1 Pedro 3:5 - U Maganda A Baheta Ni Jesu-Cristo

⁵ Konna hod u ugale nu bábbey hide a banal a immasa tu Diyos tu itod a panahun. Nagpasakup hide tu kákkabanga de.

1 Pedro 3:5 ပူးပေါင်းရင်းမြစ်များ

Lukas 2:37

sakay nadid ay walo a pulo ay ti áppat dán a taon a nabilo. Lagi siya tu Templo aldew ay ti gibi a mágpapuriyán tu Diyos tu pamamag-itan nu págkakulasyon sakay pakándasal.

Gimet 1:14

Lagi hide a mamággipun-ipun para magdasal kaguman u bábbey hide sakay ti Maria a ina ni Jesus, konna bihod u kákkapatkákka ni Jesus a lállake.

Gimet 9:36

Ti Joppa ay tehhod be a essa a bábbey a mánnampalataya, u ngahan na ay Tabita, (ti Griego, u ngahan na ay Dorcas, u gusto na a kagiyán ay ogsa.) Inyobus na u atanan a odas na tu pággimet ti maganda sakay tu págtulung tu mágkahirap hide.

Efeso 5:33

Pero iye ay patungkul be tu balang essa nikam: hikam a lállake hide, mahalán moy u kákkabanga moy a konna tu sadili moy; hikam a bábbey hide, igalang moy u kákkabanga moy hide.

1 Timoteo 2:10

Nan u mágkaganda la a gimet u nebagay tu bábbey hide a maki-Diyos.

1 Timoteo 2:15

Pero maligtas u bábbey tu pággenak na ni magtulos-tulos siya tu pánnampalataya na, págmahal, pagin banal sakay malinis a kákkabiyag.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

1 Timoteo 5:5

U tatahoden a bilo a bábbey ay u mággeessa dálla ti kákkabiyag sakay u Diyos dálla u áasaan na, kaya makándasalán siya aldew ay ti gibi.

Hebreo 11:11

Dipo tu pánnampalataya ay nagkahod ti kakayanan a magin ama ti Abraham, maski ni lakay dán siya sakay maske awan dán magenak ti Sara. Pero nanalig siya a tupadán nu Diyos u pananto na.

1 Pedro 1:3

Magpasalamat kitam a pirme tu Diyos a Ama nu Panginoon tam a ti Jesu-Cristo. Dipo tu tunay a kadakál a kagbi na nikitam, kanya inatádden na kitam ti bigu a biyag, tu pamamag-itan nu kákkabiyag a huway ni Jesu-Cristo. Iye u nangatád nikitam ti biyag a pag-asa.