1 Corinto 7:28 - U Maganda A Baheta Ni Jesu-Cristo

²⁸ Pero ni mákkabanga kam, ay awan kam magkasala. Sakay ni mákkabanga be u madiket ay awan siya magkasala. Pero u mákkabanga ay makadanas ti makpal a hirap ti biyagan iye, sakay ina a hirap u gusto ko a maiwasan moy.

1 Corinto 7:28 ပူးပေါင်းရင်းမြစ်များ

Mateo 5:32

Pero nadid ay itoldu ko nikam a ni ti deya man u humiwalay tu kabanga na a bábbey maski awan nangilállake ay nagkasala siya dipo siya u te dahilan ni mákkabanga a huway u bábbey. U lállake a kumabanga be nikuna sakay u bábbey ay nagkasala ti pángngalunya.”

1 Corinto 7:26

Iye u makagi ko nikam nadid a panahun ni sákhirap. Ni tehhod ka dán a kabanga, ay dyan mo dán hiwalayan u kabanga mo. Ni awan ka palla ti kabanga ay mas maganda ni dyan ka dálla mákkabanga. Dipo tu palagay ko ay mas maganda pa a magtulos-tulos ka tu kalagayan mo ti biyag nikuna dulawán ka nu Diyos.

1 Corinto 7:29

Iye u gusto ko a kagiyán, kákkapatkákka: adene dán u netakda a panahun, kaya sapul nadid, u tehhod a kabanga ay mabiyag a kumán a madiket.

2 Corinto 1:23

Tistigu ko u Diyos, tukoy na u katoy tu puso ko a kayaák a awan immangay hina ti Corinto ay dipo gusto takam a atádden ti pagkakataun a magsise tu mágkadukás moy hide a gimet. Sakay para awan takam makagiyan.

Hebreo 13:4

Dapat igalang nu atanan u pákkabanga, sakay magin tapat tu balang essa u magkabanga. Dipo hatulan nu Diyos u mangibábbey oni mangilállake.