1 Pedro 2:17 - U Maganda A Baheta Ni Jesu-Cristo

¹⁷ Igalang moy u atanan a tolay sakay mahalán u kákkapatkákka tam ni Cristo. Mabiyag kam a tehhod a ánteng tu Diyos sakay tehhod a pággalang tu Hare.

1 Pedro 2:17 ပူးပေါင်းရင်းမြစ်များ

Mateo 22:21

“Kan hare a Cesar,” tábbeg de. Sakay kinagi na nide, “Ni konna hod, iyatád moy ni hare a Cesar u para ni hare a Cesar sakay tu Diyos u para tu Diyos.”

Juan 13:35

Ni magmahalan kam ay matukuyan nu atanan a tolay a disepulus takam.”

Roma 12:10

Magmahalan kam bilang mátkaka ni Cristo sakay pahalagaan moy u agum higit tu págpahalaga moy tu sadile moy.

Roma 13:7

Kanya iyatád moy u dapat a iyatád. Magbayad kam tu buwes moy hide, igalang u dapat a igalang, sakay parangalan u dapat a parangalan.

2 Corinto 7:1

Nadid, mahal me hide a kákkapatkákka, nadid ta inpananto nikitam nu Diyos iye hide a bagay ay adággen tam u atanan a mágkadukás a gimet a makapangatád ti dangát tu isip tam sakay makedukás tu bággi tam. Sikapán tam a mabiyag ti banal sakay tehhod a ánteng tu Diyos.

Efeso 5:21

Pasakup kam tu balang essa bilang tanda nu pággalang moy ni Cristo.

Filipos 2:3

Dyan kam maggimet ti ánya man a bagay dipo la tu kagustuwan moy a metanyag, nan magpakababa kam sakay ituring moy a mas higit u agum kasera nikam.

1 Timoteo 6:1

Nadid, dapat a igalang nu alipin hide u amo de hide tánni awan mapintasan u ngahan nu Diyos sakay u itattoldu tam.

Hebreo 13:1

Nadid, tulos-tulos kam a magmahalan bilang mátkaka ni Cristo.

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

1 Pedro 2:13

Alang-alang tu Panginoon ay magpasakup kam tu tehhod hide a tungkulin tu banuwan moy sakay tu Hare a siya u pinakataas a pinuno tu lugar tam.

1 Pedro 5:5

Kaya hikam be a áolito sakay mámmadiket hide, pasakup kam tu mágkatanda hide. Magpakababa kam a atanan dipo nesulat tu Kasulatan, “Sasala nu Diyos u palalo hide, sakay kasayaan na u magpakababa hide.”