galang tu Diyos. U Kautusan ay para be tu mámmuno hide tu dáddikál de sakay tu agum pa a mágbabonu hide,

Hebreo 4:1

Sakay nadid, u pananto nu Diyos tungkol tu imangan a inhanda na ay para labe nikitam. Kanya ngani mangilag kam makay tehhod nikam a awan makaguman tu impananto na.

Santiagu 5:6

Pinarusaan moy sakay pinabuno u tolay hide a awan ti kasalanan, maskin awan hide linumaban nikam.

1 Pedro 5:8

Pirme kam a humanda sakay magbantay dipo u kadima moy a ti Satanas ay dumahi-dahengding a kumán a liyon a magtágguwang a magehyok ti sangwabán na.

2 Pedro 3:7

Tu pamamag-itan be nu upos na, u kasalukuyan nadid a langet sakay luta ay intakda nu Diyos a tutudán ti apoy tu aldew nu pághatul sakay págparusa tu awan hide sumunud tu Diyos.

Judas 1:15

tánni hatulan na u atanan. Parusaan na u awan hide tumenggi tu Diyos dipo tu mágkadukás de a gimet sakay awan págrespeto nikuna.”