1 Corinto 9:5 - U Maganda A Baheta Ni Jesu-Cristo

⁵ Ni te kabanga kame, awan kame beman ti karapatan a mangkuyog tu kabanga me a mánnampalataya a konna tu gággimitán ni Pedro, a konna tu agum hide a apostol sakay kákkapatkákka nu Panginoon tam?

1 Corinto 9:5 ပူးပေါင်းရင်းမြစ်များ

Mateo 13:55

Awan beman siya u anak nu karpintero? Awan beman u ina na ay ti Maria sakay u kákkapatkákka na a lállake ay di Santiago, Jose, Simon, sakay Judas?

Mateo 8:14

Nadid nikuna immangay ti Jesus tu bilay ni Pedro ay netan na a te katdug u katugngan a bábbey ni Pedro dipo grabe u ladu na.

Markos 1:30

Nedemáttan de ate katdug dálla u katugngan ni Simon Pedro, dipo tu lánggáng na a ladu, kanya agad di iye a kinagi ni Jesus.

Markos 6:3

Awan beman siya u karapintero a anak ni Maria, sakay wadi na di Santiago, Jose, Judas sakay ti Simon? Awan beman u wáwwadi na a bábbey ay hod he a mágyan?” Dipo ti itod ay umád de a maniwala nikuna sakay binadit-badit de siya.

Lukas 6:15

Mateo, Tomas, sakay ti Santiago a anak ni Alfeo, ti Simon a makabayan,

Lukas 8:20

Kaya te nángkagi nikuna, “Katoy ti luwase dena mo sakay u wáwwadi mo hide, gusto dika a uhunan.”

Juan 1:42

Ingkuyog na ti Simon tu kán Jesus. Sakay nikuna a makademát hide tu kán Jesus ay inileng ni Jesus ti Simon sakay kinagi na, “Hiko ti Simon a anak ni Juan, pero sapul nadid ay dulawán ka dán a Cefas.” (U Cefas ay kapareho labe nu ngahan a Pedro, a ugusto na akagiyan ay bito.)

Juan 2:12

Káttapos nu kasal ay immangay ti Jesus ti Capernaum, kaguman u ina na, u kákkapatkákka na hide, sakay tu disepulus na hide. Nágyan hod hide ti sangan a aldew.

Gimet 1:14

Lagi hide a mamággipun-ipun para magdasal kaguman u bábbey hide sakay ti Maria a ina ni Jesus, konna bihod u kákkapatkákka ni Jesus a lállake.

Roma 16:1

Nadid, gusto ko a ipatengge nikam u kapatkákka tam a ti Febe. Nagserbi siya tu grupo nu mánnampalataya hide ti Cencrea.

1 Corinto 1:12

U gusto ko a kagiyán, tehhod kan a magkagi a, “Tagasunudák ni Pablo.” U kagi be nu essa ay “Tagasunudák ni Apolos.” U kagi be nu agum ay “Tagasunudák ni Pedro,” oni te magkagi pa, “Tagasunudák ni Cristo.”

1 Corinto 7:15

Pero ni masoh a máksina u awan mánnampalataya tu kabanga na, pabayan moy siya a máksina. Tánni u lállake oni u bábbey a mánnampalataya ay malaya dán. Dipo dinulaw kitam nu Diyos tu mapayapa a biyag.

1 Corinto 7:39

U bábbey ay tulos-tulos a mák-agum tu kabanga na mentaras biyag siya. Pero ni matay u lállake ay malaya dán siya a mákkabanga a huway maskin deya u kasohan na. Pero dapat ay tu kapareho na la be ti pánnampalataya.

1 Corinto 7:7

Gusto ko nakwa a umaheg kam nikán a atanan. Pero bawat essa nikitam ay tehhod a kanya-kanya a kaluub a gábwat tu Diyos, sakay awan iye pare-pareho.

1 Corinto 7:8

Sa iye u makagi ko tu mámmadiket sakay tu bábbelo hide a bábbey: mas maganda pa ni awan kamon mákkabanga a konna nikán.

Galacia 1:19

Awanák hod ti netan a agum a apostol, nan ti Pedro la sakay ti Santiagu a wadi nu Panginoon.

1 Timoteo 3:2

Pero u essa a pinuno ay kailangan a awan ti kapintasan, essa la u kabanga na, kaya a magpugád tu sadile na sakay awan pabigla-bigla. Kailangan a kagalang-galang, mágpatulos tu bilay na, sakay malalake a magtoldu.

1 Timoteo 4:3

Ibawal de u pákkabanga sakay u agum a kalase a makan. Makan a u Diyos la u nanglalang a dapat nakwa a kanán ate págpasalamat lalu dán nikitam a mánnampalataya hide sakay nakatukoy tu tatahoden.

1 Timoteo 5:2

sakay ituring mo a ina u mágkatanda hide a bábbey. Mákpággagum ka tu mámmadiket hide a tehhod a kalinisan, ibilang mo hide a konna tu wáwwadi mo.

Tito 1:6

U pinuno a dapat mo a idátton ay kailangan a awan ti kapintasan, essa la ti kabanga, mánnámpalataya u aanak de, sakay awan hide mágkagulo oni maigát ti págguluwan.

Hebreo 13:4

Dapat igalang nu atanan u pákkabanga, sakay magin tapat tu balang essa u magkabanga. Dipo hatulan nu Diyos u mangibábbey oni mangilállake.