1 Pedro 4:10 - U Maganda A Baheta Ni Jesu-Cristo

¹⁰ Pinagkaluuben nu Diyos u balang essa nikitam ti sadile na a kakayahan, kanya gamitán tam itod a kaluub para tu kapiyyaan nu atanan bilang mahusay a katiwala tu iba-iba a kaluub nu Diyos.

1 Pedro 4:10 ပူးပေါင်းရင်းမြစ်များ

Mateo 20:28

Konna tu Anak nu Tolay a awan ummangay para pagserbiyan nan para magserbi sakay iyalay na u biyag na para matubos u kakpalan.”

Mateo 24:14

Sakay mepaliwanag ti buo a mundo u Maganda a Baheta a tungkol tu pághari nu Diyos para iye ay matukoyan nu atanan a bansa. Sakay káttapos ay dumemát u katapusan.”

Mateo 24:21

Dipo ti itona a panahon, u tolay hide ay magdanas ti pinakagrabe a pághirap a awan padla nadanas sapul gimetán u mundo hanggan nadid. Sakay awan dán be madanas pa a huway.

Mateo 24:45

Kinagi pa ni Jesus “U matapat sakay malalaki a utusan ay siya u atádden ti kapangyariyán nu amo na a mamahala tu agum a alipin na hide. Siya u mangatád nide ti makan de tu tama a panahon.

Mateo 25:17

Kona labe tu nakaalap ti duwwa a libo ay tummubo be u pilak na ti duwwa a libo.

Mateo 25:44

Sakay tummábbeg be hide, ‘Panginoon, nikan mi ka a netan a nagaláp oni nauwaw oni nagin dayo oni nawanan ti mesulot oni te sakit oni atoy tu piresuwan sakay awan mi ka pinagserbiyán?’

Markos 10:45

Dipo maski hikán a Anak nu Tolay ay immangay he ti munduwáy bakán a para pagserbiyan nan magserbi sakay máng-atád tu biyag na para maligtas u atanan nu tolay.”

Lukas 12:42

Timmábbeg u Panginoon, “Ni deya u tapat sakay malalake a alipin ay siya i páng-intregaanay nu amo na tu kasabilay na hide ni tehhod siya a angayan. Siya i nakabahalaay a mangatád ti makan tu agum hide a utusan tu tama a odas.

Lukas 19:13

Pero bagu siya limmakad ay dinulawan na u sapulo na hide a utusan. Inatádden na hide ti tatággessa de a pilak a ginto. Sakay kinagi na nide, ‘Inigosyo moy pala hanggan tu kássole ko.’

Lukas 8:3

sakay ti Juana a kabanga ni Cusa a katiwala ni Herodes, ti Susana sakay makpal pa a agum. Sadile de a pilak i nángtáttustus diyay tu kailangan di Jesus sakay tu disepulus na hide.

Roma 15:25

Pero nadid, kailangan ko pa umangay ti Jerusalem tánni iyangay ko u tulung tu kákkapatkákka hod.

Roma 15:27

Masaya hide a nangatád, sakay dapat la dipo kumán hide a te utang tu Judio hide. Dipo u Hentil hide ay nakabahagi tu págpapala a ispiritwal nu Judio hide, marapat be a tulungan u Judio hide tu pamamag-itan nu págpapala de a pangpilas.

1 Corinto 15:10

Pero dipo tu kagbi nu Diyos nikán ay nagin apostolák, sakay awan be nawanan ti kabuluhan u kaluub a iye nikán. Nagtrabahuwák ti husto kasera tu agum nide, pero bakán iye tu sadile ko a kakayanan nan tu kabaitan la nu Diyos nikán.

1 Corinto 3:10

Ayun tu kabaitan nu Diyos nikán, hikán u nagdátton tu pundasyon, konna tu essa a malalake a mágpataknág. Sakay u agum be u mángtapos tu bilay. Pero magin maingat u balang essa a mángtapos tu bilay,

1 Corinto 4:7

Ánya i nanglamangan moyay tu agum? Awan beman atanan a katoy nikam ay gábwat tu Diyos? Ni konna hod, bakin a ipagmadakál moy ina a kumán a awan kaluub nikam nu Diyos?

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

2 Corinto 9:1

Nadid, awan ku dán kailangan a magsulat pa nikam tungkul tu káttulung tu kákkapatkákka hide ti Jerusalem.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Efeso 4:11

Sakay te iba-iba a kaluub a inyatád siya nikitam: u agum ay pinagkaluuban na a magin apostol, u agum ay magin prupeta, u agum ay mángngaral tu Maganda a Baheta, u agum ay magin pastor sakay u agum ay tagapagtoldu.

2 Timoteo 1:18

Kagbiyan nakwa siya nu Panginoon káddemát nu aldew a Pághatul na. Tukoy-tukoy mo labe ni kodya siya a nagserbi nikán ti Efeso.

Tito 1:7

Dipo u tungkulin nu essa a pinuno nu simbaan ay para tu Diyos, dapat a awan siya ti kapintasan. Dapat a awan siya hambug oni alisto a maiyamut sakay dapat be a awan siya máglasing, awan mággulo oni hupa ni pilak.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

1 Pedro 5:12

Ti Silvano u nangtulung nikán ti iye a sulat. Essa siya a kapatkákka tam a tapat sakay pagtiwalaan ko. Tu pamamag-itan ni sulat kuwan iye ay gusto ko a pabegsákkán u isip moy sakay patunayan a u atanan a intoldu ko nikam tungkul tu kagbi nu Diyos ay tatahoden. Kanya diyan kam humiwalay ti kagbi naan iye.