1 Pedro 3:9 - U Maganda A Baheta Ni Jesu-Cristo

⁹ Diyan moy gantiyan ti madukás u maggimet nikam ti madukás. Diyan moy sumpaán u mangsumpa hide nikam. Nan ipagdasal moy a pagpalaán hide nu Diyos dipo konna hod u gusto nu Diyos a gimitán moy.

1 Pedro 3:9 ပူးပေါင်းရင်းမြစ်များ

Mateo 19:29

Sakay ni deya man u manglakad tu bilay na, kapatkaka na hide, ama sakay ina na hide, anak na hide, oni u luta na hide para nikán ay makatanggap be ti pendatos a beses tu linakaden na. Sakay pagkalooban siya ti biyag a awan ti katapusan.

Mateo 25:34

Sakay kagiyan ko tu atoy hide tu kawanan ko, ‘Kamon he, hikam a pinagpala nu Ama ko! Mágyan kam tu kaharian a inhanda para nikam sapul pa nikuna ginimet u mundo.

Mateo 5:39

Pero kagiyán ku nikam nadid a dyan kam gumante tu tolay a nanggimet nikam ti madukás. Nan ni te mangdapang niko ay ipadapang mu pa u dilupot.

Mateo 5:44

Pero iye u ikagi ko nikam, mahalán moy u kadima moy sakay ipagdasal moy u mangdusta nikam.

Markos 10:17

Nadid, nikuna a palakad dán di Jesus ay tehhod a lállake a nagginan a immadene nikuna, limmuhud siya sakay nagtanung, “Mahusay a maisto, kagiyán mu ped ni ánya i gimitán kuway para magkahodák ti biyag a awan ti kahád?”

Lukas 10:25

Nadid, immadene ni Jesus u essa a maisto nu Kautusan tánni purbaan siya, “Maisto,” kagi na, “Ánya u dapat ko a gimitán tánni magkahodák ti biyag a awan ti kahád?”

Lukas 18:18

Nadid, tehhod a nagtanung ni Jesus a puno nu Judio hide, “Mabait a maisto, ánya i dapat kuway a gimitán tánni mágkahodák ti biyag a awan ti kahád?”

Roma 12:14

Ipagdasal moy tu Diyos a pagpalaán u tolay hide a mangsásseste nikam. Pagpalaán moy hide bakán a sumpaán.

Roma 12:17

Dyan moy gantiyan ti madukás u maggimet hide ti madukás nikam. Magsikap kam a mabiyag ti marangal.

Roma 8:28

Tukoy tam atu atanan a bagay, ay magahikad u Diyos para tu kapiyyaan nu atanan a mangmahal nikuna. Iye u gággimitán nu Diyos tu atanan a mangyare tu tolay hide a pinili na a makaguman tu plano na.

Roma 8:30

Kanya u tolay hide a pinile nu Diyos tu itod pa ay dinulaw na tánni magin anak na hide, sakay u dinulaw na hide ay imbilang na hide a matuwid, sakay u imbilang na hide a matuwid ay inatádden na ti karangalan.

Galacia 3:14

Tinubus kitam ni Cristo para u págpapala hide a inpananto nu Diyos ni Abraham ay matanggap be nu Hentil hide tu pamamag-itan ni Jesu-Cristo. Sakay tu pamamag-itan nu pánnampalataya tam nikuna ay matanggap tam u inpananto nu Diyos a Banal a Ispirito.

Efeso 4:32

Nan magin mabait kam sakay makákkagbiyán tu balang essa sakay magpatawadan kam konna tu págpatawad nikam nu Diyos tu pamamag-itan ni Cristo.

1 Tesalonica 5:15

Diyan kam gumante tu naggimet nikam ti madukás nan itulos-tulos moy la a maggimet ti maganda tu balang essa sakay tu atanan a tolay.

Hebreo 12:17

Sakay tukoy moy be a káttapos ay inaged na tu ama na u pagpapala a para tu panganay. Pero awan dán maare dipo awan dan mabagu u ginimet na, maski ánya man u gimitán na a pagsise sakay págsanget.

Hebreo 6:14

Kinagi na a, “Talaga a pagpalaán taka, sakay pakakpalán ko u lahe mo.”

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.