1 Pedro 1:7 - U Maganda A Baheta Ni Jesu-Cristo

⁷ U ginto a masida ay subukán tu apoy para matukuyan ni talaga a ginto. Konna labi hod, tu pánnampalataya moy, a mas mahalaga kasera tu ginto ay subukán be ti pagsubuk tán matukuyan ni talaga a matapat kam. Tánni mapuriyan, dakilaán, sakay parangalan kam tu Aldew a mehayag ti Jesu-Cristo.

1 Pedro 1:7 ပူးပေါင်းရင်းမြစ်များ

Mateo 19:28

Kinagi nide ni Jesus, “Pakatandaan moy iye: ni maghare dán u Anak nu Tolay tu kapangyariyan na tu paddemát a mundo a itatag nu Diyos, hikam a sumunod nikán ay maatádden labe ti kapangyariyan para hatulan u sapulo ay ti duwwa a lahi ni Israel.

Mateo 25:21

Kinagi nikuna nu amo na, ‘Malalaki! Tapat sakay mabait a utusan! Dipo nagin matapat ka tu badit a halaga, mamahala ka tu dakal a halaga. Sumáddáp ka sakay mákpagkasayaan ka nikán!’

Mateo 25:23

Kinagi nu amo na, ‘Malalaki! Tapat sakay mabait a utusan! Nagin matapat ka tu badit a halaga kanya mamahala ka tu dakal a halaga. Sumáddáp ka sakay mákpagkasayaan ka nikán!’

Lukas 12:33

Ilako moy u kabiyagen moy hide sakay iyatád moy tu mágkahirap hide u naglakuwan moy! Tánni makaipun kam ti kayamanan ti langet. U maipun moy hod a kayamanan ay awan magdadate one maubu-ubus sakay awan ti makasasáddáp a mágtakaw sakay awan makuta-kutam.

Lukas 17:30

Konna labi hod i mangyariyay tu káddemát nu Anak nu Tolay.

Juan 12:26

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

Juan 5:44

Kodya kam a maniwala nikán, ni u papure la nu bawat essa u gusto moy, sakay bakán a u papure a gábwat tu eessa a Diyos?

Gimet 8:20

Tinábbeg siya ni Pedro, “Mepahamak ka a kaguman ni pilak muwe, dipo u akala mo ay mabale mo ti pilak u kaluub nu Diyos.

Roma 2:10

Pero atádden nu Diyos ti karangalan, papure sakay kapayapaan u atanan a maggimet ti maganda, purumero u Judio hide sakay u bakán a Judio.

Roma 2:29

U tatahoden a Judio ay u tolay a nabagu u puso tu pamamag-itan nu Ispirito nu Diyos, sakay bakán a dipo nature siya. U papure nikuna ay bakán a gábwat tu tolay nan gábwat tu Diyos.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

Roma 8:19

Maski ni u buo a linalang hide nu Diyos ay gusto di dán a ipahayag nu Diyos u anak na hide.

1 Corinto 4:5

Kaya bakán a hikitam u magkagi ni tama oni madukás u essa a tolay. Maguhay kam tu tama a panahun, dipo u Panginoon u maghatul káddemát na. Iluwas na u bagay hide a netagu tu kadiklamman sakay ikagi na u lihim hide a plano nu balang essa. Ti panahunan iye, balang essa ay tumanggap ti papure a karapat-dapat nikuna a gábwat tu Diyos.

Santiagu 1:12

Pinagpala u tolay a manatile a matatag tu pánnampalataya na tu pagsubuk hide sakay kahirapan, dipo ni malampasan de itod ay magkahod hide ti biyag a awan ti kahád a impananto nu Diyos tu atanan a magmahal nikuna.

1 Pedro 1:13

Kanya ngani dapat kam a handa a gimitán u kaluuban nu Diyos. Magin mahinahun kam sakay ituun moy u pag-asa moy tu págpapala hide a tanggapán moy ni mehayag dán ti Jesu-Cristo.

1 Pedro 1:5

Dipo tu pánniwala moy ni Jesu-Cristo kaya ingatan kam nu kapangyariyan nu Diyos, mentaras a maguhay kam tu kaligtasan a iyatád na káddemát nu katapusan a aldew.

1 Pedro 2:4

Kanya umadene kam nikuna; siya u mangatád ti biyag sakay siya u konna tu bito a inadiyan nu tolay hide pero pinile nu Diyos a pinakamahalaga tu pangileng na.

1 Pedro 2:7

Kanya i bituwan itod ay mahalaga nikitam a maniwala hide. Pero tu awan hide maniwala ay hide u mangpatunay tu Kasulatan, “U bito a inumádden nu mágbilay hide ay siya bál u mahalaga a mangtággád tu bilay.”

1 Pedro 4:12

Kákkapatkákka ko hide, diyan kamon magtaka tu garabi a hirap a dáddanasán moy nadid a pagsubuk tu pánnampalataya moy. U tatahoden u atanan a simmampalataya ni Cristo ay magdanas ti kahirapan.

1 Pedro 4:13

Nan magsaya kam tu pághirap moy dipo nákpaghirap kam ni Cristo, tán masaya kam a tahod káddemát nu aldew a ketan tam u kadakilaan na.

1 Pedro 5:1

Hikam a pinuno hide nu mánnampalataya hide, mákkekagbiyák nikam bilang essa be a konna nikam. Tistiguwák tu pághirap ni Cristo, sakay kabahagiyák be tu karangalan na a adene dán a mehayag. Mákkekakagbiyák nikam

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.

2 Pedro 1:4

Tu pamamagitan nu kapangyariyan na, ay nagpananto siya tu bagay hide a mahalaga sakay makataka-taka para magkahod kitam ti ugale a konna tu ugale nu Diyos, sakay para makaiwas kitam tu mágkadukás hide a gimet ti munduway.

2 Pedro 3:14

Kaya ngane, mahal ko hide a kákkapatkákka, mentaras maguhay kam ti iye hide a bagay, ay pagsikapan moy a mabiyag a te kapayapaan, malinis sakay awan ti dangát tu pangileng na.

Judas 1:24

Puriyán tam nadid u kaessa-essa a Diyos tam a Tagapagligtas! Siya u mangtáttawed nikitam tánni awan kitam magkasala sakay siya u makapáng-adene nikitam tu atubang na a awan ti kapintasan sakay makapangatád ti kasayaan.

Pahayag 1:7

Tandaan moy! Dumemát siya a huway a napalebutan nu diklam, sakay ketan nu atanan a tolay maski u nangpika hide ni kuna tu wahes na tu itod. Sakay u atanan a tolay ti munduway a awan sumampalataya nikuna ay magsanget dipu tu ánteng de tu págparusa na nide. Talaga a konna he u mangyare! Amen.

Pahayag 2:10

Dyan kam manteng tu hirap a adene moy dán a danasán. Tandaan moy: pepireso ni Satanas u sangan nikam bilang pagsubuk; magtiis kam tu alay nu sapulo a aldew. Magtulos-tulos kam la a matapat hanggan tu kamatayan, tánni premyuwan takam ti biyag a awan ti kahád.”

Pahayag 3:10

Dipo sinunud moy u utus ko a magtiyaga ay ingatan takam be káddemát nu pagsubuk a dumemát tu atanan a tolay ti munduway.

Pahayag 3:18

Kaya ngani ipayo ko nikam a mamale kam nikán ti puro a ginto tánni yumaman kam. Mamale kam be nikán ti mapudew a badu tánni mabaduwan i eklas moye a bággi, sakay gamot ti mata tánni maketa kam.