1 Pedro 2:24 - U Maganda A Baheta Ni Jesu-Cristo

²⁴ Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

1 Pedro 2:24 ပူးပေါင်းရင်းမြစ်များ

Mateo 27:26

Sakay pinalaya na ti Barrabas pero pinalatigo na ti Jesus sakay intád nide para ipako tu kudus.

Mateo 5:20

Kanya ikagi ku nikam a paghariyan kam la nu Diyos ni tatahoden moy a sunudán u kautusan nu Diyos. U kássunud moy tu kautusan ay dapat mas humigit pa tu págsunud nu Pariseo hide sakay tu maistu hide nu Kautusan ni Moises.”

Mateo 8:17

Nangyari iye para matupad u hula ni propeta Isaias tu itod a “Siya u nangibut tu sakisaket tam sakay pinagpiyya na kitam.”

Markos 15:15

Dipo gusto ni Pilato a pagbigyan u tolay hide ay pinalaya na ti Barabas. Sakay pinabálbág na ti Jesus sakay impeatád na tu sundalo hide para ipako de tu kudus.

Lukas 4:18

“Katoy nikán u Ispirito nu Panginoon, dipo hikán u pinile na a mángpakapospos tu Maganda a Baheta tu mágkahirap hide a tolay. Inutusanák na para ikagi tu pireso hide a malaya dán hide, sakay konna bi hod, u buhák hide ay maketa dán. Inutusanák na para palayaán u áapi-apiyán hide,

Juan 1:29

Nadid, tu essa a aldew ay netan ni Juan ti Jesus a paadene nikuna, kanya kinagi na tu tolay hide, “Atoy dán u Tupa nu Diyos a iyalay para mangibut tu kasalanan nu tolay ti munduway!

Juan 19:1

Nadid, pinaalap ni Pilato ti Jesus sakay pinabálbág na.

Gimet 10:35

Nasaya siya tu tolay a te ánteng nikuna sakay u maggimet ti tama, maskin ánya a ka lahe.

Gimet 10:39

Hikame u mangpatunay tu atanan a ginággimet na tu lugar nu Judio hide sakay ti Jerusalem. Binuno de siya, sakay nepako tu kudus.

Gimet 13:29

Sakay nikuna matupad di dán u atanan nu nakasulat tungkul nikuna ay inyogsad di siya tu kudus sakay inlábbáng.

Gimet 5:30

U Diyos nu nuno tam hide u nangbiyag a huway ni Jesus a binuno moy nikuna impepako moy tu kudus.

Roma 6:11

Kanya dapat moy a ibilang u sadile moy a patay dán tu kasalanan, pero biyag para tu Diyos dipo tu pákpagkaessa moy ni Cristo Jesus.

Roma 6:13

Dyan moy dán gamitán u hádya man a parte nu bággi moy tu pággimet ti kasalanan. Nan iyalay moy tu Diyos u sadile moy bilang tolay a inatádden ti bigu a biyag. Ilaan moy tu Diyos u bággi moy tu pággimet ti maganda.

Roma 6:16

Awan moy beman tukoy a ni sakup kam ni ti deyaman bilang essa a alipin, alipin kam ngane nu sássunudán moy. Kanya ni sássunudán tam u kasalanan alipin kitam nu kasalanan sakay u risulta na ay kamatayan. Pero ni sássunudán tam u Diyos alipin kitam nu Diyos a u risulta na ay matuwid a kákkabiyag.

Roma 6:2

Awan! Awan kitamon dapat mabiyag, tu págkakasala dipo konna kitam tu essa a patay a awan dán magkasala.

Roma 6:22

Pero napalaya kamon tu kasalanan sakay alipin kamon nu Diyos. Sakay u natanggap moy ay kabanalan sakay biyag a awan ti kahád.

Roma 6:7

Dipo u tolay a patay dán ay napalaya dán tu kapangyariyan nu kasalanan.

Roma 7:6

Pero nadid u kapareho tam ay u patay a awan sakup nu Kautusan i Kautusanan iye ay siya u nangalipin nikitam dipo awan tam kaya a sunudán. Pero nadid ay nawan dán u pagkukulang tam tu awan tam págsunud tu Kautusan. Kaya nadid u págserbi tam tu Diyos ay bakán dán a tu date a biyag a sakup nu Kautusan ni awan tu bigu a biyag a inyatád nu Ispirito Santo.

1 Corinto 15:3

Dipo impangaral ko nikam i tunayáy a halaga a adal a tinanggap ko labe. Siya iye: natay ti Cristo dipo tu kasalanan tam hide, tánni matupad u nakasulat tu Kasulatan.

2 Corinto 6:17

Kaya umadeyo kam tu tolay hide a awan sumássunud nikán, Humiwalay kam nide,” kagi nu Panginoon. “Dyan kam kumahap tu ánya man a neturing a madangát, tánni tanggapán takam.

Galacia 3:13

Tinubus kitamon ni Cristo tu sumpa a gábwat tu Kautusan nikuna naghirap siya a konna tu essa a sinumpa dipo nikitam. Konna tu nakasulat tu Kasulatan a, “Sinumpa u bawat nebátten tu kayo.”

Efeso 5:9

Dipo ni u essa a tolay ay nademlagan dán ay ketan tu gimet na u maganda, tama sakay tatahoden.

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.

Colosas 2:14

Tehhod kitam nakwa a panagutan tu Diyos dipo awan tam natupad u Kautusan. Pero imbut iye nu Diyos tu pamamagitan nu kákkepako ni Cristo tu kudus. Kaya awan na kitamon parusaan.

Colosas 2:20

Nákkatay kamon a kaguman ni Cristo sakay awan dán tu kapangyariyan nu mágkadukás hide a ispirito a maghare ti munduwáy. Bakin a sumunud kam pa tu patakaran hide a konna tu,

Colosas 3:3

dipo kumán kamon a natay tu date moy a kákkabiyag, sakay u tatahoden moy a biyag ay katoy tu Diyos, kaguman ni Cristo.

Hebreo 10:10

Dipo tu págsunud ni Jesu-Cristo tu kaluuban nu Diyos, ay lininis na kitam tu kasalanan tam hide tu pamamag-itan nu pág-alay na tu sadile na a bággi. Pumensan nala iye a ginimet, sakay awan dán iye mahuwa-huway.

Hebreo 10:5

Kanya ngane, nikuna a dimmemát ti Jesus he ti munduwáy, ay kinagi na tu Ama na, “U alay hide a hayup ay awan mo gusto, kanya inhanda mo u bággi ko para magin alay.

Hebreo 12:13

Sakay maglakad kam tu matuwid a dilan tánni u agum a magkahina ti pánnampalataya, ay awan mesangdul sakay mapilay nan bumegsak.

Hebreo 7:26

Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.

Hebreo 9:28

Konna labi hod, ti Cristo ay pumensan la a natay tán buhaán na u kasalanan nu tolay hide. Dumemát siya a huway, bakán a para tubusán a huway u kasalanan nu tolay nan tán iligtas na u magáohay hide nikuna.

Santiagu 5:16

Kanya itapat moy tu balang essa u kasalanan moy hide sakay ipagdasal moy u balang essa tánni magpiyya kam. Dakál u magimet nu panalangin nu tolay a pirme a sumunud tu kagustuwan nu Diyos.

1 Juan 2:29

Ni tukoy moy a matuwid ti Cristo, ay dapat tukoy moy be a u atanan a mággimet ti matuwid ay anak nu Diyos.

1 Juan 3:7

Anak ko hide dyan kam paloko maski ni deya man. U maggimet ti maganda ay essa a matuwid a tolay, konna ni Cristo.

Pahayag 22:2

Magbulos iye tu bállog nu karsada nu banuwan. Tu magdibiliwan nu konayan ay te kayo a makapangatád ti biyag. Magbunga iye ti kada bulan kanya sapulo ay ti duwwa iye a beses a magbunga ti sataon, sakay makagamot u duu-duun na tu sake-saket nu tolay hide tu kada bansa.