1 Corinto 7:38 - U Maganda A Baheta Ni Jesu-Cristo

³⁸ Kaya maganda mákkabangaáy, pero mas maganda ni makapagpugád tu sadile sakay awan mákkabanga.

1 Corinto 7:38 ပူးပေါင်းရင်းမြစ်များ

Mateo 5:32

Pero nadid ay itoldu ko nikam a ni ti deya man u humiwalay tu kabanga na a bábbey maski awan nangilállake ay nagkasala siya dipo siya u te dahilan ni mákkabanga a huway u bábbey. U lállake a kumabanga be nikuna sakay u bábbey ay nagkasala ti pángngalunya.”

1 Corinto 7:26

Iye u makagi ko nikam nadid a panahun ni sákhirap. Ni tehhod ka dán a kabanga, ay dyan mo dán hiwalayan u kabanga mo. Ni awan ka palla ti kabanga ay mas maganda ni dyan ka dálla mákkabanga. Dipo tu palagay ko ay mas maganda pa a magtulos-tulos ka tu kalagayan mo ti biyag nikuna dulawán ka nu Diyos.

1 Corinto 7:37

Pero ni magdisisyon u ulito a awan dán mákkabanga ay maganda iye ni matatag u kaluuban na sakay awan la siya napilitan. Sakay kaya na a magpugád tu sadile na.

1 Corinto 7:39

U bábbey ay tulos-tulos a mák-agum tu kabanga na mentaras biyag siya. Pero ni matay u lállake ay malaya dán siya a mákkabanga a huway maskin deya u kasohan na. Pero dapat ay tu kapareho na la be ti pánnampalataya.

1 Corinto 7:8

Sa iye u makagi ko tu mámmadiket sakay tu bábbelo hide a bábbey: mas maganda pa ni awan kamon mákkabanga a konna nikán.

Hebreo 13:4

Dapat igalang nu atanan u pákkabanga, sakay magin tapat tu balang essa u magkabanga. Dipo hatulan nu Diyos u mangibábbey oni mangilállake.