1 Corinto 7:33 - U Maganda A Baheta Ni Jesu-Cristo

³³ Pero u pággaabalaan nu lállake a tehhod a kabanga ay u bagay hide ti munduwáy, dipo gusto na a mapasaya u kabanga na.

1 Corinto 7:33 ပူးပေါင်းရင်းမြစ်များ

Lukas 12:22

Kinagi pa ni Jesus tu disepulus na hide, “Kaya kagiyán ko nikam: dyan kam mabalisa tu makan para mabiyag kam oni tungkul tu damit a mesulot moy,

Lukas 14:20

Sakay kinagi be nu essa, ‘Awanák makaangay dipo biguwák a kasal.’

Juan 10:13

Lakaden na u tupa hide dipo áupaan la, kanya awan ti malasakit tu tupa hide.

1 Corinto 7:3

Dapat tupadán nu lállake u tungkulin na tu kabanga na, sakay dapat konna bi hod u gimitán nu bábbey.

1 Corinto 7:32

Gusto takam a meadeyo tu pakánbalisa. U pággaabalaan nu lállake a awan ti kabanga ay u gawain hide nu Panginoon sakay ni kodya siya a makasaya nikuna.

1 Corinto 7:34

Dipo he ay mahate u págserbi na. Konna labe hod tu mámmadiket sakay u bábbey hide a awan ti kabanga, u pakán abalaan de ay u bagay hide a patungkul tu Panginoon dipo gusto de a metalaga u buo de a biyag tu pagserbi tu Panginoon. Pero u bábbey a tehhod a kabanga ay u bagay ti lutaáy u pakán abalaan na, dipo gusto na a mapasaya u kabanga na.

Colosas 3:19

Lállake hide, mahalán moy u kákkabanga moy, sakay diyan moy hide pasakitan.

1 Timoteo 5:8

Ni deya man u awan mangpospos tu kákkapatkákka na, lalu dán tu pamilya na ay immadág ti pánnampalataya, dipo mas madukás pa u ugali na nan tu awan ti pánnampalataya.

1 Pedro 3:7

Nadid, hikam be a lállake hide a te manga-kákkabanga, igalang moy u kákkabanga moy hide, intendiyán moy u kahinaan de. Isipán moy a konna labe hide nikam a te karapatan a tumanggap ti biyag a awan ti kahád a kaluub nu Diyos. Gimitán moy iye tán awan ti hadlang tu págdasal moy.