1 Pedro 2:19 - U Maganda A Baheta Ni Jesu-Cristo

¹⁹ Dipo u magtiis ti págpahirap maski ni awan siya ti ginimet a madukás ay kahabagen nu Diyos ni tiniis na iye dipo tu kássunud na tu kagustuwan nu Diyos.

1 Pedro 2:19 ပူးပေါင်းရင်းမြစ်များ

Lukas 6:32

Ni u mahalán moy la ay u magmahal labe nikam, ánya wád matanggap moyay a piremyo a gábwat tu Diyos? Maskin u makasalanan hide a tolay ay makabeto be a magmahal tu mangmahal hide nide.

Juan 15:21

Dustaán dikam dipo maniwala kam nikán sakay dipo awan de tukoy u nangpaangay he nikán.

Gimet 11:23

Nikuna dumemát hod sakay netan na u págpapala nu Diyos nide ay nasaya siya sakay pinayuwan na hide a atanan a manatile hide a tapat tu Panginoon.

Roma 13:5

Kanya magpasakup kam tu gubiyerno, bakán la a tánni maiwasan u parusa ni awan dipo iye u dapat a gimitán.

1 Corinto 15:10

Pero dipo tu kagbi nu Diyos nikán ay nagin apostolák, sakay awan be nawanan ti kabuluhan u kaluub a iye nikán. Nagtrabahuwák ti husto kasera tu agum nide, pero bakán iye tu sadile ko a kakayanan nan tu kabaitan la nu Diyos nikán.

2 Corinto 1:12

Essa a bagay u mepagmadakál me: nabiyag kame ti matuwid sakay tapat tu atubang nu atanan a tolay, lalu dán nikam. Nagimet mi iye dipo tu kagbi nu Diyos bakán a tu pamamag-itan nu karunungan nu mundu. Sakay mapatunayan nu isip me a tatahoden u ipagmadakál me.

2 Corinto 8:1

Nadid, kákkapatkákka me hide, gusto ko a ibaheta nikam u nagimet nu págmahal nu Diyos tu mánnampalataya hide ti Macedonia.

2 Timoteo 1:12

Ina u dahilan kaya maghirapák ti konna he. Pero maskin konna pa man hod u nangyare nikán, ay awan ko iye ikasanike. Dipo tukoy ko nitideya u sinampalatayaan ko sakay siguraduwák a awan na pabayan u impagkatiwala ko nikuna hanggan tu aldew a kássole na.

Hebreo 10:2

Dipo ni napatawad dán hide tu pamamag-itan nu alay de, ay awan dán nakwa hide ti alalahanán pa tu kasalanan de, sakay awan dán hide magalay a huway.

1 Pedro 2:20

Awan ti seserbi u págtiis moy ti parusa ni dipo tu ginimet moy a madukás. Dipo awan kam kasayaan nu Diyos. Pero ni pápparusaan kam maski maganda u gággimitan moy, ay kasayaan kam nu Diyos.

1 Pedro 4:15

Diyan nakwa mangyare a kanya kam a magdanas ti kahirapan ay bilang parusa dipo namuno kam, nagtakaw, sumássuway tu kautusan, oni mák-alam tu biyag nu agum.