1 Corinto 4:15 - U Maganda A Baheta Ni Jesu-Cristo

¹⁵ Maskin magkahod kam ti sapulo a libo a tagapagtoldu tu kákkabiyag moy bilang Kristiyano, ay eessa padi u meturing a ama moy tu pánnampalataya. Hikán itod dipo hikán u nakasanigan moy tu Maganda a Baheta tungkul ni Cristo Jesus.

1 Corinto 4:15 ပူးပေါင်းရင်းမြစ်များ

Roma 15:20

U pinakagugusto ko ay mepangaral u Maganda Baheta tu lugar hide a awan palla nepangaral ti Cristo tánni awanák makapangaral tu lugar a tehhod dán a tarabaho a sinapulan nu iba.

1 Corinto 1:30

Siya u naggábwatan nu biyag moy nadid dipo tu pákpagkaessa moy ni Cristo Jesus. Nikuna tam a natukuyan u karunungan nu Diyos dipo nikuna sakay tu ginimet na tu kudus ay inturing kitam nu Diyos a matuwid, dipo pinatawad na dán u kasalanan tam. Imbilang kitam nu Diyos a banal sakay pinalaya na kitam gábwat tu kasalanan sakay inligtas na kitam.

1 Corinto 15:1

Nadid, gusto ko a ipaalaala nikam, kákkapatkákka ko hide, u Maganda a Baheta a impangaral ko nikam. Ina u upos nu Diyos a tinanggap moy, sakay nagin pundasyon nu pánnampalataya moy.

1 Corinto 3:10

Ayun tu kabaitan nu Diyos nikán, hikán u nagdátton tu pundasyon, konna tu essa a malalake a mágpataknág. Sakay u agum be u mángtapos tu bilay. Pero magin maingat u balang essa a mángtapos tu bilay,

1 Corinto 3:6

Konna he u halimbawa nu tarabahu me, kumán a hikán u nagmula, ti Apolos u nagdilig, pero u Diyos u nagpatubu sakay nagpalagu.

1 Corinto 3:8

U mágmula sakay u mágdilig ay pareho la a mágtarabaho sakay balang essa ay tumanggap ti gantimpala ayun tu pagud na.

1 Corinto 9:12

Ni u agum hide a mángngaral ay tehhod a karapatan, di mas lalu kame dán! Pero maski ni konna pa man hod ay awan me ginamit iye a karapatan. Nan tiniis me u atanan tanni awan kame magin hadlang tu Maganda a Baheta tungkul ni Cristo.

1 Corinto 9:14

Konna labe hina, inyutus nu Panginoon a u timmanggap tu Maganda a Baheta ay dapat tumulong tu kailangan hide nu mángngaral hide tu Maganda a Baheta.

1 Corinto 9:16

Bakán a dipo a mángngaralák tu Maganda a Baheta ay maariyák dán a magmadakál. Ina u tungkulin a netalaga nikán. Kakagbiyák ni awan ko ibaheta u Maganda a Baheta!

1 Corinto 9:18

Anya nadid i mauhay kuway a gantimpala? Awan ti agum nan u págtoldu ko tu Maganda a Baheta ti libre sakay tu awan ko káasa tu karapatan ko a mangaged bilang mángngaral.

1 Corinto 9:23

Gággimitán ko iye a atanan dipo tu Maganda a Baheta, tánni mákbahagiyák tu págpapala ni iye.

2 Corinto 4:5

Bakán a u sadile me u ipáppangaral me nan ti Cristo Jesus a Panginoon tam. Nagserbi kame nikam dipo tu págmahal me ni Cristo Jesus.

Galacia 3:24

Kanya ngane u Kautusan u itáttoldu nikitam hanggan tu káddemát ni Cristo, para matukuyan tam ani dumemát dán siya ay dapat kitam a sumampalataya nikuna dipo meturing kitam la a matuwid tu pamamag-itan nu pánnampalataya tam nikuna.

Galacia 3:25

Nadid, dipo summampalataya kitamon ni Cristo kaya awan kitamon dapat manalig tu Kautusan para meturing kitam nu Diyos a matuwid.

Galacia 4:19

Anak ko hide, dipo nikam kaya magdanasák dámman ti hirap a konna tu magenak a bábbey. Gimitán ko iye hanggan pumareho ni Cristo u biyag moy.

2 Timoteo 4:3

Dipo dumemát u panahun a awan dán sumaneg u tolay hide tu tama a adal; nan sunudán dilaay ay u kagustuwan de. Mággaehyukán hide ti mangtoldu nide tu gugusto dila a masaneg.

Tito 1:4

Magsulaták niko, Tito, a tunay ko a anak ti pánnampalataya. Magkahod kam nakwa ti págpapala sakay kapayapaan a gábwat tu Diyos a Ama sakay ti Jesu-Cristo a Tagapagligtas tam.

Filemon 1:19

Hikán a ti Pablo i nángsulatay he, hikán i mangbayaday tu ányaman a utang ni Onesimo niko. Pero ni tuusán ay utang mu be nikán u pákkatenggi mo ni Cristo.

Santiagu 1:18

Ayun tu kaluuban nu Diyos ay ginimet na kitam a anak na hide tu pamamag-itan nu impakapospos na a upos na a tatahoden, tánni magin pinakamahalaga kitam tu atanan a linalang na.

1 Pedro 1:23

Dipo neenak kamon a huway, bakán a tu pamamag-itan nu kákkeenak a maare palla a matay, nan tu bigu a biyag a hod nikam nadid a awan ti kahád, sakay inyatád nikam nikuna a simmampalataya kam tu awan magbabagu a upos nu Diyos.