1 Corinto 2:15 - U Maganda A Baheta Ni Jesu-Cristo

¹⁵ U tolay a te Ispirito nu Diyos ay maare na a matukuyan u kahalagaan nu atanan a bagay ni iye ay maganda oni awan pero u tolay a awan nikuna u Ispirito nu Diyos ay awan na matukuyan u tolay a tehhod a Ispirito nu Diyos.

1 Corinto 2:15 ပူးပေါင်းရင်းမြစ်များ

Juan 7:17

Ni deyaman u masoh a sumunud tu kagustuwan nu Diyos ay matukuyan na u itáttoldu ko, ni gábwat tu Diyos oni gábwat la tu sadile ku a kagustuwan.

Gimet 16:3

Gusto a kuyugán ni Pablo ti Timoteo, kanya tinure na siya dipo tukoy nu Judio hide a mámmágyan ti lugaran itod a Griego u ama ni Timoteo.

1 Corinto 14:37

Ni tu pangakala nu deya man a tummanggap siya ti adal a gábwat tu Diyos oni maski ánya a kaluub nu Banal a Ispirito ay dapat na a tenggiyán a i sulat kuwáy nikam ay utus nu Panginoon.

1 Corinto 3:1

Nadid, kákkapatkákka, awan takam makauhon konna tu gággimitán ko tu tolay hide a katoy nide u Banal a Ispirito. Kailangan a kauhunán takam bilang tolay a mabiyag palla ayun tu kagustuwan nu bággi, sakay anak palla ti pánnampalataya ni Cristo.

1 Corinto 4:5

Kaya bakán a hikitam u magkagi ni tama oni madukás u essa a tolay. Maguhay kam tu tama a panahun, dipo u Panginoon u maghatul káddemát na. Iluwas na u bagay hide a netagu tu kadiklamman sakay ikagi na u lihim hide a plano nu balang essa. Ti panahunan iye, balang essa ay tumanggap ti papure a karapat-dapat nikuna a gábwat tu Diyos.

Galacia 6:1

Kákkapatkákka ko hide, ni te nagkasala a kaguman moy, hikam a igággiyya nu Banal a Ispirito ay uhunán moy siya a pasoliyán tu Diyos. Pero magingat kam makay pate hikam ay matokso be.

Filipos 1:10

Tánni matukuyan moy ni ánya u pinakamaganda a dapat moy a gimitán. Para tu káddemát nu Aldew nu kássole ni Cristo ay demáttan nakam a malinis sakay awan ti kapintasan.

Colosas 1:9

Kaya sapul a nasaneg me iye, ay tulos-tulos me a idáddasal tu Diyos a nákwa ay ipakapos-pos na nikam ti husto u kaluuban na. Tu pamamag-itan nu karunungan sakay pággintendi a kaluub nu Banal a Ispirito.

1 Tesalonica 5:21

Pagadalan moy ti husto u toldu hide ni iye ay gabwat tu Diyos oni awan sakay ni anya u maganda ay sala itod u sunudan moy.

Hebreo 5:14

Pero u maigát a kanán ay para tu mágkatanda dán hide sakay tukoy na dán u maganda ay tu madukás.

1 Juan 2:20

Pero inyatád dán nikam u Banal a Ispirito kaya tukoy moy dán u tatahoden.

1 Juan 4:1

Mahal ko a kákkapatkákka, dyan moy paniwalaan u balang magkagi a katoy nide u Ispirito nu Diyos. Nan subukán moy pa hide ni talaga a gábwat tu Diyos u Ispirito a katoy nide. Dipo makpal dán a liwat a prupeta ti munduwáy.