1 Juan 3:2 - U Maganda A Baheta Ni Jesu-Cristo

² Mahal ko hide a kákkapatkákka, anak kitamon nadid nu Diyos. Pero awan padla ketan ni ánya u magin kalagayan tam. Tukoy tam a tu káddemát a huway ni Cristo ay magin konna kitam nikuna dipo ketan tam a talaga siya.

1 Juan 3:2 ပူးပေါင်းရင်းမြစ်များ

Mateo 5:8

Pinagpala nu Diyos u tolay hide a awan dán ti agum a pagserbiyán nan u Diyos la, dipo hide u maketa nikuna.

Lukas 17:30

Konna labi hod i mangyariyay tu káddemát nu Anak nu Tolay.

Lukas 20:36

Dipo konna dán hide tu anghel hide a awan mata-matay sakay magin anak dán hide nu Diyos. Dipo biniyag na dán hide a huway.

Juan 1:12

Pero u atanan a timmanggap sakay naniwala nikuna ay inatádden na hide ti karapatan a magin anak nu Diyos.

Juan 11:52

Sakay bakán la a tu bansa de, nan para tu atanan a anak nu Diyos a nekalat tu buu a mundu, para hide ay ipunán sakay pagessaán.

Juan 17:24

Ama, gusto ko a makaguman tu angayan ko u tolay hide a inyatád mo nikán, tán ketan di be u karangalan a inyatád mo nikán, dipo mahalák mo bagu pa a nilalang i munduway.

Roma 8:16

U Banal a Ispirito sakay u ispirito tam ay pareho a mangpatunay a anak kitam nu Diyos.

Roma 8:18

Para nikán, u paghihirap tam nadid hide ay awan mekompara tu maganda a kalagayan a makao tam káddemát nu aldew.

Roma 8:19

Maski ni u buo a linalang hide nu Diyos ay gusto di dán a ipahayag nu Diyos u anak na hide.

Roma 8:29

Dipo sapul pa tu itod ay tukoy dán nu Diyos ni tideya u para nikuna, pinile na dán hide a magin konna tu Anak na ati Jesus, tánni siya u magin panganay tu makpal a mátkaka.

1 Corinto 13:12

Nadid a kasalukuyan, awan maliwanag u pákkaintendi tam tungkul tu Diyos a kumán a mahabuháb a hupa u ketan tam tu aspeho, pero dumemát u aldew a ketan tam siya ti harapan. Badit palla u tukoy ko nadid; pero dumemát u aldew a matukuyan ko iye a atanan, konna tu pákkatukoy nu Diyos nikán.

1 Corinto 15:49

Ni kodya kitam a kapareho nu tolay a naggábwat tu luta ay dumemát u aldew a u bággi tam ay pumareho ni Cristo a naggábwat ti langet.

1 Corinto 2:9

Pero konna he u nakasulat tu Kasulatan, “Awan palla ti tolay a naketa oni nakasaneg, sakay nakatukoy, tu bagay hide a inhanda nu Diyos para tu magmahal hide nikuna.”

2 Corinto 3:18

Sakay nadid ay nawan dán u tapoh tu isip tam, sakay netan dán nikitam u kapangyariyan nu Panginoon. I kapangyariyanan iye ay gábwat tu Panginoon a Banal a Ispirito. Siya u utay-utay a mangbagu nikitam, hanggan magin kapareho na kitam.

2 Corinto 4:17

Dipo u pághirap a nadanas me nadid, ay pangsandaliyan la sakay awan masiyadu a madágge. Dipo tukoy me a tehhod a inhanda a dakál a gantimpala u Diyos para nikame. Iye ay manatile a magpakahanggan sakay awan mapantayan.

Galacia 3:26

Dipo tu pánnampalataya moy ni Jesu-Cristo ay nagin anak kam a atanan nu Diyos.

Galacia 4:6

Sakay para mapatunayan a anak kam nu Diyos, ay pinaangay na u Ispirito nu Anak na tu puso tam hide, tánni makadulaw kitam tu Diyos a, “Ama, Ama ko!”

Filipos 3:21

Káddemát ni itod a aldew ay baguwán na u mágkahina sakay matay a bággi tam sakay gimitán na a makalanget a konna tu bággi na. Gimitán na iye tu pamamag-itan nu kapangyariyan na a nangsakup na tu atanan a bagay.

Colosas 3:4

Ti Cristo u tatahoden a biyag moy, ni mehayag dán siya, ay mehayag kambe a kaguman na sakay mákbahagi kam tu karangalan na.

Hebreo 9:28

Konna labi hod, ti Cristo ay pumensan la a natay tán buhaán na u kasalanan nu tolay hide. Dumemát siya a huway, bakán a para tubusán a huway u kasalanan nu tolay nan tán iligtas na u magáohay hide nikuna.

2 Pedro 1:4

Tu pamamagitan nu kapangyariyan na, ay nagpananto siya tu bagay hide a mahalaga sakay makataka-taka para magkahod kitam ti ugale a konna tu ugale nu Diyos, sakay para makaiwas kitam tu mágkadukás hide a gimet ti munduway.

1 Juan 2:28

Kanya ngane anak hide, itulos-tulos moy u pákkaessa moy ni Cristo tánni káddemát na a huway ay mabegsák u isip tam sakay awan kitam masanike nikuna ti aldiwan itod.

1 Juan 2:7

Mahal ko hide a kákkapatkákka, bakán a bigu a utus u insulat ko nikam nan u date dán a utus a katoy dán nikam tu itod pa. Iye a mensahe ay nasaneg moy dán.

1 Juan 3:1

Isipán moy la ni sakodya ti kadakál u págmahal nikitam nu Ama. Dinulawan na kitam a anak na, a itona ngane u tatahoden. Iye u dahilan ni bakin awan kitam kilala nu makamundo hide a tolay dipo awan de tenggiyán u Diyos.

1 Juan 3:10

Hed tam he a matukuyan ni deya u anak nu Diyos sakay ni deya u anak ni Satanas: Ni deya man u awan maggimet ti maganda sakay awan magmahal tu kapatkákka na ay bakán a anak nu Diyos.

1 Juan 3:21

Mahal ko hide a kákkapatkákka, ni awan kitam balisaán nu konsensiya tam, ay mapayapa u isip tam a umadene tu Diyos.

1 Juan 5:1

Ni maniwala kitam a ti Jesus u Cristo a sinugu nu Diyos, ay anak kitam ngane nu Diyos. Sakay ni ti deya man u magmahal tu Ama ay magmahal be tu kapareho de a anak nu Ama.

Pahayag 2:28

Sakay iyatád ko be nikuna u talang umaga a paketan tu tagumpay na.”

Pahayag 22:4

Ketan de u hupa na, sakay mesulat tu kidáp de u ngahan na.