1 Pedro 2:1 - U Maganda A Baheta Ni Jesu-Cristo

¹ Kanya adággen moy dán u atanan a mágkadukás, u pakándaya, pakánwari-ware, kákkaiyamut, sakay pakán upos ti awan ti pinagseserbiyan tu agum.

1 Pedro 2:1 ပူးပေါင်းရင်းမြစ်များ

Mateo 15:7

Mapagkunware kam. Tama u hula ni propeta Isaias tungkul nikam. Kinagi nu Diyos tu pamamag-itan na tu itod pa a

Mateo 23:28

Talaga konna kam tu páglábbángan! Tu pangeleng nu tolay ay magkabait kam pero u tatahoden, tunay kam a mapagkunware sakay madukás.”

Mateo 24:51

Grabe a higpit u magin parusa nu amo ti alipin an itod. Iyangay siya tu lugar a kaguman u mapagkunware hide. Hod hide a maghirap a tahod sakay mággaadoyán.”

Mateo 7:5

Mapagkunware kam. Ibutan moy pa u dakál moy a kasalanan para makatulung kam tu agum a magibut tu badit de a kasalanan.

Markos 12:15

Pero tukoy ni Jesus a magkukunware la hide, kanya kinagi na, “Bakin páppurbaanák moy? Atáddinák moy ti pilak.”

Lukas 11:44

Kakagbi kam! Dipo kumán kam a páglábbángngan a awan ti tanda kaya mágkagemmakan kam nu tolay hide a awan de mamalayan.”

Lukas 12:1

Nikuna magdemáttan u libu-libu a tolay ay mágkegegemmakan di dán u balang essa nide dipo tu káppal nu tolay. Kinagi ni Jesus tu disepulus na hide, “Magingat kam tu págpaalsa a gággamitán nu Pariseo hide; u gusto ko a kagiyán ay mapagpakunware hide.

Lukas 6:42

Kodya mo a kagiyán tu kapatkákka mo a, ‘Kapatkákka, tulungan taka a mangibut ti puleng muwe, pero awan mo ketan u gaturoso mo a puleng?’ Mapagpakunware! Ibutan mu pa i gaturoso muwe a puleng, tánni maketa ka ti maganda para maibutan mo u puleng nu kapatkákka mo.”

Juan 1:47

Pákketa ni Jesus ni Nataniel a paadene nikuna ay kinagi na, “Saáy u tunay a Israelita, a matapat.”

Roma 1:29

Kanya nagin alipin dán hide nu atanan a kadukássan, sakay kalokuwan, kasakiman, sakay madukás a isip. Naputat hide ti sene, pámmuno, págtalo-talo, págdaya, sakay págmetmet.

1 Corinto 14:20

Kákkapatkákka hide, dyan kam konna tu isip nu anak. Pero ni tungkul tu págkasala magin konna kam tu anak a awan ti tukoy tu mágkadukás. Pero dapat a mágkakáttáng dán i isip moye.

1 Corinto 5:8

Kaya ngane ipagsaya tam iye a Piyesta, pero bakán a tu pamamag-itan nu tinapay a te date a págpaalsa nan tu pamamag-itan nu tinapay a awan ti págpaalsa. U gusto a kagiyán niiye ay adággen tamon u kadukássan tam sakay kahalayan sakay mabiyag kitam ti malinis sakay tapat.

2 Corinto 12:20

Dipo mággaisipánnák a bakay tu káangay ko hina ay te ketanák a awan ko gusto nikam sakay te ketan kam be a awan moy gusto nikán. Bakay u medemáttan ko ay dimaan, seniyan, iyamután, makasadile, págsidaan, metmetan, pághambug, sakay kaguluwan.

Efeso 4:31

Ibutan moy dán u ányaman a saket ni isip, iyamut, pákpágdadima, pánggulo, metmet, págsida tu agum, sakay tu atanan a kalase nu madukás a ugale.

1 Tesalonica 2:3

U impakapospos me nikam ay awan kakabuliyan. Awan kame nagtoldu tánni lokuwán mikam la, oni pagustuwan u madukás a gimet.

1 Timoteo 3:11

U kákkabanga di be hide ay kailangan a mágkatino, awan hide mametmet nan mapagpugád ti sadile sakay matapat tu atanan a bagay.

Tito 2:3

Kagiyán mu be tu bábbekás a mabiyag hide a tehhod a kabanalan, awan mametmet, sakay awan makánlasingán nan hide u dapat a magtoldu tu maganda a ugale.

Hebreo 12:1

Nadid ta napalebutan kitam ti makpal a tistigu, adággen tamon u kasalanan a alisto a mangtaw-taw nikitam sakay ibutan u ányaman a hadlang a mangpugád nikitam, sakay magtiyaga kitam a magtulos-tulos tu ginanan tam a intakda nu Diyos.

Santiagu 1:21

Kanya adággen moy dán u atanan nu kadukássan sakay tu agum pa a mágkadangát a gimet, sakay tanggapán moy dán u upos nu Diyos a indátton na tu isip moy dipo siya u mángligtas nikam.

Santiagu 3:14

Pero ni pagka masásseniyán sakay pagka makasadile u hod tu puso moy, ay dyan moy ipagmadakál a tehod kam a karunungan dipo kakabuliyan moy la ina sakay awan nikam u tatahoden.

Santiagu 4:11

Kákkapatkákka ko hide, dyan kam magupos ti madukás kontara tu kapareho moy a mánnampalataya, u magupos ti madukás sakay maghatul tu kapareho na ay kumontara sakay maghatul tu Kautusan nu Diyos. Ni konna hod ay bakán kamon a tagasunud nu Kautusan nan tagahatul dán.

Santiagu 4:5

Dyan moy isipán a awan ti seserbi u kinagi tu Kasulatan a, “Umád nu Banal a Ispirito a pinágyan nikitam nu Diyos a te kaagew tu págmahal tam.”

Santiagu 5:9

Kákkapatkákka ko hide, dyan kamon mamágsidaan tánni awan kam hatulan nu Diyos. Dipo adene dán u pághatul nu Diyos tu atanan a tolay.

1 Pedro 2:16

Mabiyag kitam a konna tu tolay hide a tehhod a kalayaan. Pero diyan moy gimitán u kalayaan a iye tu pággimet ti madukás nan mabiyag kam bilang alipin nu Diyos.

1 Pedro 2:22

Maski nikan ay awan siya nagkasala sakay nagbule-bule.

1 Pedro 3:10

Konna tu nakasulat tu banal a Kasulatan, “U masoh a magkahod ti maganda sakay mapayapa a kákkabiyag ay pugáddán na u dila na a makán upos ti madukás sakay awan magbuli-bule.

1 Pedro 4:2

Kanya mentaras biyag kitam he ti munduwáy hanggan diyan tamon sunudán u makaluta hide a kagustuwan nu sadile tam nan sapulan tamon a mabiyag a ayun tu kagustuwan nu Diyos.

1 Pedro 4:4

Kanya, magtaka dán hide ni bakin a awan kamon mákpággagum nide tu pággimet de ti madukás, kanya sidaán dikamon sakay sestiyán.

Pahayag 14:5

Maski nikan ay awan hide nagbule-bule kaya awan nide ti mepintas.