1 Pedro 1:22 - U Maganda A Baheta Ni Jesu-Cristo

²² Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

1 Pedro 1:22 ပူးပေါင်းရင်းမြစ်များ

Juan 15:17

Kanya sa iye u utus ko nikam: magmahalan kam.”

Juan 15:3

Táttupadán moy u itáttoldu ko nikam kanya kumán kam a u pinget hide a malinis dán.

Juan 17:17

Ilaan mu hide tu pamamag-itan nu tatahoden; u upos mo ay tatahoden.

Juan 17:19

Sakay alang-alang nide ay inlaan ko i sadile kuwáy niko, tán melaan be hide niko tu pamamag-itan nu tatahoden.

Gimet 15:9

Eessa u pangileng nu Diyos nikitam sakay hide; pinatawad na hide tu kasalanan de dipo tu pánnampalataya de.

Gimet 6:7

Tulos-tulos a kimmalat u Upos nu Diyos sakay u mánnampalataya hide ay pakáppal a pakáppal ti Jerusalem. Sakay u saserdote hide ay makpal a simmampalataya.

Roma 1:5

Tu pamamag-itan ni Jesu-Cristo ay tinanggap me u kaluub a magin apostol tánni maakit me u tolay hide tu atanan a bansa a sumampalataya sakay sumunud nikuna.

Roma 2:8

Pero tu agum hide a awan ti áisipán nan u sadile di la sakay umád de a sumunud tu tatahoden nan tu kadukássan ay ipadanas nide nu Diyos u garabi a iyamut na.

Roma 8:13

Dipo matay kam ni mabiyag kam ayun tu makasalanan moy a pagkatolay. Pero mabiyag kam ni adággen moy u makasalanan moy a pagkatolay tu pamamag-itan nu pággiya nu Banal a Ispirito.

2 Corinto 6:6

Pinatunayan me a tagapagserbi kame nu Diyos tu pamamag-itan nu malinis a kákkabiyag, karunungan, págtiyaga, kabaitan, tu pamamag-itan nu pángdipalongo nu Banal a Ispirito sakay tapat a págmahal.

Galacia 3:1

Hikam a taga Galacia hide, awan kam ti tukoy! Deya i nakaalumayaay nikam? Malinaw a nepakapospos ko nikam ni kodya a natay ti Jesu-Cristo tu kudus!

Galacia 5:5

Pero hikame ay umasa a ibilang nu Diyos a matuwid tu pamamag-itan nu tulung nu Banal a Ispirito sakay tu pánnampalataya me ni Cristo. U katupaden ni iye u pakauha-uhayán me.

Galacia 5:7

Maganda dán nakwa u kássunud moy tu tatahoden a pánnampalataya. Ti deya u nangpugád nikam a diyan itulos u kássunud moy tu tatahoden?

Efeso 4:3

Pagsikapan moy a mapanatile u págkakaessa moy a gábwat tu Banal a Ispirito tu pamamag-itan nu mapayapa moy a pákpággagum.

Filipos 1:9

Idáddasal ko a nakwa ay lalo pa a lumagu u págmahal moy tu balang essa, sakay maaguman ti karunungan sakay madisalad a pákkatukoy.

1 Tesalonica 3:12

Palaguwan pa nakwa nu Panginoon u págmahalan moy tu balang essa sakay tu atanan a tolay, konna tu págmahal mi nikam.

2 Tesalonica 1:3

Kákkapatkákka me hide, lagi kame a magpasalamat tu Diyos dipo nikam. Dapat mila iye a gimitán, dipo tulos-tulos la u kállagu nu pánnampalataya moy ni Cristo, sakay mas pa u págmahal moy tu balang essa.

2 Tesalonica 2:13

Kákkapatkákka ko hide, lagi kame a magpasalamat tu Diyos dipo nikam a mahal nu Panginoon. Sakay dapat la a magpasalamat kame, dipo sapul pa tu sapul ay pinile kamon nu Diyos a maligtas tu pamamag-itan nu Banal a Ispirito a mangpabanal nikam, sakay tu pamamag-itan nu pánnampalataya moy tu Tatahoden.

1 Timoteo 1:3

Konna tu impákpágguhon ko niko nikuna tamuwák ti Macedonia, a gusto ko a mágyan ka pala ti Efeso. Tánni paimangan u sangan a tolay a makántolduwan ti liwat.

1 Timoteo 1:5

U layunin ni bilinan iye ay magkahod kitam ti págmahal a gábwat tu malinis a puso, malinis a isip, sakay ti matapat a pánnampalataya.

1 Timoteo 4:12

Dyan mo pabayan a imemenos kala nu agum dipo ulito ka palla. Nan magin halimbawa ka tu mánnampalataya hide: tu pággupos, ugale, págmahal, pánnampalataya sakay malinis a kákkabiyag.

1 Timoteo 5:2

sakay ituring mo a ina u mágkatanda hide a bábbey. Mákpággagum ka tu mámmadiket hide a tehhod a kalinisan, ibilang mo hide a konna tu wáwwadi mo.

2 Timoteo 1:14

Tu tulung nu Banal a Ispirito a katoy nikitam, ay ingatan mo u atanan a tatahoden a toldu a nepagkatiwala niko.

Hebreo 11:8

Dipo tu pánnampalataya tu Diyos ay sinunud ni Abraham u utus nu Diyos a umangay tu lugar a inpananto na nikuna. Simmunud ngane siya maski awan na tukoy ni hádya angayan naay.

Hebreo 13:1

Nadid, tulos-tulos kam a magmahalan bilang mátkaka ni Cristo.

Hebreo 5:9

Nikuna a nagin ganap dán siya, ay siya u naggábwatan nu awan ti katapusan a kaligtasan nu atanan a sumunud nikuna.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

Santiagu 1:21

Kanya adággen moy dán u atanan nu kadukássan sakay tu agum pa a mágkadangát a gimet, sakay tanggapán moy dán u upos nu Diyos a indátton na tu isip moy dipo siya u mángligtas nikam.

Santiagu 4:8

Umadene kam tu Diyos tánni umadene siya nikam. Kanya hikam a makasalanan hide, iyemang moy dán u pággagimet ti madukás, sakay u pabagu-bagu hide ti isip, diyan kamon magduwwa-duwwa ti isip a sumunud tu Diyos.

1 Pedro 1:2

Pinile kamon nu Diyos a Ama sapul pa tu sapul dipo itod u kagustuwan na. Sakay u Banal a Ispirito u nangpabanal nikam. Kanya magpasakup kamon ni Jesu-Cristo, tánni malinisan kam tu kasalanan moy tu pamamag-itan nu kákkatay na tu kudus. Magkahod kam nakwa ti págpapala sakay kapayapaan.

1 Pedro 2:17

Igalang moy u atanan a tolay sakay mahalán u kákkapatkákka tam ni Cristo. Mabiyag kam a tehhod a ánteng tu Diyos sakay tehhod a pággalang tu Hare.

1 Pedro 3:1

Hikam a bábbey hide, pasakup kam tu kákkabanga moy hide. Ni tehhod palla nide a awan naniwala tu upos nu Diyos ay maakit la be ina hide dipo tu maganda moy a gimet. Maski ni awan kamon magpaliwanag nide,

1 Pedro 3:20

Iye hide u ispirito nu tolay a umád a sumunud nikuna tu panahun ni Noe tu itod. Matiyaga a naguhay u Diyos a sumampalataya hide mentaras a gimitán ni Noe u dakál a abang pero awan maski essa ti tolayan iye hide u simmampalataya. Walo la a tolay u nakaligtas tu lonso.

1 Pedro 3:8

Nadid, sa iye u bilin ko nikam kákkapatkákka ko hide, dapat kam a mamággagum ti maganda, magkaessa sakay magmahalan a konna tu mátkaka, dapat kambe a makákkagbiyán sakay mapagpakumbaba.

1 Pedro 4:17

Nadid, adene dán a dumemát u panahun nu pághatul nu Diyos. Tu pághatul na ay idipalongo na a hatulan u pinile na hide. Ni hikitam a anak na idipalongo naay a hatulan ay tunay ti dágge u parusa a maguhay tu tolay hide a awan maniwala tu Maganda a Baheta a gábwat tu Diyos.

1 Pedro 4:8

U mahalaga tu atanan ay magmahalan kam ti tapat, dipo u págmahal ay makapagpatawad maski sakodya a kakpal u kasalanan.

2 Pedro 1:7

u pagkamaka-Diyos ay dagdagen moy ti págmalasakit tu kákkapatkákka hide ni Cristo; sakay tu págmalasakit ay dagdagen moy ti págmahal.

1 Juan 3:11

Sa iye u adal a nasaneg moy dán sapul nikuna a simmampalataya kam ni Jesus: Magmahalan kitam.

1 Juan 3:23

Sa iye u utus na: Maniwala kitam tu Anak na a ti Jesu-Cristo sakay magmahalan kitam konna tu inyutus nikitam ni Cristo.

1 Juan 4:12

Maski nikan ay awan palla ti naketa tu Diyos, pero ni magmahalan kitam ay katoy siya nikitam sakay magin ganap nikitam u págmahal na.

1 Juan 4:20

Ni ti deya man u magkagi a “Mahal ko u Diyos” pero maiyamut labe tu kapatkákka na ay mabule. Dipo ni u kapatkákka na a ketan na dán ay awan na pa mamahal, kodya na a mamahal u Diyos a awan na ketan?

1 Juan 4:7

Mahal ko hide a kákkapatkákka, magmahalan kitam dipo gábwat tu Diyos u págmahal. U magmahal tu kapatkákka na ay anak nu Diyos sakay tumengge tu Diyos.

Pahayag 2:4

Pero tehhodák a essa a bagay a umád nikam: nanglamig dán u págmahal moy nikán a awan konna tu págmahal moy tu purumero.