1 Pedro 1:1 - U Maganda A Baheta Ni Jesu-Cristo

¹ Hikán ti Pedro, apostol ni Jesu-Cristo, nagsulatak nikam a pinile hide nu Diyos a mákpágyan ti Ponto, Galacia, Capadocia, Asia, sakay Bitinia.

1 Pedro 1:1 ပူးပေါင်းရင်းမြစ်များ

Mateo 10:2

Sa iye u ngahangahan nu sapulo ay ti duwwa a disepulus a nginahanan na be hide a apostol na: U purumero ay ti Simon, u palayaw na ay Pedro, ti Andres a kapatkákka ni Pedro, ti Santiago sakay ti Juan a anak ni Zebedeo,

Mateo 24:22

Sakay u tatahoden ni awan paapehetan nu Diyos i panahon an itod ay awan ti maligtas. Pero para tu tolay hide nu Diyos ay ipaapehet na u panahon”.

Mateo 4:18

Nadid tu páglakad ni Jesus tu digdig nu minalno nu Galilea, ay netan na u duwwa a lállake a magsabud dipo mángngikan hide. Matkaka u duwwa, u ngahan nu essa ay ti Simon, u palayaw na ay Pedro sakay u essa ay ti Andres.

Lukas 18:7

U Diyos pa wád u awan mángsuhog tu pinile na hide a mákkekakagbi nikuna ti aldew ay ti gibi. Paguhayán na beman wád hide ti malay a panahun?

Juan 11:52

Sakay bakán la a tu bansa de, nan para tu atanan a anak nu Diyos a nekalat tu buu a mundu, para hide ay ipunán sakay pagessaán.

Juan 7:35

Namágtanungan u pinuno nu Judio hide, “Hádya wád plano naay a angayan ta awan tam kanon siya ketan? Angay wád siya tu lugar nu Griego hide, ni hádya a nekalat u kákkapatkákka tam a Judio, para magtoldu tu Griego hide?

Gimet 18:2

Nakilala na hod ti Aquila, essa a Judio a taga-Ponto. Káddedemát na la a gábwat ti Italia kaguman u kabanga na a ti Priscila. Lummakad hide hod dipo pinalakad ni emperador a Claudio u atanan a Judio ti Roma. Immangay ti Pablo tu bilay de,

Gimet 18:23

Nágyan hod siya ti sangan a aldew sakay káttapos ay naghektat dámman siya. Linebut na u atanan a lugar a sakup ni Galacia sakay ti Frigia, sakay pinabegsák na u pánnampalataya nu atanan a mánnampalataya hod.

Gimet 19:10

Nagnalay siya hod ti duwwa a taon, kanya u tolay hide a mágyan ti Asia ay nakasaneg tu Upos nu Diyos, Judio man oni Griego.

Gimet 6:9

Nákpagtábbegan ti Esteban tu sangan a kaguman tu sinagoga nu Pinalaya hide, hide ay u Judio hide a taga-Cirene, taga-Alejandria, taga-Cecilia, sakay taga-Asia.

Gimet 8:4

U namághiwewalay a mánnampalataya u nagtoldu tu Maganda a Baheta. Maskin hádya hide keangayan ay ibaheta di pade.

1 Corinto 16:19

Kumustaán kam nu mánnampalataya hide ti Asia. Kumustaán kam be tu ngahan nu Panginoon di Aquila sakay Priscila sakay u kákkapatkákka hide a mamággipun-ipun tu bilay de.

2 Corinto 1:8

Kákkapatkákka hide, ibaheta mi nikam u kahirapan a nadanas me ti Asia. Tunay ti kadágge iye a nadanas me, akala me ni matay kami dán.

Galacia 1:2

U atanan nu kákkapatkákka tam a katoy he ay kaguman ko a mákkumusta nikam a mánnampalataya hide a taga-prubinsiya ni Galacia.

Efeso 2:12

Isipán moy a ti panahunan itod ay hiwalay kam be ni Cristo, awan kam kasale tu banuwan nu Israel sakay awan kasale tu kasunduwan nu Diyos a inpanantu na hide. Tu itod ay nabiyag kam ti munduwan iye a awan ti pag-asa sakay awan ti Diyos.

Efeso 2:19

Kaya awan kamon taga-iba a bansa nan kabanuwan kamon nu pinile hide nu Diyos sakay kasale tu pamilya na.

2 Timoteo 1:15

Tukoy mo be a inadagginak dán nu atanan a mannámpalataya hide ti Asia, pate di Figelo sakay ti Hermogenes.

Hebreo 11:13

Natay hide a atanan a tehhod a pánnampalataya tu Diyos. Awan de natanggap u inpananto nu Diyos pero natannaw de itod tu adeyo. Inturing de u sadile de a dayuhan la ti munduwan iye.

Santiagu 1:1

Hikán ti Santiago a alipin nu Diyos sakay alipin nu Panginoon Jesu-Cristo. Magsulaták tu atanan a Judio a mánnampalataya tu Diyos a katoy tu iba-iba a lugar ti munduway. Kumusta kam la hina a atanan.

1 Pedro 2:11

Kákkapatkákka ko hide, bakán a munduwáy u permamente tam a págyanan nan kumán kitam la a bisita ti iye. Kanya mákkekagbiyák nikam, adággen moy dán u mágkadukás a kagustuwan nu bággi moy dipo ina u mangsida tu kássunud moy tu Diyos.

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.

Pahayag 1:11

Kinagi na a, “Isulat mo u atanan a ketan mo, sakay ipatawed mo tu pitto a grupo nu mánnampalataya hide: ti Efeso, Esmirna, Pergamo, Tiatira, Sardis, Filadelfia, sakay ti Laodicea.”