1 Corinto 9:22 - U Maganda A Baheta Ni Jesu-Cristo

²² Ni hikán ay hod tu mágkahina hide ti pánnampalataya ay mákbagayák para mapabegsák ko hide ni Cristo. Nákbagayák tu atanan a tolay, tánni maskin tu ánya a paraan ay maakit ko u agum nide a sumampalataya ni Jesu-Cristo para maligtas hide.

1 Corinto 9:22 ပူးပေါင်းရင်းမြစ်များ

Roma 11:14

Tu pamamag-itan ni iye ay baka sakale la a mapasene ko u kapareho ko hide a Judio tánni sumampalataya u sangan nide sakay maligtas.

Roma 14:1

Nadid, tanggapán moy u kapatkákka moy a mahina ti pánnampalataya sakay dyan kam mákpagtalo tu pánniwala na hide.

Roma 14:2

Halimbawa, tehhod a tolay a maniwala a atanan a pagkain ay maare a kanán. Tehhod be a mahina ti pánnampalataya sakay para nikuna, atong la u dapat a kanán.

Roma 15:1

Hikitam a mágkabegsák ti pánnampalataya ay dapat a tumulung tu kákkapatkákka hide a mágkahina ti pánnampalataya. Bakán la a u sadile tam a kapiyyaan u dapat tam a isipán,

Roma 15:2

nan u ikaganda be nu agum, tánni mapabegsák be u pánnampalataya de.

1 Corinto 10:33

Magporsigiyák a mapasaya u atanan a tolay tu gággimitán ko; bakán la a u sadile ko a kapiyyaan u áisipán ko nan pate u kapiyyaan nu agum, tánni maligtas hide.

1 Corinto 7:16

Pero ánya tukoy moyay hikam a bábbey hide, bakay hikam i magin dahilanay nu kákkaligtas nu kákkabanga moy? Hikam be a lállake hide, ánya tukoy moyay, bakay hikam i magin dahilanay nu kákkaligtas nu kákkabanga moy?

1 Corinto 8:13

Kaya ni tu makan la u dahilan a pagkasalaan nu kapatkákka ko ay dyanák dán kuman ti karne tánni awan siya magkasala.

1 Corinto 9:19

Malayaák sakay awanák alipin nu deyaman; pero nagpaalipinák tu atanan tánni makaakiták la ti makpal para sumampalataya tu Panginoon Jesu-Cristo.

1 Corinto 9:23

Gággimitán ko iye a atanan dipo tu Maganda a Baheta, tánni mákbahagiyák tu págpapala ni iye.

2 Corinto 11:29

Ni tehhod a manghina ay karamayák de; sakay ni tehhod a nagkasala, grabi u pághirap ni puso kuwáy.

Galacia 6:1

Kákkapatkákka ko hide, ni te nagkasala a kaguman moy, hikam a igággiyya nu Banal a Ispirito ay uhunán moy siya a pasoliyán tu Diyos. Pero magingat kam makay pate hikam ay matokso be.