1 Pedro 1:25 - U Maganda A Baheta Ni Jesu-Cristo

²⁵ Pero u upos nu Diyos ay awan magbabagu sakay awan maglilipas maski ni nikan.” Iye a upos ay u Maganda a Baheta a inpakapospos nikam.

1 Pedro 1:25 ပူးပေါင်းရင်းမြစ်များ

Mateo 5:18

Pakatandaan moy iye, hanggan atoy pa u langet sakay u luta ay matupad u atanan a nesulat tu Kautusan.

Lukas 16:17

Pero mas alisto pa a mawan u langet sakay tu luta, nan mawanan ti bisa u kabadit-baditan a parte nu kautusan.

Juan 1:1

Bago u sapul átna dán u Upos. Kaguman nu Upos u Diyos sakay u Upos ay mismo a Diyos.

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

1 Corinto 2:2

Pero nagdisisyonák a awanák ti ibaheta nikam maliban ni Jesu-Cristo sakay u kákkepako na tu kudus.

Efeso 2:17

Sakay immangay he ti Cristo sakay inpangaral na tu atanan u Maganda a Baheta a mangatád ti kapayapaan nikam a Hentil hide a adeyo tu Diyos sakay tu Judio hide a adene nikuna.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Tito 1:3

Sakay tu netakda a panahun ay nepakapospos na dán u upos na. Iye ay nepagkatiwala nikán nu Diyos a Tagapagligtas tam para itoldu ayun tu utus na.

Hebreo 6:5

Nadanas di dán be u kagandaan nu upos nu Diyos, sakay u kapangyariyan nu Diyos a maghare tu dumemát a panahun.

1 Pedro 1:12

Nikuna a ipakapospos di iye, ay impaunawa nide nu Diyos a u gággimitán de ay para nikam bakán a para nide. Iye a tatahoden ay masaneg moy dán nadid tu magbaheta hide tu Maganda a Baheta nu Diyos tu kapangyariyan nu Banal a Ispirito a pinaangay nide a gábwat ti langet. Maske u anghel hide ti langet ay tunay u pagkasoh de a maintendiyan iye a katutuhanan.

1 Pedro 1:23

Dipo neenak kamon a huway, bakán a tu pamamag-itan nu kákkeenak a maare palla a matay, nan tu bigu a biyag a hod nikam nadid a awan ti kahád, sakay inyatád nikam nikuna a simmampalataya kam tu awan magbabagu a upos nu Diyos.

1 Pedro 2:2

Dapat kam a mauwaw tu Upos nu Diyos, konna tu kákkauwaw nu anak ti gatas, tánni bumegsák u pánnampalataya moy hanggan matanggap moy u kaligtasan.

2 Pedro 1:19

Kaya lalo a timmibay u pánniwala me tu inpakapospos nu prupeta hide. Kaya dapat la a pakaisipán moy iye ti husto, dipo kumán iye a simbuwan a mangdemlag tu madiham a lugar hanggan tu aldew a káddemát nu Panginoon. Kapareho siya nu biton ti dimadimang a mangatád ti demlag tu isip moy.

1 Juan 1:1

Summulat kame nikam tungkul nikuna a tu sapul pa ay átna dán, u Upos a Makapangatád ti Biyag. Nasaneg mi siya, sakay netan me, namámmalas sakay natawiden.

1 Juan 1:3

Inpakapospos mi ngane nikam u netan me sakay nasaneg tánni makaguman mikam tu pákpagkaessa me tu Ama sakay tu Anak na a ti Jesu-Cristo.

Pahayag 14:6

Nadid, naketaák damman ti essa a anghel a magegbáh tu panganurin. Tatawed na u awan ti katapusan a Maganda a Baheta tánni ibaheta tu tolay hide ti munduway: tu bawat bansa, tu bawat lahe, tu bawat upos, sakay tu bawat banuwan.