1 Pedro 3:11 - U Maganda A Baheta Ni Jesu-Cristo

¹¹ Dapat kam a magbagu tu mágkadukás moy hide a gimet, pagsikapan moy a maggimet ti maganda sakay mabiyag ti mapayapa.

1 Pedro 3:11 ပူးပေါင်းရင်းမြစ်များ

Mateo 5:45

Tánni magin tunay kam a anak nu Ama moy a atoy ti langet. Dipo atádden na a parehas ti sinag sakay uden u mabait sakay u madukás a tolay.

Mateo 5:9

Pinagpala nu Diyos u tagaayus tu magdima hide, dipo hide u madulawan a anak nu Diyos.

Mateo 6:13

Sakay dyan ka pumayag a matoksu kame tu kasalanan nan iyadeyo mu kami ni Satanas. Dipo u kahariyan sakay u kapangyariyan ay kao mo hangganhanggan. Sakay hiko u mapuri tu atanan hangganhanggan. Amen.”

Markos 14:7

Dipo u mágkahirap ay pirme moy la a kaguman sakay maare kam a tumulung nide, maski ánya a odas. Pero awanák moy lagi a kakaguman.

Lukas 1:79

Tán mademlagen u katoy hide tu kadiklámman sakay u nágkatay dán ti kasalanan, Igiyya na kitamon patamo tu kapayapaan.”

Lukas 6:35

Nan mahalán moy u kadima moy hide. Mággimet kam ti maganda nide sakay magpaáddem kam a awan dán umasa ti ánya pa man a bayad. Tánni dakál u piremyo a matanggap moy. Tán hikam u magin anak nu Dakila a Diyos. Dipo siya ay makákkagbiyan tu mágkadukás sakay tu awan hide tumáttenggi ti utang a luub nikuna.

Lukas 6:9

Káttapos ay kinagi ni Jesus tu maisto hide nu Kautusan sakay tu Pariseo hide, “Tanungán takam nadid ánya i tamaay a págsunud tu kautusan tu Aldew nu Káimang. U maggimet ti maganda oni maggimet ti madukás? Iligtas u tolay oni mamuno?”

Juan 17:15

Awan ko idasal a alapán mu dán he hide ti munduwáy, nan ingatan mo hide para awan hide matalo ni Satanas.

Roma 12:18

Ni maare la nakwa, mákpággagum kam ti mapayapa tu atanan a tolay.

Roma 14:17

Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito.

Roma 14:19

Kanya pilitán tam a gimitán a palagi u bagay hide a makapangatád ti kapayapaan sakay makapángpatibay tu balang essa.

Roma 5:1

Kanya nadid ay imbilang kitamon nu Diyos a awan ti kasalanan dipo tu pánnampalataya tam tu Panginoon tam a ti Jesu-Cristo, kanya tehhod kitamon a maganda a rilasyon tu atubang nu Diyos.

Roma 7:19

Awan ko magimet u mágkaganda hide a bagay a gusto ko a gimitán, pero u mágkadukás a bagay a umád ko a gimitán, ay itod be u gággimitán ko.

Roma 7:21

Sa iye u natukuyan ko tu sadile ko. Ni gusto ko a maggimet ti maganda, ay hadlanganák nu madukás ko a pagkatolay.

Roma 8:6

U sapitán nu kássunud tu makasalanan a pagkatolay ay kamatayan, pero u sapitán nu kássunud tu kagustuwan hide nu Banal a Ispirito ay kapayapaan sakay biyag a awan ti kahád.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Galacia 6:10

Kanya ngane samantalaán tam u pagkakataun a makagimet kitam ti maganda tu atanan a tolay, lalu dán tu kákkapatkákka tam hide ti pánnampalataya.

Colosas 3:15

Sakay paghariyán moy tu puso moy u kapayapaan a gábwat ni Cristo, dipo iye u dahilan kaya nadulaw kam nu Diyos para magin bahagi nu essa a bággi. Magpasalamat kam a pirme.

1 Timoteo 6:18

Itoldu mo nide a dapat a u maganda u gimitan de, para yumaman hide tu mágkaganda a gimet. Magin masaya hide a mangatád sakay handa a tumulung tu agum.

Hebreo 12:14

Sikapán moy a makasundu u kapareho moy a tolay sakay magpakabanal kam, dipo awan moy ketan u Panginoon ni awan kam mabiyag ti konna he.

Hebreo 13:16

Sakay diyan tam kalimunan a maggimet ti maganda sakay tu káttulung tu agum dipo ina u alay a kasayaan nu Diyos.

Santiagu 4:17

Kanya ni tukoy nu essa a tolay u maganda pero awan na ginimet ay nagkasala siya.

1 Pedro 3:12

Bábbantayan nu Panginoon u tolay hide a maggimet ti maganda, sakay tábbegán na u dasal de. Pero u maggimet ti madukás ay sasala na.”

3 Juan 1:11

Mahal ko a amigu, dyan mo ahigán iye hide a madukás a halimbawa. U ahigán mo ay u maganda, dipo u maggimet ti maganda ay anak nu Diyos; u maggimet ti madukás ay awan palla nakatengge tu Diyos.