1 Pedro 4:14 - U Maganda A Baheta Ni Jesu-Cristo

¹⁴ Mapalad kam ni dáddustaán di kam dipo ni Cristo, dipo tukoy moy a katoy nikam u Banal a Ispirito nu Diyos a makapangyariyan.

1 Pedro 4:14 ပူးပေါင်းရင်းမြစ်များ

Mateo 5:11

Pinagpala kam nu Diyos ni insultuwán di kam sakay dustaán sakay bintangán di kam ti sare-sare dipo disepulus takam.

Mateo 5:16

Konna la be hod u gimitán moy, ipeta moy u demlag moy tu tolay hide tánni ketan de u mágkaganda moy a gimet. Tán para puriyán de u Ama moy ti langet.”

Lukas 6:22

Pinagpala kam ni kaiyamutan dikam, palayasán, insultuwán sakay kagiyan de a madukas kam dipo tu Anak nu Tolay.

Juan 15:21

Dustaán dikam dipo maniwala kam nikán sakay dipo awan de tukoy u nangpaangay he nikán.

Juan 8:48

Kinagi nu puno nu Judio hide ni Jesus, “Tama u kinagi me a essa ka a Samaritano sakay sináddáp ka ni madukás a ispirito.”

Juan 9:28

Kanya nagingál hide, pinasanike de u lállake. Kinagi de, “Hiko u disepulus na, pero hikame ay disepulus ni Moises.

Juan 9:34

Timmábbeg u pinuno hide, “Neenak ka a makasalanan, sakay mabegsák pa i pággisipan muwe a mangaral nikame!” Sakay binawalan de siya a sumáddáp tu bilay a págsambaan de.

Gimet 13:45

Pero nikuna ketan nu Judio hide u tuna't káppal a tolay ay nagsállap hide, kaya kinontara de u kákkagiyan ni Pablo sakay impasanike de siya.

Gimet 18:6

Nikuna kinontara de siya sakay ininsulto ay impagpag na u alikabuk tu badu na, bilang babala nide. Kinagi na, “Kasalanan moy dán ina ni mepahamak kam! Awanák dán ti pananagutan nikam! Sapul nadid ay hedák dán mangaral tu Hentil hide.”

Gimet 28:22

Pero gusto mi be a masaneg ni ánya makagi muway, dipo tukoy me a maski ni hádya a lugar ay ipáppadukás nu tolay hide i pánniwala muwe.”

Gimet 5:41

Tunay ti saya a limmakad u apostol hide tu atubang nu Sanedrin dipo pinagustuwan nu Diyos a magdanas hide ti págseste alang-alang ni Jesus.

2 Corinto 12:10

Dipo ni Cristo ay awan nikán ti halaga ni mahinaák, insultuwán, pahirapan, usigán, sestiyán, sakay magtiis. Dipo ni nikanák a mahina ay sakaák be a pabegsákkán nu Diyos.

2 Corinto 4:10

Lagi kame a dumanas ti kahirapan konna tu pághirap a dinanas ni Cristo nikuna a natay siya; para ipareho me u biyag me tu biyag ni Cristo a siya u mángpeta a biyag pade ti Jesus a atoy nikame.

2 Corinto 4:16

Kaya awan kame manghina ti isip. Maski ni humina dán u bággi me ti lutaáy, ay tulos-tulos pade a bumegsák u ispirito me aldew-aldew.

Galacia 1:24

Kanya pinure de u Diyos dipo tu ginimet na nikán.

Hebreo 11:26

Imbilang na a mas mahalaga u magtiis para tu Mesias kasera tu kayamanan hide ti Egipto. Dipo nakatuun u isip na tu gantimpala hide a pademát.

Santiagu 1:12

Pinagpala u tolay a manatile a matatag tu pánnampalataya na tu pagsubuk hide sakay kahirapan, dipo ni malampasan de itod ay magkahod hide ti biyag a awan ti kahád a impananto nu Diyos tu atanan a magmahal nikuna.

Santiagu 5:11

Awan beman kákkagiyán tam a mapalad u tolay hide a mágtatiisán ti hirap. Nasaneg moy dán u tungkul ni Job tu págtiis na ti madágge a hirap, sakay tukoy moy dán be a tu katapusan ay pinagpala siya nu Panginoon. Ketan tam he a makákkagbiyán sakay mabait u Panginoon.

1 Pedro 2:12

Dapat kitam a mabiyag ti maayus tu atubang nu Hentil hide, ta maski ni bintangán dikam ti madukás, pero ketan de u mágkaganda moy a gimet ay magpure hide tu Diyos káddemát nu aldew a kássole na.

1 Pedro 3:14

Pero ni pahirapan dikam padi maski ni maggimet kam ti tama ay pinagpala kam pade nu Diyos. Diyan kam manteng maski ni deya sakay diyan kam la mabalisa.

1 Pedro 3:16

Pero magin magalang kam sakay magin mahinahun ni magpaliwanag kam. Dipo bilang tagapagserbi ni Cristo ay diyan tam pabayan a makagimet kitam ti liwat, tán u tolay hide a mangdáddusta nikitam ay mapasanike tu kákkagiyán de a kontara nikitam.

1 Pedro 4:16

Pero ni maghirap kam dipo tu pánniwala moy ni Cristo ay diyan moy ikasanike; nan magpasalamat kam tu Diyos, dipo nadulaw kamon a tolay ni Cristo.

2 Pedro 2:2

Sakay makpal hide a maakit a mánnampalataya a sumunud tu gimet de a malaswa. Kaya dipo he ay hamak-hamakán nu awan hide mánnampalataya u pánnampalataya tam ni Cristo.