1 Corinto 7:36 - U Maganda A Baheta Ni Jesu-Cristo

³⁶ Tungkul iye tu magkatipan a nagkasundu a awan palla pakasal, ni mabate nu lállake a masoh dán siya a mákduhog tu katipan na ay dapat dán hide a magpakasal. Itulos de u date de a plano. Pakasal dán hide, awan iye kasalanan.

1 Corinto 7:36 ပူးပေါင်းရင်းမြစ်များ

Mateo 1:18

Nadid konna he i istoryaay nu kákkaenak ni Jesu-Cristo: Ti Maria a ina ni Jesus sakay ti Jose ay nasakad dán. Pero bagu hide a nagagum ay nagbuktet ti Maria tu pamamagitan nu kapangyariyan nu Banal a Ispiritu.

Mateo 5:40

Ni ikaso di ka para la maalap de u badu mo ay iyatád mu dálla pate u dyaket mo.

1 Corinto 7:35

Kinagi ko iye tánni matulungan takam. Awan takam higpitan; u gusto kula ay meangay kam ti maayus a kákkabiyag, tánni awan kam maabala a magserbi tu Panginoon.

1 Corinto 7:37

Pero ni magdisisyon u ulito a awan dán mákkabanga ay maganda iye ni matatag u kaluuban na sakay awan la siya napilitan. Sakay kaya na a magpugád tu sadile na.

1 Corinto 7:9

Pero ni awan hide makapagpugád tu sadile de ay mas maganda pa ni mákkabanga dálla hide; dipo mas maganda pa ni mákkabanga nan ni awan makapagpugád tu sadili de dipo tu kákkasoh de.