1 Pedro 3:17 - U Maganda A Baheta Ni Jesu-Cristo

¹⁷ Mas mapiyya pa a maghirap kam dipo tu pággimet moy ti maganda ni saiye u kagustuwan nu Diyos, nan maghirap kam dipo tu pággimet moy ti madukás.

1 Pedro 3:17 ပူးပေါင်းရင်းမြစ်များ

Mateo 26:39

Immadeyo ti Jesus ti sabadit, dinumapa siya sakay nagdasal a, “Ama ko, ni maaari ay ibutan mo nikán i pághirapan iye. Pero bakan a u gusto ko ni awan u gusto mo u mangyare.”

Mateo 26:42

Huway siya a ummadeyo sakay nagdasal “Ama ko, ni awan maari ibutan i pághirapan iye ni awan ko magimet ay sunudán ko u kagustuwan mo.”

Gimet 18:21

Pero nikuna kadnadán ay kinagi na nide, “Magsoliyák he, ni kaluuban nu Diyos.” Sakay limmakad ti Efeso a nágsakay tu abeng.

Gimet 21:14

Nikuna awan me siya mapugád ay timmahimik kami dán. Sakay kinagi mi dálla a, “Masunud u kagustuwan nu Panginoon.”

1 Pedro 1:6

Dipo ti iye dapat kam a magsaya, maske ni magdanas kam pa ti iba-iba a pagsubuk ti sabadit a panahun.

1 Pedro 2:15

Gusto nu Diyos a gimitán tam u tama tán tumahan u tolay hide a apehet ti pággisipan a mágga-upusán ti baka-bakán kontara tu upos nu Diyos.

1 Pedro 2:20

Awan ti seserbi u págtiis moy ti parusa ni dipo tu ginimet moy a madukás. Dipo awan kam kasayaan nu Diyos. Pero ni pápparusaan kam maski maganda u gággimitan moy, ay kasayaan kam nu Diyos.

1 Pedro 3:14

Pero ni pahirapan dikam padi maski ni maggimet kam ti tama ay pinagpala kam pade nu Diyos. Diyan kam manteng maski ni deya sakay diyan kam la mabalisa.

1 Pedro 4:15

Diyan nakwa mangyare a kanya kam a magdanas ti kahirapan ay bilang parusa dipo namuno kam, nagtakaw, sumássuway tu kautusan, oni mák-alam tu biyag nu agum.

1 Pedro 4:19

Kanya hikam a maghirap hide dipo tu kagustuwan nu Diyos ay dapat itulos-tulos moy la u pággimet moy ti maganda sakay magtiwala kam tu Diyos a Nanglalang, dipo tapat siya tu pananto na hide.