1 Pedro 2:12 - U Maganda A Baheta Ni Jesu-Cristo

¹² Dapat kitam a mabiyag ti maayus tu atubang nu Hentil hide, ta maski ni bintangán dikam ti madukás, pero ketan de u mágkaganda moy a gimet ay magpure hide tu Diyos káddemát nu aldew a kássole na.

1 Pedro 2:12 ပူးပေါင်းရင်းမြစ်များ

Mateo 10:25

U madanas nu tagapagtoldu ay madanas labe nu disepulus na. Madanas labe nu utusan u madanas nu amo. Ni hikán a tagapagtoldu moy ay nginahanan de a Satanas mas grabe u ingahan de nikam a disepulus ko hide.”

Mateo 5:11

Pinagpala kam nu Diyos ni insultuwán di kam sakay dustaán sakay bintangán di kam ti sare-sare dipo disepulus takam.

Mateo 5:16

Konna la be hod u gimitán moy, ipeta moy u demlag moy tu tolay hide tánni ketan de u mágkaganda moy a gimet. Tán para puriyán de u Ama moy ti langet.”

Mateo 9:8

Nikuna netan iye nu tolay hide ay nagtaka hide sakay pinuri de u Diyos a nangatád ti konna hina a kapangyariyan tu tolay hide.

Lukas 1:68

“Puriyán u Panginoon a Diyos nu Israel. Dipo immangay he siya ti lutaáy para palayaán sakay iligtas u anak na hide.

Lukas 19:44

Puksaán di kam pate u anak moy hide, awan hide ti ibuha-buhay. Maski u bito hide tu banuwan moy ay awan manatili tu date na a pappagyanan, dipo awan moy pinospos u káddemát nu Diyos a mángligtas nikam.”

Lukas 6:22

Pinagpala kam ni kaiyamutan dikam, palayasán, insultuwán sakay kagiyan de a madukas kam dipo tu Anak nu Tolay.

Juan 13:31

Nadid, nikuna a makalakad ti Judas, kinagi ni Jesus, “Hikán a Anak nu tolay ay odas dán a iyatád nikán nu Diyos u karangalan ko. Sakay mehayag dám be u karangalan nu Diyos dipo tu ginimet ko.

Gimet 15:14

Káttatapos la a impaliwanag ni Simon u purumero a pángdulaw nu Diyos tu Hentil hide tánni pate hide ay magin banuwan na.

Gimet 24:13

Awan hide ti mepeta a katibayan ti ibábbintang diye nikán.

Gimet 25:7

Káddemát ni Pablo ay kinalibung-bungan siya nu Judio hide a gábwat ti Jerusalem. Makpal sakay mágkadágge u ibábbintang de kontara nikuna, pero awan di labe mapatunayan.

Gimet 28:22

Pero gusto mi be a masaneg ni ánya makagi muway, dipo tukoy me a maski ni hádya a lugar ay ipáppadukás nu tolay hide i pánniwala muwe.”

Roma 12:17

Dyan moy gantiyan ti madukás u maggimet hide ti madukás nikam. Magsikap kam a mabiyag ti marangal.

Roma 13:13

Sakay dipo katoy kitam tu demlag, mabiyag kitam ti marangal. Diyan tamon gimitán u páglasing, u magulo hide a págsaya, dyan kitam mangibábbey oni mangilállake, dyan kitam mákdima, sakay diyan kitam be maiyamut tu agum.

Roma 14:18

U magserbi ni Cristo tu konna he a paraan ay makasaya tu Diyos sakay igalang siya nu kapareho na.

Roma 15:9

Inutusan be ti Cristo tánni mepeta na u kagbi nu Diyos tu bakán hide a Judio, tánni puriyán di be u Diyos. Ayun ngane tu Kasulatan, “Puriyán taka kaguman u awan hide Judio sakay puriyán taka tu kansiyon ko.”

1 Corinto 14:25

Sakay dipo tu págsaneg na matukuyan na u mágkadukás a hod tu puso na, kanya lumuhud siya sakay sumamba tu Diyos, sakay kagiyán na a, “Tahod! katoy ngani nikam u Diyos!”

2 Corinto 1:12

Essa a bagay u mepagmadakál me: nabiyag kame ti matuwid sakay tapat tu atubang nu atanan a tolay, lalu dán nikam. Nagimet mi iye dipo tu kagbi nu Diyos bakán a tu pamamag-itan nu karunungan nu mundu. Sakay mapatunayan nu isip me a tatahoden u ipagmadakál me.

2 Corinto 13:7

Pero idáddasal ko tu Diyos, a nakwa ay awan kam mággimet ti madukás, bakán a para paluwasán a tamaák, nan para makagimet kam ti maganda maski ni lumitaw a liwaták.

2 Corinto 8:21

Sikapán me a megimet iye ti maayus, bakán la tu pangileng nu Panginoon nan magin tu pangileng nu tolay hide.

Efeso 2:3

Tu itod, ay kaguman kitam bi he, nabiyag kitam ayun tu kagustuwan nu pilas sakay sinunud u madukás a hilig nu bággi sakay isip tam. Kaya dipo hod ay kaguman kitam be tu nerarapat hide a parusaan nu Diyos.

Efeso 4:22

ay dapat adággan moy dán u date moy a kákkabiyag dipo iye ay gimet nu date moy a pagkatolay. I pagkatolayan iye u mángpahamak nikam dipo tu mágkadukás a kagustuwan nu bággi a mágdaya nikam.

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

Filipos 4:8

Nadid kákkapatkákka, iye u kadimodyanan a kagiyán ko nikam: u lagi moy a isipán ay u bagay hide a karapat-dapat sakay kapure-pure: u bagay hide a tatahoden, marangal, matuwid, mágkaganda a gimet, sakay kagalang-galang.

1 Tesalonica 4:12

Ni ina i gimitán moyay ay irespeto kam nu awan hide mánnampalataya sakay awan kam umasa tu agum tu kákkabiyag moy.

1 Timoteo 2:2

Ipagdasal moy be u hare hide sakay tu atanan a te katungkulan tánni magkahod kitam ti tahimik a biyag sakay mapayapa, kagalang-galang sakay maka-Diyos.

1 Timoteo 4:12

Dyan mo pabayan a imemenos kala nu agum dipo ulito ka palla. Nan magin halimbawa ka tu mánnampalataya hide: tu pággupos, ugale, págmahal, pánnampalataya sakay malinis a kákkabiyag.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

Hebreo 13:18

Ipagdasal moy kame, makagi me nikam a malinis u konsensiya me, sakay gusto me a mabiyag ti matuwid tu atanan nu panahun.

Hebreo 13:5

Diyan kam kumán a hupa ni pilak; makontento kamon ni ánya u katoy nikam. Dipo kinagi nu Diyos, “Awan taka lakaden oni pabayan.”

Santiagu 3:13

Deya nikam u marunung sakay makaintendi? Patunayan moy iye tu pamamag-itan nu matuwid a kákkabiyag sakay u maganda a gimet bunga nu págpakababa sakay karunungan.

1 Pedro 2:15

Gusto nu Diyos a gimitán tam u tama tán tumahan u tolay hide a apehet ti pággisipan a mágga-upusán ti baka-bakán kontara tu upos nu Diyos.

1 Pedro 3:16

Pero magin magalang kam sakay magin mahinahun ni magpaliwanag kam. Dipo bilang tagapagserbi ni Cristo ay diyan tam pabayan a makagimet kitam ti liwat, tán u tolay hide a mangdáddusta nikitam ay mapasanike tu kákkagiyán de a kontara nikitam.

1 Pedro 4:11

Ni tagapangaral u kaluub mo ay ipangaral mo u upos nu Diyos. Ni tagapagserbi u kaluub mo ay gamitán mo u begsák mo tu págserbi a inyatád niko nu Diyos tán puriyán de u Diyos tu pamamag-itan ni Jesu-Cristo. Kao nu Diyos u kapangyariyan sakay u karangalan hanggan-hanggan. Amen.

2 Pedro 3:11

Ni konna he u mangyare tu atanan a bagay, ay dapat kam a mabiyag a tehhod a kalinisan sakay makadiyos a kákkabiyag,